ორშაბათი, 22 მარტი, 2021

როგორ მოვაწყოთ სახლის ოფისი

სახლის ოფისის მოწყობას თავისი წესები აქვს -  აუცილებელი ნივთები და აქსესუარები ისე უნდა განლაგოთ, რომ ხელთან ახლოს გქონდეთ. და ეს ყველაფერი არ არის.

ოფისის მაგიდა და სკამი

როგორ შევარჩიოთ კაბინეტის ავეჯი

სახლში კომფორტულად მუშაობისთვის აუცილებელია:

საოფისე მაგიდა 

პირველ რიგში, უნდა მოძებნოთ თქვენთვის იდეალური ზომის  მაგიდა. სახლის ოფისის მაგიდა კომფორტული უნდა იყოს როგორც სიგანით, ასევე სიმაღლით;

მაგიდის ზომები, რა თქმა უნდა,  დამოკიდებულია თქვენს ბინაში სამუშაო სივრცისთვის დათმობილ ფართზე. თუკი სახლის ოფისისთვის დიდი ოთახი გაქვთ შერჩეული, მაგიდაც შეიძლება, დიდი ზომის იყოს და არჩევანში არ შეიზღუდოთ;

სახლის საოფისე მაგიდის სტილი კი დამოკიდებულია იმაზე, თუ რას საქმიანობთ:

ა) თუკი პროექტებს ხაზავთ, სქემებს ან ცხრილებს ადგენთ, თავისთავად ცხადია, რომ აუცილებელია ფართო კაბინეტის მაგიდა;

ბ) თუკი ნოუთბუქით მუშაობთ, პატარა საოფისე მაგიდა სრულიად საკმარისი იქნება;

გ) თუკი თქვენი სამუშაოს შესასრულებლად პერსონალური კომპიუტერი და საოფისე ტექნიკა გჭირდებათ, მაშინ უკვე სრულფასოვანი კომპიუტერის მაგიდა უნდა დადგათ. როცა სივრცე საშუალებას გაძლევთ, კარგი გადაწყვეტილება იქნება კუთხის კომპიუტერის მაგიდის შეძენა.

საოფისე მაგიდის დიზაინის შერჩევისას გაითვალისწინეთ თქვენი ბინის ინტერიერი და არჩევანიც საკუთარ გემოვნებასა და საჭიროებებზე დაყრდნობით გააკეთეთ.

ოფისის სკამი მექანიზმით

სკამი ან სავარძელი

ყველამ კარგად ვიცით, რომ მჯდომარე სამუშაო ჯანმრთელობას ვნებს, ამიტომ სწორად უნდა შეარჩიოთ კომპიუტერის სავარძელი ან სკამი მბრუნავი მექანიზმით.

საოფისე სავარძელს უნდა ჰქონდეს:

- მოხერხებული საზურგე, სპეციალური ბალიშით თავის მისაყრდნობად;

- საზურგის დახრილობის რეგულატორი, რათა დროდადრო საზურგეზე გადაწვეთ და ხერხემალი დაასვენოთ;

- სიმაღლის რეგულატორი, რათა ფეხები მყარად გეწყოთ იატაკზე 90 გრადუსიანი კუთხით, დროდადრო კი დასაჯდომი ნაწილის აწევა შეგეძლოთ - ამით მენჯის სახსარში მოხრის კუთზე გაიზარდება და სისხლი ქვედა კიდურებისკენ უკეთ ამოძრავდება.

წიგნის თარო სახლის ოფისისთვის

თაროები, ტუმბოები

არ დაგავიწყდეთ, რომ დოკუმენტებისა და წიგნებისთვისაც დაგჭირდებათ სათავსო - მაგალითად, საოფისე კომოდი, საოფისე კარადა ან საოფისე ტუმბო. ასეთი ავეჯი, უმჯობესია, მაგიდის სტილში შეარჩიოთ და ტევადი იყოს.

მუდბორი და დეკორი

მუდბორი ილუსტრაციებით ან პანტონის პალიტრით დღეს ძალიან პოპულარულია შემოქმედებითი პროფესიის ადამიანებში.
მაგრამ, თუ არ გსურთ, თვალწინ უშუალოდ სამუშაოსთან დაკავშირებული ვიზუალი გქონდეთ, შეგიძლიათ კედელი გააფორმოთ:

ა) თქვენი საოცნებო მოგზაურობის ადგილების ფოტოკოლაჟით;

ბ) საყვარელი ადამიანების ფოტოგრაფიებით;

გ) კედლის სურათებით;  

დ) დაფით სტიკერებისთვის, რომლებზეც სამოტივაციო ფრაზებს მიაწერთ.

პლუს - საოფისე მაგიდაზე რამოდენიმე მაგიდის აქსესუარები დადგით განწყობისთვის. როცა სახლის ოფისში სიმყუდროვე იქნება, თქვენც სიამოვნებით შეუდგებით სამუშაოს. ასეთ გარემოში რაღაც კარგის შექმნის სურვილიც გაგიჩნდებათ და თქვენი ოცნებებიც მიუახლოვდება რეალობას. რატომაც არა!

საოფისე მაგიდის სანათი

სწორად შერჩეული განათება

მნიშვნელოვანია, რომ სამუშაო სივრცეში, ბუნებრივ განათებასთან ერთად,  კობინირებულად იქნეს გამოყენებული ჭერის და კედლის წერტილოვანი განათებები, პლუს საოფისე მაგიდის სანათი. თვალისთვის სასარგებლოა, როცა საოფისე მაგიდის სანათს სინათლის რეგულატორი აქვს.

საოფისე განათება საყურადღებო ნიუანსია, რადგან ამაზეა დამოკიდებული თვალებზე დატვირთვის ხარისხი და, შედეგად, თქვენი თვალისჩინი.

ოთახის მცენარეები

ოთახის მცენარეები სახლის ოფისის ინტერიერში - ეს, უბრალოდ, დეკორი არ გახლავთ. მცენარეები აუმჯობესებს მიკროფლორას და თვალებს ეკრანის გამოსხივებისგან დასვენების საშუალებას აძლევს - ამისთვის საკმარისია, მზერა 2-3 წუთით მცენარეებზე გადაიტანოთ. ამასთან, მწვანე ფერი სასიკეთოდ მოქმედებს ნერვულ სისტემაზე, ხსნის დაძაბულობას. აქ მხოლოდ პლუსებს თუ ჩამოვთვლით.

სახლის ოფისის ინტერიერის აქსესუარები

სწორად შერჩეული ფერები

ნაცრისფერი, კრემისფერი, სპილოსძვლისფერი - ასეთი პალიტრა ყველაზე ოპტიმალურია  მინი-ოფისისთვის. ეს მშვიდი ფერები ვიზუალურად ადიდებს სივრცეს და ფანჯრიდან შემომავალ ბუნებრივ განათებასაც აძლიერებს. მკაფიო ფერები კი ისეთი დეტალებისთვის მოიტოვეთ, როგორებიც არის ინტერიერის დეკორი და კაბინეტის მაგიდაზე დასაწყობი საკანცელარიო ნივთები.

სახლის ოფისის სამუშაო ზონა ისე უნდა მოაწყოთ, რომ ოთახის დეკორმა სამუშაოსგან თვალი არ მოგწყვიტოთ.

მშვიდი ფერის კედლებს კარგად შეეხამება როგორც კლასიკური კაბინეტის მაგიდა და, მაგალითად, კლასიკური წიგნის თარო, ისე თანამედროვე საოფისე მაგიდა, კომპიუტერის სკამი, საოფისე კომოდი, საოფისე კარადა თუ საოფისე ტუმბო.

დასკვნის სახით:

ნუ გადატვირთავთ სამუშაო სივრცეს ზედმეტი საგნებით. ირგვლივ ის ნივთები უნდა ეწყოს, რაც სამუშაოს შესასრულებლად და სამუშაო განწყობის შესაქმნელად გჭირდებათ.

სახლის საქმეები ზოგჯერ ყურადღებას გაგაფანტინებთ, ამას ყველა ფრილანსერი დაგიდასტურებთ, თუმცა თუკი შეძლებთ და სახლის ოფისს გონივრულად მოაწყობთ, ისეთი ავტონომიური სივრცე გექნებათ, სადაც თქვენი შრომა პროდუქტიულიც გახდება და სასიამოვნოც.

წარმატებულ შენაძენს გისურვებთ!

blog.comments.leaveyourcomment