პარასკევი, 09 ივლისი, 2021

რა არის ბენჩი და რისთვის გამოგვადგება ეს ავეჯი?


ამ ავეჯის ისტორია, შუასაუკუნეების საფრანგეთიდან იწყება, როცა ვერსალის ფუფუნებამ თავის პიკს მიაღწია. სამეფო აპარტამენტებსა და ცნობილი პერსონების სასახლეებს მდიდრული და საოცრად დახვეწილი ავეჯი ამშვენებდა. 
დიდი პუფი და ბენჩი ყოველთვის იდგა სადღესასწაულო დარბაზებში, სადაც სტუმარს ცოტა ხნით ჩამოჯდომა და დასვენება შეეძლო. ეს ლამაზი ავეჯი ბუდუარებში ედგათ აროსტოკრატული ოჯახების ქალბატონებსაც, რათა სარკის წინ კომფორტულად მოკალათებულიყვნენ.

 

რა თქმა უნდა, ბენჩი არისტოკრატული ავეჯი იყო. დაბალი ფენის ქალებს სად ჰქონდათ დრო სარკის წინ ჯდომისთვის, ან საერთოდაც - სად ჰქონდათ ოთახის სარკეები.

თუმცა დღეს ეს ავეჯი ფუფუნების საგანი აღარ არის, მას სხვადასხვა დანიშნულების მქონე ბევრ სივრცეში შეხვდებით - როგორც საცხოვრებელ სახლებში, ისე სასტუმროს ფოიეებში, მაღაზიების მოსაზომ ოთახებში, მოსაცდელ დარბაზებში და სხვ.

ბენჩი



რა არის ბენჩი?

რისთვის უნდა გამოვიყენოთ სკამი, ტაბურეტი, ტუმბო თუ დივანი, ეს დანამდვილებით ვიცით ყველამ, მაგრამ რა არის ბენჩი, რომელსაც ძველი თაობა ბანკეტკას უწოდებს?   ვიღაც გეტყვით, რომ ეს არის მყარი პუფი, ზოგისთვის ეს რბილი ტაბურეტია, ხოლო ვიღაცისთვის - ელიტარული პატარა დივანი, მოკლე საზურგით. ყველაზე საინტერესო კი ის არის, რომ სამივე ვერსია, გარკვეულწილად, მართალია. იგი თავისი კონფიგურაციით, კონკრეტულად არცერთ ავეჯს არ ჰგავს, მაგრამ შინაარსით ნებისმიერ გარნიტურში ჰარმონიულად ჯდება. (გარნიტური ერთი დანიშნულების მქონე საგნების სრული კომპლექტია, მაგ. - სასადილო მაგიდის კომპლექტიბარის კომპლექტისაძინებლისკაბინეტის, საბავშვო).

Ashley-ს ასორტიმენტში შეგიძლიათ, თქვენი გემოვნებისა და საჭიროების მიხედვით, სხვადასხვა მასალისგან სხვადასხვა სტილში შესრულებული ბენჩი შეარჩიოთ - იქნება ეს მინიმალისტური, პროვანსი, კლასიკა, არტ-დეკო და სხვ.

Ashley-ს ნებისიერი ავეჯი ეკოლოგიურად სუფთა მასალით მზადდება და ადამიანის ჯანმრთელობისთვის უსაფრთხოა. ამასთან ერთად, ნატურალური ხე გამძლეა და, რაც არანაკლებ მნიშვნელოვანია, საცხოვრებელ გარემოს განსაკურებულ მყუდოებასა და სიმშვიდეს ჰმატებს. 

ამასთან ერთად, განსაკუთრებით პრაქტიკული, ბენჩი - საძინებელი ოთახის და ჰოლისთვისაა, სადაც სავარძლისა თუ დივანის დადგმა მოუხერხებელია ან საერთოდ არ არის მათთვის ადგილი.

 საძინებელი ოთახის ბენჩი


მაინც, რისთვის გამოგვადგება ბენჩი? 

  • მასზე მოხერხებულად ჩამოჯდებით, მაგალითად, ჩაცმის პროცესში საძინებელ ოთახში ან შემოსასვლელში, რადგან მისი კონსტრუქცია, სიმაღლე, ზომიერი სირბილე ძალიან განსხვადება მსგავსი დანიშნულების სხვა ავეჯისგან - იქნება ეს სავარძელი, დივანი თუ სკამი;
  • მრავალფეროვან არჩევანში არსებობს ისეთი მოდელები, რომლებსაც აქვს უჯრა ან სათავსო. ბენჩი სათავსოთი გამოგადგებათ თეთრეულის და ტანსაცმლის შესანახად საძინებელ ოთახში, ფეხსაცმელების ჩასაწყობად შემოსასვლელში, ბენჩი უჯრით კი - სხვადასხვა საგნებისთვის კაბინეტსა და მისაღებ ოთახში;
  • აქვს განსაკუთრებული არისტოკრატული ხიბლი  და ესთეტიკური პეწი, რომლიც ოთახში სიმდიდრისა და კომფორტის ატმოსფეროს ქმნის;
  • კომპაქტური ავეჯია და ამ ფაქტორის გათვალისწინებით, მით უფრო - პრაქტიკულ და ესთეტიკურ თვისებებთან ერთად, საუკეთესო გადაწყვეტილებაა მცირე ზომის ოთახებისთვისაც.


კლასიკური ბენჩი


ბენჩის ტიპები

ფორმის, მასალისა და დანიშნულების მიხედვით, ძირითადი სახეობებია:

  • კლასიკური ბენჩი - ტრადიციული ვარიანტი საწოლის გაგრძელებაა და მის „ფეხებთან“ იდგმება. მას არ აქვს საზურგე ან გვერდითა „ფრთები“. კლასიკური სიმაღლე არ აღემატება საწოლის სიმაღლეს და ამიტომ ჰარმონიულად ერწყმის მის დიზაინს. საწოლის ფეხებთან მიდგმული კი შეგიძლიათ, ჩამოჯდომისთვის გამოიყენოთ და არ აწეწოთ დალაგებული ლოგინი; ასევე, ზედ გადაკიდოთ ძილის წინ გახდილი ტანსაცმელი, დადგათ ლანგარი წყლის ჭიქითა თუ ყავის ფინჯნით.
  • ასეთი ბენჩი, შესაძლებელია, სავარძელთან და დივანთან კომპლექტში შეიძინოთ. ყურადღება მიაქციეთ ფერს შერჩევისას - იმის გამო, რომ საძინებელი ოთახის ეს ავეჯი ინტენსიური მოხმარებისაა, უმჯობესია, მუქი ფერის შეარჩიოთ.
  • ბენჩი დაბალი საზურგით - ძალიან მოსახერხებელია - ის, ფაქტობრივად, პატარა, კომპაქტურ დივანს წარმოადგენს, რომელიც იდეალურად ჩაეწერება რენესასნის ან მოდერნის სტილის ინტერიერში.
  • ბენჩი უჯრით - იდეალური ვარიანტია პატარა ფართობის ოთახისთვის, მით უფრო, თუკი ოთახში არ არის ადგილი დიდი კარადისთვის. უჯრაში შეგიძლიათ, ჩააწყოთ პირსახოცები, თეთრეული, ტანსაცმელი, სხვადასხვა საგნები და ამით სივრცის ეკონომია გაკეთოთ.
  • პუფი-ბენჩი - დიზაინით მრგვალ ტაბურეტს ჰგავს, აქვს რბილი დასაჯდომი და, რა თქმა უნდა, ტაბურეტზე გაცილებით კომფორტული და მოდურია. ბანკეტკა/პუფი (ისევ ჩვენი ბებიების ტერმინოლოგიას თუ დავესესხებით) სხვა სახეობებისგან იმით განსხვავდება, რომ უფრო პატარა ზომისაა და კომპაქტურია. ძველებური ბანკეტკა  მოხერხებულია, მაგალითად, კედლის სარკესთან დასადგმელად.
  • ასევე არსებობს ბენჩი პიანინოსთვის - მისი სიმაღლე რეგულირდება, სირბილე კომფორტულად ჯდომას უზრუნველყოფს, ხოლო სიგანე ზუსტად ერგება პიანისტის საჭიროებებს.

ასე რომ, დღეს ბენჩი განსაკუთრებულად სასარგებლო ავეჯია და მისი გამოყენება, მართლაც, მნიშვნელოვნად გაგიმარტივებთ ყოველდღიურობას.

წარმატებულ შენაძენს გისურვებთ!

დატოვე კომენტარი