Ashley Furniture Industries-ის შესახებ

Ashleyfurniture Inc. მსოფლიოში #1 ავეჯის მწარმოებელი კომპანიაა და ერთადერთი, ვისაც მინიჭებული აქვს ხარისხის მსოფლიოს სტანდარტი WORLD CLASSMANUFACTURING PRACTICES (WCM) ავეჯის წარმოებაში. WCM სტანდარტი კომპანიის უმაღლესი ხარისხისა და ინოვაციური ტექნოლოგიების გამოცდილების ნიშანია.  

Ashley-ს გაყიდვებმა 2020 წელს 10 $ მლრდ-ს მიაღწია. დღეს კომპანია აწარმოებს 25000 დასახელების ავეჯს და ყოველწლიურად ყიდის 30 მლნ ნივთს;

Ashley-ს ასორტიმენტი გამორჩეულია საოჯახო ავეჯის მრავალფეროვნებით და რამდენიმე სტილს მოიცავს. ეს კი იმას ნიშნავს, რომ კომპანია ავეჯს ნებისმიერი გემოვნების კლიენტისთვის ქმნის.

Ashley Furniture, ავეჯი

კომპანიის სათავო ოფისი აშშ-ში, ვისკონსიის შტატში, ქალაქ არკადიაში მდებარეობს.

Ashley-ს ავეჯის ფაბრიკები, საწყობები და გამანაწილებელი ცენტრები კი განთავსებულია ფლორიდის, კალიფორნიის, ვისკონსინის, პენსილვანიის და მისისიპის ტერიტორიებზე. ასევე, Ashleyfurniture-ის საწარმოო ხაზი ფუნქციონირებს ჩინეთსა და ვიეტნამში. კომპანიის მფლობელები არიან მამა-შვილი რონ და ტოდ ვანეკები.

Ashley Furniture Design

Ashley Furniture Industries-ის გზის დასაწყისი

კომპანიის ისტორია 1945 წელს იწყება, მაშინ როცა კარლაილ ვაინბერგერმა ხის ავეჯის რეალიზებისთვის ფირმა დააარსა. ტავდაპირველად ინტერიერის საგნებს ადგილობრივი ხელოსნებისგან ყიდულობდნენ და გასაყიდად ჩიკაგოში ჩაჰქონდათ. იმ დროს ჩიკაგო ავეჯით ვაჭრობისთვის ყველაზე მსხვილი ცენტრი იყო.

Ashley-ს განვითარებისთვის სერიოზული გადაწყვეტილება აღმოჩნდა 1970 წელს ინვესტირება პატარა კომპანიაში, სახელწოდებით Arcadia Furniture, რომელიც რონ ვანეკმა დააფუძნა. იმ დროს Arcadia Furniture ნატურალური ხისგან სხვადასხვა დანიშნულების მაგიდების ამზადებდა.

სწორედ რონ ვანეკის საოცარმა ალღომ და მართვის სტილმა მოუტანა Ashley-ის უდიდესი წარმატება, უმაღლესი რეპუტაცია და მსოფლიო აღიარება.

Ashley ავეჯი

რონ ვანეკი - Ashley Furniture Industries-ის დამფუძნებელი და თავმჯდომარე

რონ ვანეკი მინესოტაში მდებარე პატარა ფერმაში იზრდებოდა, სადაც არც წყალგაყვანილობა ჰქონდათ და არც ელექტრობა. ავეჯის მიმართ ინტერესი ბაბუამ და ბაბუის ძმამ გაუღვიძეს, თუმცა მათთვის ინტერიერტის საგნების კეთება მხოლოდ ჰობი იყო.

სკოლის დამთავრებითანავე რონიმ მუშაობა დაიწყო კომპანიაში Winona Industries, რომელსაც სამი ბიზნესმენი ფლობდა. მათ შორის ერთი ინჟინერი იყო, მეორე - ნოვატორი, მესამე კი - ბრწყინვალე ადმინისტრატორი. მათი მეთვალყურეობის ქვეშ რონიმ ბიზნესის მართვის მთავარი ასპექტები შეისწავლა, ხოლო 1963 წელს სათავეში ჩაუდგა მინესოტაში გახსნილ ახალ საწარმოს, სადაც ჩაეყარა კიდეც საფუძველი მის კარიერას.

1970 წელს რონი, ინვესტორთა გუნდთან ერთად, აფუძნებს Arcadia Furniture Corporation-ს.

იმ დროს ავეჯის მრეწველობაში მსსხვილი საწარმოები დომინირებდნენ და ეს ახალი მოთამაშე სერიოზულად არც მიუღიათ. 6 წლის შემდეგ, 1976 წელს, Arcadia Furniture Corporation გაერთიანდა სავაჭრო კომპანია Ashley Furnitur-თან, რომელიც პროდუქციის რეალიზებაზე ზრუნავდა. გაერთიანებულ კომპანიას Ashley Furniture Industries, Inc. ეწოდა.

დროთა განმავლობაში ეს სახელი ამერიკული ავეჯის ინდუსტრიის ისტორიაში ოქროს ასოებით ჩაიწერა.

2011 წელს Arcadia Memorial Park-ის ტერიტორიაზე რონ ვანეკს - ოჯახის მამას, კომპანიის დამფუძნებელსა და ქველმოქმედ ადამიანს - პატივის ნიშნად სიცოცხლეშივე ძეგლი დაუდგეს. ამ ცერემონიაში Ashley-ს თითქმის 2 ათასი თანამშრომელი და ბევრი სტუმარი მონაწილეობდა.

Ashley ავეჯი სახლისთვის

ტოდ ვანეკი - Ashley Furniture Industries პრეზიდენტი და მთავარი აღმასრულებელი დირექტორი

ტოდ ვანეკმა მამის საწარმოში კარიერა 70-იან წლებში დაიწყო, როცა ჯერ კიდევ 14 წლის იყო.

სკოლასა და შემდეგ კოლეჯში სწავლის პარალელურად, ტოდი პრაქტიკაში ითვისებდა ბიზნესის ორგანიზების ასპექტებს, მათ შორის - წარმოებას, მომარაგებას, ტექნიკურ უზრუნველყოფას, ინჟინერიას, პროდუქტის დიზაინს, გასაღებას, ფინანსურ აღრიცხვას.

უნივერსიტეტის დამთავრების შემდეგ, სამრეწველო ტექნოლოგიების ბაკალავრის ხარისხით, სამუშაოდ აზიაში გაემგზავრა და სათავეში ჩაუდგა შვილობილ კომპანია Ashley Furniture Industries Taiwan-ს.

შემდეგი რამოდენიმე წელი ტოდი ხელმძღვანელობდა ბიზნესის განვითარებას ჩინეთში, მალაიზიაში, ინდონეზიაში, ტაივანში.

1994 წელს შტატებში დაბრუნდა  და სათავეში ჩაუდგა ახალა მიმართულებას - კომპანია რბილი ავეჯის წარმოებას იწყებდა. ორი წლის შემდეგ კომპანიის პრეზიდენტი და მთავარი ოპერაციული დირექტორი გახდა. 2002 წელს კი მამამ ტოდს მთავარი აღმასრულებელი დირექტორის უფლებამოსიელება გადააბარა.

ტოდის ხელმძღვანელობით საწარმომ შექმნა ათასობით სამუშაო ადგილი როგორც აშშ-ში, ისე უცხოეთში. ხოლო ბრენდი Ashley Furniture Home Store აღიარებულ იქნა საერთაშორისო ასპარეზზე.

Ashley ტახტი

***

ვანეკების გვარის მესამე წარმომადგენელი - ტოდის ვაჟი კემერონი უკვე ესწრება Ashley Furnitur-ის კორპორაციულ შეხვედრებს. ეს კი იმას ნიშნავს, რომ მსოფლიო სახელის მქონე საოჯახო ბიზნესს წინ ახალი მიღწევები აქვს.

***

Ashley-ს საწარმოს მაღალ რეპუტაციას ქმნის:

  • ეშლის მუშაობის სტილი - პროდუქციის მაღალი ხარისხის მისაღწევად კომპანიის სისტემური და კომპლექსური მიდგომა თითოეული დეტალის, თითოეული კვალიფიციური ოსტატის, თითოეული კვადრატული მეტრის სრულ ოპტიმიზაციას უზრუნველყოფს;
  • ყველაზე მოწინავე საინჟინრო სისტემები, რომლებიც ეშლის საწარმოებშია დანერგილი. Ashley Furniture-ის საწარმოთა საერთო ფართობი კი 1 მილიონ კვ.მ-ს (!) აღემატება;
  • მასალის დამუშავების და ავეჯის აწყობის საკუთარი მეთოდები, რომლებიც კომპანიას დაპატენტებული აქვს;
  • მოდერნიზაციის და ტექნოლოგიური პროცესის  ხარისხის მკაცრი კონტროლი;
  • 57 ულტრათანამედროვე ლაბორატორია, რომელიც პროდუქციის ხარისხს, უსაფრთხოებასა და გამძლეობას ცდის;