ორშაბათი, 31 მაისი, 2021

Ashley HomeStore ავეჯის მაღაზია - რატომ ყიდულობენ ამ ავეჯს მთელს მსოფლიოში

როცა საკუთარი თვალით ნახავთ და ხელს შეახებთ ამერიკული ბრენდის Ashley HomeStore-ის ავეჯს, ალბათ, აღარც გაგიჩნდებათ კითხვა: „რატომ არის "ეშლი"-ს ავეჯი ასეთი მოთხოვნადი და პოპულარული მთელ მსოფლიოში?“ .იმწამსვე თვალში მოგხვდებათ: უნაკლო შესრულება, უმაღლესი ხარისხის მასალა, ხელმისაწვდომი ფასი. თუმცა მას შემდეგ, რაც პრაქტიკაში გამოცდით, დარწმუნდებით, რომ ავეჯის მაღაზია Ashley HomeStore-ის უპირატესობის დასამტკიცებლად გაცილებით მეტი არგუმენტი არსებობს.

 

სახლის ინტერიერი Ashley Homestore

სახლის ინტერიერი

 

როგორ უნდა გამოიყურებოდეს „იდეალური ინტერიერი“ - ამის შესახებ თითოეულ ადამიანს განსხვავებული შეხედულება აქვს: ერთისთვის კლასიკაა განუმეორებელი, ვიღაცას როკოკოს და ბაროკოს ბრწყინვალება ხიბლავს, სხვას - მოდერნისა და ჰაი-ტეკის მკაცრი ფორმები მოსწონს. კიდევ არსებობს ქანთრი, ლოფტი, პროვანსი, არტ-დეკო, ფიუჟენი და ათობით სხვა დიზაინერული მიმართულება.

 

სწორედ ამიტომ Ashley-ს ასორტიმენტში დღეს სხვადასხვა სტილში შესრულებული 120 კოლექციაა; მათ შორის შეხვდებით ხის საწოლიმაგიდა და სკამები, სასადილო ოთახის, მისაღები ოთახის, საძინებელი ოთახის გარნიტურების აბსოლუტურად განსხვავებულ მოდელებს, რომელთა შორის აუცილებლად მიაგნებთ იმას, რასაც ეძებთ.


ეკოლოგიური ავეჯი Ashley Homestore

ეკოლოგიური ავეჯი

 

მეორე არგუმენტი Ashley-ს ავეჯის სასარგებლოდ - მისი ეკოლოგიურობაა! ეს ძალიან მნიშვნელოვანია იმ ადამიანებისთვის, ვინც საკუთარი ოჯახის ჯანმრთელობაზე ზრუნავენ. Ashley-ს დიზაინერები ყოველთვის დიდ მნიშვნელობას ანიჭებდნენ მასალის შერჩევას და მომხმარებლის უსაფრთხოებას. სწორედ ამიტომ, მაგალითად, რბილი ავეჯის წარმოებისას ყოველთვის გამოიყენება ჰიპოალერგიული  შემავსებლები, ხოლო ზამბარის ბლოკები და გადასაკრავი ტექსტილი მაქსიმალურად მდგრადია ექსპლუატაციისა და ცვეთის მიმართ. Ashley-ს ავეჯის ყველა კოლექცია წარმოებულია ნატურალური ხისგან - ყველაზე ხანმედეგი და უსაფრთხო მასალისგან! მაგიდის ზედაპირებად ზოგიერთ მოდელში გამოყენებულია მარმარილო და მინა, ხოლო ფურნიტურა დამზადებულია მხოლოდ და მხოლოდ ლითონისგან. შედეგად ავეჯი არა მხოლოდ მდიდრული და წარმოსადეგი, არამედ, ყველა გაგებით, აბსოლუტურად უსაფრთხოა თქვენთვის და თქვენი ოჯახის წევრებისთვის.

 

ავეჯის სტილი Ashley Homestore

ავეჯის სტილი

 

კიდევ ერთი მიზეზი Ashley-ს ავეჯზე არჩევანის გასაკეთებლად - მისი კეთილშობილი სტილია. Ashley-ს კოლექციებზე მუშაობენ ცნობილი დიზაინერები, ვისთვისაც ავეჯის ხელოვნების მრავალსაუკუნოვანი ტრადიციები მნიშვნელოვანია. თითოეული ელემენტი, დაწყებული ხეზე ჭრიდან, დამთავრებული კარადებისა თუ კომოდების ლითონის სახელურებით, შესრულებულია უზადო ოსტატობით და სტილის ელემენტების დაცვით. სწორედ ასეთი პედანტურობა და ავეჯის ხელოვნების სიყვარული უზრუნველყოფს Ashley-ს სანდო იმიჯს.


კომფორტული ავეჯის დიზაინი


ამერიკელი დიზაინერები ყოველთვის პირველ ადგილზე აყენებენ თავისი მომხმარებლების კომფორტს. სწორედ ამიტომ ეს ავეჯი იქმნება არა მხოლოდ გარკვეული სტილის კანონების დაცვით, არამედ ამასთანავე, თანამედროვე ადამიანის ყველა მოთხოვნილების გათვალისწინებით. მაგალითად, ხის საწერ მაგიდას აქვს განყოფილება კომპიუტერის სისტემური ბლოკისთვის და სადგამი კლავიატურისთვის, კაბინეტის ტყავის სავარძელი  - გორგოლაჭები და სიმაღლის რეგულირების მექანიზმი, ხოლო ტელევიზორის სადგამად შეგიძლიათ შეიძინოთ ტევადი ხის ტუმბო, რომელიც სწორედ თანამედროვე ტექნიკაზეა მორგებული.

 

სახლის ავეჯი Ashley Homestore

ავეჯის მაღაზია  Ashley Homestore - დაარსება და წარმატება

 

ამერიკული კომპანია Ashley HomeStore 1945 წელს ჩიკაგოში დაარსდა და, დაახლოებით, 50 წელიწადში მსოფლიოს ცნობილი მწარმოებლების და ავეჯის ექსპერტების ათეულში შევიდა.

თავდაპირველად ავეჯის წარმოებაზე საუბარიც არ იყო - Ashley HomeStore ადგილობრივი ავეჯის ოსტატებისგან ყიდულობდა ავეჯს და ჰყიდდა ჩიკაგოში, რომელიც იმ დროს ამერიკული ვაჭრობის ცენტრი იყო.


ეშლის ისტორიაში გადამწყვეტი მოვლენა გახდა ინვესტირება პატარა კომპანიაში, სახელწოდებით Arcadia Furniture, რომელიც ვისკონსინის შტატში, ქალაქ არკადიაში მდებარეობდა და ტელევიზორებისთვის ხის კარკასებს აწარმოებდა.


Ashley HomeStore-ის ინვესტიციამ Arcadia Furniture-ს საშუალება მისცა, ხის ავეჯის წარმოება დაეწყო.

მალევე ეს კომპანიები გაერთიანდნენ და Ashley HomeStore -ის სათავო ოფისმა ქალაქ არკადიაში დაიდო ბინა.

კომპანია ეშლის განვითარებასა და წარმატებაზე უდიდესი გავლენა მოახდინა მისი ხელმძღვანელისა და ლიდერის რონ ვანეკის პიროვნებამ, რომელსაც ვაჭრობისა და ინოვაციების მიმართ სასწაული ალღო ჰქონდა.


კომპანიის სპეციალისტები მუდმივად თვალყურს ადევნებდნენ კლიენტების მოთხოვნილებებს.

Ashley HomeStore-ის ხელმძღვანელობა დარწმუნებული იყო, რომ ადამიანმა ძველი ავეჯის გამოცვლა რომ გადაწყვიტოს,  ახალი ავეჯი აბსოლუტურად სხვაგვარად უნდა გამოიყურებოდეს.

ამიტომ კომპანიამ ინოვაციურ იდეებზე დაიწყო მუშაობა.

90-იან წლებში ეშლის სავიზიტო ბარათი გახდა გასაშლელი ავეჯი -  გასაშლელი დივანი, (რიქლაინერი, მექანიზმიანი სავარძელი), ხის მაგიდები გასაშლელი ზედაპირით, ხის საწოლები სიმაღლის და დახრის კუთხის რეგულირებით.


 ასაწყობი ავეჯი საწოლი

ასაწყობი ავეჯი

 

კიდევ ერთი ნიშა, რომელიც მან თავის დროზე დაიკავა ავეჯის ბაზარზე,  ეს იყო - ასაწყობი ავეჯი. მსგავსი ავეჯს ამერიკაში მანამდე რამდენიმე ფორმა  აწარმოებდა, თუმცა მათი პროდუქტი დაბალი ხარისხის გახლდათ, რადგან გათვლილი იყო იმ მყიდველზე, რომელიც იაფ და მარტივ პროდუქტს ეძებდა.

 

ეშლის ხელმძღვანელობამ სხვა გზა აირჩია - წარმოებაში ჩაუშვა არა ძვირად ღირებული, თუმცა ხარისხიანი ხის კარადები, ხის საწერი მაგიდები და კომპიუტერის მაგიდები, რომლებიც მომხმარებელს შეეძლო, საკუთარი ხელით აეწყო.

მალე ასეთი ავეჯი ამერიკაში მოდური გახდა.

 

სახლის ავეჯი Ashley Homestore

რბილი ავეჯი

 

1994 წელს კი ეშლი იწყებს რბილი ავეჯის დამზადებას და ამისთვის მისისიპის შტატში ორი ქარხანას აშენებს...

 

დღეს უკვე Ashley Furniture (მფლობელები - რონ და ტოდ ვანეკები) აშშ-ს ტერიტორიაზე და მის ფარგლებს გარეთ 15 სამრეწველო საწარმოს ფლობს.

Ashley HomeStore-ს ბრენდი კი მსოფლიოს 123 სახელმწიფოში იყიდება!


გასაშლელი დივანი ეშლი
 


 

ამერიკული ავეჯი

 ამერიკული ავეჯი ძირითადად კოლონიალურ სტილშია შესრულებული. 

კოლონიალური სტილის გაჩენა პირდაპირ დაკავშირებულია ამერიკის კოლონიზაციისა და დიდი გეოგრაფიული აღმოჩენების ეპოქასთან. იმ დროში დედამიწას იპყრობდნენ მსოფლიო ოკეანეზე გასასვლელის მქონე ძლევამოსილი სახელმწიფოები: ინგლისი, ესპანეთი, პორტუგალია.

კოლონისტებს, რა თქმა უნდა, ყველგან თან ჩაჰქონდათ საყოფაცხოვრებო ნივთები და ავეჯი.

ევროპული ავეჯისა და, განსაკუთრებით, ინგლისური სტილის ინსპირაციით დაიწყო და დროთა განმავლობაში გაძლიერდა ამერიკული ავეჯის წარმოება: 

 

  • 1780-1810 წლებში ამერიკელ ავეჯის მწარმოებლებში ძალიან პოპულარულია ინგლისელი ოსტატების თომას ჩიპენდეილის და თომას შერატონის ნამუშევრები;
  • XVIII საუკუნის ბოლოს ამერიკაში უკვე ბევრი ინგლისელი ოსტატი ჩადის სამუშაოდ. ეს ყველაზე მნიშვნელოვანი პერიოდია კოლონიალური სტილის ისტორიაში;
  • XIX საუკუნის დასაწყისიდან ამერიკელი ოსტატების ხელობა ახალ დონეზე ადის.  ამერიკული ავეჯი და ინტერიერის საგნები უკვე გამოდის „კოლონიალური“ ჩარჩოებიდან -  გავლილი აქვს განვითარების რამდენიმე ეტაპი და ექსპერიმენტების პერიოდები, შერწყმული აქვს ევროპული კლასიკა და აღმოსავლური ეგზოტიკა, ათვისებული აქვს ინგლისური, ფრანგული, ჰოლანდიური, ესპანური ავეჯის წარმოების საუკეთესო ტრადიციები. 

საწოლი Ashley Homestore ავეჯი


 სწორედ ამ მიმართულების საუკეთესო მაგალითია ავეჯის კოლექციები და სახლის დეკორი. ამიტომ, როცა თქვენ ირჩევთ Ashley Homestore-ს ავეჯს, ამით:

 

  • ირჩევთ ელეგანტურობას და ფუნქციონალურობას ერთდროულად - ეშლის ავეჯის დიზაინი თანამედროვე ადამიანის ყველა საჭიროებას ითვალისწინებს;
  • 100% ნატურალურ ხეს - კაკალი, აკაცია, ნეკერჩხალი, მუხა, ამერიკული წითელი ხე (მაკაგონი), როტანგის პალმა;
  • გამძლე და, უმეტესწილად, ბუნებრივ ტექსტილს - სელი, ტყავი, აბრეშუმი,  მატყლი; 
  • ექსპლუატაციაში საიმედოობას და ცვეთის მიმართ ხანმედეგობას;
  • ირჩევთ ავეჯს, რომელიც იდეალურად იხდენს დეკორის ელემენტებს - ფაიფურისა თუ თიხის ფიგურებს, ხის ტორშერებს, ჭრელ ხალიჩებს, პატარა ფარდაგებს, მაგიდის სანათებს, კედლის სარკეებს, ფერადოვან ბალიშებს... შეგიძლიათ, თამამად მისცეთ გასაქანი თქვენს ფანტაზიას და ლამაზი კომპოზიციები შექმნათ. 

    

Ashley HomeStore კეთილშობილი ავეჯია, რომელიც არაფერში გზღუდავთ - მათ შორის, არც ექსპლუატაციაში და არც დეკორის საგნების არჩევაში. 

blog.comments.leaveyourcomment