პარასკევი, 25 ივნისი, 2021

რჩევები გასაშლელი რბილი ავეჯის სწორად შერჩევისთვის

ღესდღეობით ძალიან პოპულარულია გასაშლელი რბილი ავეჯი და, განსაკუთრებით - გასაშლელი დივანი, რადგან ის ფუნქციონალური, ესთეტიკური და კომფორტულია.

დივანი ალბათ ყველაზე გავრცელებული ავეჯია - შეიძლება, სახლში არ გქონდეთ, მაგალითად,  კონსოლი ან ბარის სკამი, მაგრამ საცხოვრებელი ბინა რთული წარმოსადგენია დივნის, სავარძლისა თუ ტახტის გარეშე.


როდესაც დივნის შეძენას აპირებთ, კარგი იქნება, თუკი თავიდანვე გეცოდინებათ, რა დანიშნულებით გამოიყენებთ: მხოლოდ სტუმრების მოსაღებად თუ უფრო ინტენსიური დატვირთვისთვის - მოსასვენებლად და დასაძინებლადაც კი. სწორედ აქედან გამომდინარე, გარეგნული მახასიათებლების გარდა, უნდა დაინტერესდეთ დივნის კონსტრუქციით.


რბილი ავეჯის მაღაზია Ashley Homestore


იმისთვის, რომ გასაშლელი ავეჯი არა მხოლოდ ვიზუალურად სიამოვნებდეს თვალს, არამედ მაღალი ტექნიკური მახასიათებლებითაც კარგი სამსახური გაგიწიოთ, ამ კითხვებზე უნდა მიიღოთ ამომწურავი პასუხი: 


  • რა მასალისგან არის დამზადებული კარკასი?
  • როგორ მუშაობს ტრანსფორმაციის მექანიზმი?
  • რამდენია მაქსიმალური დასაშვები დატვირთვა?

ასეთი მონაცემები, წესით, კონკრეტული მოდელის ტექნიკურ აღწერილობაში უნდა იყოს მითითებული. თუმცა მაინც, უმჯობესია, წინასწარ დააზუსტოთ კონსულტანტთან.


მანამდე კი ავეჯის მაღაზია Ashley HomeStore გაგიზიარებთ ინფორმაციას იმის შესახებ, თუ რა მასალებისგან მზადდება რბილი ავეჯის კარკასი და, ძირითადად, როგორ მუშაობს გასაშლელი რბილი ავეჯის მექანიზმები.


 

გასაშლელი დივანი რბილი ავეჯი



რბილი ავეჯის კარკასი

 კარკასი დივნის ყველაზე მძიმე ნაწილია და სწორედ მასზეა დიდწილად დამოკიდებული ამ ავეჯის გამძლეობა.

ალბათ, ბევრი ფიქრობს, რომ რაც უფრო მძიმეა კარკასი, მით უფრო გამძლეა დივანი. თუმცა, ყოველთვის ასე როდია... გამძლეობა განისაზღვრება არა მხოლოდ კარკასის წონით, არამედ იმ მასალით, რისგანაც ეს კარკასია დამზადებული.

 

ფოლადის კარკასები - ისინი, თავისთავად, ყველაზე მძიმეა. ფოლადის კარკასის მქონე, 150x200 ზომის, სტანდარტული გასაშლელი დივნის წონა შეიძლება 70-დან 120 კგ-მდე იყოს. ეს ნიშნავს იმას, რომ საკმაოდ გამძლე იქნება - ჯერ ერთი, ფოლადი მძიმეა და, ამასთანავე, ასეთ კარკასებს დიდი დატვირთვის ადგილებში დეტალები გაძლიერებული აქვს. თუკი რკინის კარკასის მქონე დივნის წინა 40-70 კგ-ია, ეს ნიშნავს, რომ კარკასი არ არის ფოლადის, ის ან კომბინირებულია ან, სულაც, ალუმინისგან არის დამზადებული და განსაკუთრებულ გამძლეობაზე პრეტენზია ვერ ექნება. მასზე გაცილებით გამძლე და მყარია მასიური ხის კარკასები;


დივანი ავეჯის მაღაზია Ashley Homestore


მუხის ხის და წიფელას ხის კარკასები - საკმაოდ მკვრივი და მძიმეა. პრემიუმ კლასის, ძვირად ღირებულ მოდელებში ასეთი კარკასით გასაშლელი დივნის წონა  შეიძლება, 100 კგ-ს აღემატებოდეს; საშუალო კლასის სტანდარტული დივნები მუხისა და წიფელას ჩარჩოებით, დაახლოებით, 65-დან 95 კგ-მდე იწონიდეს. თუმცა, ასეთი შედარებით მცირე წონის გამო მასიური ხის კარკასის გამძლეობა ეჭვქვეშ არ უნდა დააყენოთ; 

 

არყის ხის კარკასები - არყის ხე სიმტკიცითა და გამძლეობით სულ უმნიშვნელოდ ჩამორჩება მუხის ხეს. სტანდარტული გასაშლელი დივანი არყის ხის კარასით, 60-დან 90 კგ-მდე იწონის. სხვათა შორის, არყის ხეს, „ფასი-ხარისხის“ შესაბამისობის თვალსაზრისით, ოქროს შუალედად მიიჩნევენ. ასევე, სწორედ არყის ხისგან მზადდება საუკეთესო ფანერა, რომელსაც რბილი ავეჯისა და საწოლებისთვის იყენებენ;

 

ფიჭვის ხის კარკასები - ეს ყველაზე გავრცელებული და არცთუ ნაკლები ხარისხის მასალაა რბილი ავეჯის კარკასისთვის. ფიჭვის კარკასის მქონე გასაშლელი დივანი 50-დან 85 კგ-მდე იწონის. საექსპლუატაციო ვადა კი დამოკიდებულია მოდელსა და კარკასის სისქეზე;

 

„დეესპეს“ კარკასები - არსებობს მოსაზრება, რომ მერქან-ბურბუშელას ფილის, იგივე „დეესპეს“ კარკასზე აწყობილი დივანი ყველაზე მძიმე და, ამავე დროს, ყველაზე ნაკლებად გამძლეა;  ეს მოსაზრება სიმართლე იქნებოდა, რომ არა ზოგიერთი მწარმოებლის გულწრფელი სურვილი, მომხმარებლისთვის ხელმისაწვდომი ფასის და კომფორტული ავეჯი შექმნას. „დეესპეს“ შემთხვევაში წონის „თამაში“ მარტივია - შეიძლება წონა შეამცირონ ისეთ ნაწილებით, რომლებზეც ნაკლები დატვირთვა მოდის და ამით 40 კგ-მდე დაიყვანონ, ან პირიქით - დივანს ხის დეტალების დამატებით სოლიდურობა შესძინონ და ავეჯის წონაც 60-90 კგ-მდე გაზარდონ. ერთი სიტყვით, მერქან-ბურბუშელას ფილის კარკასის მქონე დივნის წონა არ არის იმის მაჩვენებელია, თუ რამდენად გამძლეა ავეჯი;

 

კომბინირებული მასალა - ასევე რთულია წონის მიხედვით ავეჯის სიმყარეზე საუბარი იმ შემთხვევაშიც, როცა გასაშლელი დივანის კარკასი კომბინირებული მასალით არის დამზადებული. ასეთ დროს ყურადღება უნდა მიაქციოთ ავეჯის სხვა დეტალებს - კარკასის სისქეს, გასაშლელ მექანიზმს, ზამბარის ბლოკების ხარისხს... 


სასტუმრო ოთახის ავეჯი დივანი სავარძელი


რბილი ავეჯის გასაშლელი მექანიზმები

გამოსაგორებელი მექანიზმი - მიიჩნევა, რომ ასეთი მექანიზმით გასაშლელი რბილი ავეჯი ყველაზე მყარი და გამძლეა. ის გათვლილია მრავალჯერადი ტრანფორმაციისთვის და საუკეთესოდ გამოგადგებათ ყოველდღიური მოხმარებისთვის. მისი გაშლა და აკეცვა მარტივია. თქვენ მხოლოდ სავარძლის ქვეშ დამაგრებულ მარყუჟ-სალტეს გამოქაჩავთ. ამ მოქმედების შედეგად კი: ა) დასაჯდომი  ნაწილი წინ გაიწევა და ბ) მის ადგილას საზურგე ჩაჯდება. ასეთი მექანიზმით აღჭურვილი მოდელი გაშლილ მდგომარეობაში ფართო და სწორი საწოლი ხდება, თითქმის 2 მეტრამდე სიგრძით; აკეცილ მდგომარეობაში კი პატარა ადგილს იკავებს - შეგიძლიათ, მჭიდროდ მიდგათ კედელთან; ამ მექანიზმის მაქსიმალური დატვირთვა 180 კგ-ია;

 

ამერიკული მექანიზმი Sedaflex - გაშლაც და აკეცვაც უმარტივესად, მხოლოდ ორი მოქმედებით ხდება - ჯერ ერთი სექცია გაიშლება და შემდგ მეორე  გადმოიშლება. ამ მექნიზმის მაქსიმალული დატვირთვა 240 კგ-ია;

მექანიზმი Eurobook - დასაჯდომი ადგილი წინ გამოდის და საზურგე უკან გადაიკეცება ანუ იშლება წიგნივით; ასეთი სავარძელი მექანიზმით გათვლილია, დაახლოებით, 40 000 გაშლა-აკეცვაზე და 200 კგ დატვირთვაზე;

 

მექანიზმი Click Clack - ასეთი მექანიზმით გასაშლელი დივანი გამოირჩევა იმით, რომ გაშლილ მდგომარეობაში არ იკეთებს ღარს. გარდა ამისა, აქვს სამი პოზიცია: წოლა, ნახვერად ჯდომა, ჯდომა.  უძლებს 160 კგ-ს და მწარმოებლის გარანტია აქვს, მინიმუმ, 10 წელი;

 

თუკი დივანი საწოლის ფუნქციითაც უნდა გამოიყენოთ, ნამდვილად ღირს, შეათვალიეროთ კუთხის დივანი - ასეთ მოდელებში გასაშლელი მექანიზმი ძალიან მარტივია, დიდად არ არის დატვირთული და თუკი ამ მექანიზმის მოშლის საფრთხეს მაინც არ გასვენებთ, კუთხის გასშლელი დივანი საუკეთესო გადაწყვეტილება იქნება.

 

დაბოლოს, გასაშლელი რბილი ავეჯის შერჩევისას ყურადღება მიაქციეთ  ფურნიტურას - მყარი დივანი არჭურვილი უნდა იყოს ლითონის სამაგრებით, საყრდენებით, ზამბარებით... ერიდეთ პლასტმასის დეტალებს.

 

Ashley HomeStore ბედნიერ შენაძენს გისურვებთ!

დატოვე კომენტარი