ორშაბათი, 18 იანვარი, 2021

როგორ შევარჩიოთ ავეჯი საძინებელი ოთახისთვის

ბინაში კომფორტისა და სიმყუდროვის შექმნა დიდწილად სწორად შერჩეულ ავეჯზეა დამოკიდებული. საცხოვრებელ ფართში განსაკურებულად საყურადღებოა საძინებელი ოთახის სივრცე, რადგან სწორედ აქ უნდა შეძლოთ დამღლელი დღის შემდეგ განტვირთვა, დასვენება და ძალების აღდგენა.

სტატიაში იმ რეკომენდაციებს გაგიზიარებთ, რომლებიც დაგეხმარებათ საძინებელი კომპლექტი სწორად შეარჩიოთ.


როგორი ავეჯით მოვაწყოთ საძინებელი ოთახი?

თანამედროვე საძინებელი გარნიტური უნდა აკმაყოფილებდეს შემდეგ მოთხოვნებს:

ეკოლოგიური უსაფრთხოება

ავეჯისთვის საუკეთესო მასალად ნატურალური ხე მიიჩნევა. ავეჯის წარმოებაში, ძირითადად, იყენებენ მუხის, წიფელას, იფანის, კაკლის ხის მერქანს. დღეს ასევე ბევრს მოსწონს კორპუსული ავეჯი (ეს არის ძრითადად ნივთების შესანახი ავეჯი - კარადები, კუპე-კარადები, კარადა-ტიხრები), რომელსაც შპონი აქვს გადაკრული.  შპონი შეიძლება სხვადასხვა ჯიშის ძვირფასი მერქნისგან იყოს დამზადებული;

ექსპლუატაციის ხანგრძლივი ვადა

მყარი ავეჯი, რომელიც ტექნოლოგიების სრული დაცვით არის დამზადებული, დიდხანს არ მოითხოვს გარემონტებას და ნახევარი საუკუნე მაინც მოგემსახურებათ;

ფუნქციონალურობა და კომფორტი

კარადები, კომოდები და ტუმბოები აუცილებლად მოხერხებული და მარტივად გამოსაყენებელი უნდა იყოს;

ერგონომიულობა

თანამედროვე ავეჯი კომპაქტური და უნივერსალურია. თანამედროვე გარნიტურის განთავსების შემდეგ საძინებელ ოთახში საკმარისი სივრცე და სინათლე რჩება. 


საძინებლის ავეჯის შერჩევა - მთავარი კრიტერიუმები

ავეჯის სწორად დაკომპლექტება, ითვალისწინებს რომ, საძინებელი ოთახის კომპლექტი ერთი ფერის ტონალობებში უნდა შეარჩიოთ და ავეჯის მთავარი ფერიც და მისი ტონალობებიც იატაკზე ღია ფერის იყოს.
თუ თქვენ დიზაინერული ექსპერიმენტები გიყვართ და კრეატიული იდეები გხიბლავთ, რა თქმა უნდა,  შეგიძლიათ სტანდარტებს ასცდეთ და საძინებელი ოთახისთვის განსაკუთრებული სტილის გაფორმება აირჩიოთ, სხვა შემთხვევაში კი თვალი გადაავლეთ სპეციალისტების რამდენიმე ძირითად რეკომენდაციას იმისთვის, რომ სწორად შეარჩიოთ საძინებლის გარნიტური:

  • სტილი და ფერი უნდა შეესაბამებოდეს საძინებელი ოთახის დიზაინს.
  • გარნიტურის შემადგენლობა უნდა შეიცავდეს, მინიმუმ, საწოლს, საწოლთან დასადგმელ ტუმბოებს, კარადას და სარკეს;
  • ფუნქციური დანიშნულება, რომელიც საძინებლის გარნიტურის შემადგენელ ყველა საგანს სხვადასხვა აქვს, უნდა აკმაყოფილებდეს მომხმარებლის ძირითად მოთხოვნებს;
  • კარადა უმჯობესია იყოს თანამედროვე მოდიფიკაციის. დღეს ტანსაცმლის ანტრესოლიანი კარადა წარმატებით ჩაანაცვლა კუპე-კარადებმა, რადგან კარადა-კუპე: ა) ტევადია; ბ) ერგონომიულია; გ) ფასადი ლამაზი აქვს; დ) ძალიან უხდება კომოდი - ერთ-ერთი შეუცვლელი ავეჯი საძინებლისთვის.
  • ტუალეტის მაგიდა და სარკე ნებისმიერი ქალის ნატვრაა. უმჯობესია, როცა ტუალეტის მაგიდის უჯრა ტევადია პარფიუმერიისა და კოსმეტიკის საშუალებებისთვის;
  • საწოლი საძინებლის გარნიტურის მთავარი ავეჯია, რომელზეც დიდწილად არის დამოკიდებული ადამიანის ძილის ხარისხი და, შესაბამისად, ჯანმრთელობაც. ამიტომ მორგებული უნდა იყოს პატრონის წონასა და სიმაღლეზე როგორ ზომები, ასევე მასალა, კონსტრუქცია და მატრასის ხარისხი;
  • საწოლის ტუმბო არანაკლებ მნიშვნელოვანი ავეჯია. ყოველთვის ხელთან ახლოს გექნებათ, მაგალითად, ტელეფონი, სათვალე, ჭიქა წყლით, წიგნი...


როგორ შევარჩიოთ საწოლი - მთავარი კრიტერიუმები

საწოლის ფორმა

დღეს ავეჯის მაღაზიებში არამხოლოდ სტანდარტულ, მართკუთხა საწოლებს შეხვდებით, ორიგინალურობის მოყვარულებისთვის არსებობს მრგვალი საწოლი, გულის ფორმის საწოლი, ოვალური საწოლი, მანქანის ფორმის საწოლი ბავშვისთვის;

არასტანდარტული ფორმის მოდელი უნდა მიესადაგებოდეს საძინებელი ოთახის სტილსა და დიზაინს. გაითვალისწინეთ, რომ ასეთ საწოლებს უფრო მეტი ფართობი სჭირდება. თანაც, ამ ყველაფერთან ერთად, მოგიწევთ, თეთრეული ინდივიდუალურად შეაკერინოთ.

საწოლის მასალა

დიდწილად სწორედ ეს კრიტერიუმი განსაზღვრავს ნაკეთობის სიმყარესა და გამძლეობას. ამ თვისებებით კი ყველაზე გამორჩულია რკინა და მასიური ხის საწოლი:

მუხა - თუკი გსურთ, რომ ღია ფერის - მაგალითად, თეთრი საძინებელი შეარჩიოთ, ყურადღება გაამახვილეთ მუხის მყარ მოდელებზე. მუხის საძინებელი გამორჩეულია სიმტკიცით და საუკუნეზე მეტხანს ძლებს;

ფიჭვი - ფიჭვის ავეჯი გამძლეობით მუხისას, მართალია, ცოტა ჩამოუვარდება, თუმცა შესაბამისად, ფასიც ნაკლები აქვს. ნებისმიერ შემთხვევაში, ნატურალური მასალა უფრო დიდხანს ძლებს, ვიდრე თუნდაც ასევე ხანმედეგი მასალა ლდსპ (ლმინირებული მერქან-ბურბუშელოვანი ფილა) და მდფ (მერქან-ბოჭკოვანი ფილა);

დსპ - დსპ (მერქანბურბუშელოვანი ფილა) საშუალებას იძლევა, მნიშვნელოვნად შემცირდეს საწოლის ფასი, თუმცა მწარმოებლის საექსპლუატაციო ვადა 20-25 წელია.

საწოლის კონსტრუქცია

არსებობს საწოლის ორი სახის კონსტრუქცია:

საწოლის თავი და ბოლო წარმოადგენს საყრდენ ელემენტებს, რომლებსაც აკავშირებს საწოლის გვერდები;

საწოლის ოთხ გვერდს კუთხეებში ერთმანეთთან აკავშირებს საყრდენი ფეხები; ზოგჯერ ასეთ საწოლებს, ფეხების ნაცვლად, პარტარა ბორბლები ან უმოძრაო პლატფორმა აქვს, კარკასის შიგნით კი შთამბეჭდავი ზომის ადგილია ლოგინის ჩასაწყობად.

ძნელია ცალსახად იმის მტკიცება, თუ რომელი კარკასია უფრო საიმედო, თუმცა ერთს შეგახსენებთ - ყოველთვის დაინტერესდეთ ავეჯის მწარმოებელი კომპანიით.


როგორ შევარჩიოთ საწოლის მატრასი?

ა) მატრასის სიგრძე - ორიენტირად უნდა აიღოთ იმ ადამიანის სიმაღლე, ვისთვისაც განკუთვნილია საწოლის მატრასი (თუკი წყვილისთვის არის განკუთვნილი, მათ შორის უფრო მაღალი იქნება ორიენტირი). მატრასის სიგრძე 10 სმ-თი მაინც უნდა აჭარბებდეს საორიეტაციოდ აღებულ სიმაღლეს;

ბ) მატრასის სიგანე - ასე უნდა შეარჩიოთ: დაწექით ზურგზე, ხელები ამოიდეთ თავქვეშ, ისე რომ მხრები გაშლილი გქონდეთ. თუკი ასეთ პოზაში მატრასზე კომფორტულად მოთავსდებით, ესე იგი, ეს თქვენთვის საჭირო ზომაა.

გ) მატრასის შიგთავსის მასალა და ზედაპირის სტრუქტურა - აქ არჩევანს უკვე ფინანსები გიკარნახებთ.

blog.comments.leaveyourcomment