პარასკევი, 07 მაისი, 2021

როგორ შევარჩიოთ რბილი ავეჯი, როცა სახლში ბავშვია?


როცა სახლში ბავშვია, ავეჯის არჩევა საკმაოდ საპასუხისმგებლო საქმე ხდება. ნებისმიერი მშობელი გეტყვით, რომ
 პატარების სიცელქის ფონზე გარნიტურის პრეზენტაბელური გარეგნობის შენარჩუნება, ცოტა არ იყოს, რთულია. მართალია, ავეჯის მაღაზიები მრავალფეროვან ასორტიმენტს გვთავაზობენ, მაგრამ იქ შეზღუდული ხართ დროშიც და მოქმედებებშიც რათა გაარკვიოთ, რამდენად გამოგადგებათ ერთი შეხედვით მოწონებული ნივთი.

ამიტომ, გააზრებული არჩევანის გასაკეთებლად, წინასწარ უნდა გქონდეთ გარკვეული ინფორმაცია - რას უნდა მიაქციოთ ყურადღება, რა კრიტერიუმებით შეარჩიოთ ავეჯი და რაზე თქვათ უარი, როცა სახლში პატარები გყავთ.

დღეს ყურადღებას რბილ ავეჯზე გავამახვილებთ, რადგან ბავშვებისგან ყველაზე აქტიურ ზემოქმედებას სწორედ დივანი და სავარძლები განიცდის.


ეშლი სასადილო მაგიდა ავეჯი


Ashley Homestore-ის მთავარი რჩევა:

როცა სახლში პატარა გყავთ, ინტერიერის ნებისმიერი საგანი უნდა შეარჩიოთ პრინციპით:

1.    უსაფრთხოება;

2.    ფუნქციონალობა;

3.    ესთეტიკურობა.

 

განვიხილოთ თითოეული პრინციპი ცალ-ცალკე:

ავეჯის ხარისხი და უსაფრთხოება

 

ბავშვები სახლში მუდმივად მოძრაობენ: დარბიან, დახტიან, დაცოცავენ, თანაც ამ ყველაფერს ხშირად სწორედ დივანზე და სავარძლებზე აკეთებენ. გარდა ამისა, უყვართ უცნობ საგნებთან კირკიტი, მოხსნა,  მოძრობა, გამოკვლევა.

ამიტომ პატარას უსაფრთხოებისთვის რეკომენდებულია:

 

  • შეიძინოთ მხოლოდ სერტიფიცირებული ავეჯი, რომელსაც აქვს გარანტია გამძლეობაზე, მექანიკურ უსაფრთხოებაზე და დაცულია ქიმიური უსაფრთხოების ნორმები;
  • შეარჩიოთ რბილი ავეჯი კომფორტული და მყარი კონსტრუქციით;
  • შეამოწმოთ დამაგრების ხარისხი, გასაშლელი მექანიზმის საიმედოობა;
  • უარი თქვათ მახვილი კუთხეების მქონე ავეჯზე, მაგრამ თუკი ასეთი უკვე გაქვთ, აუცილებლად ჩამოაცვათ კუთხეებზე სპეციალური დამცავი კონუსები; 
  • მოერიდოთ მინის დეტალებს - ხარისხიანი ავეჯის მინა დიდ დატვირთვას უძლებს და მისი გატეხვის საფრთხე არ არსებობს, მაგრამ მათზე პატარას ნათითურები და ნაფეხურები ადვილად ემჩნევა. ნათითურებს აირიდებთ, თუკი მინას მქრქალი დაფარვა (მატი) ექნება.

ავეჯი გასაშლელი დივანი


ავეჯის ფუნქციონალობა

 

როცა სახლში ბავშვია, ავეჯის ფუნქციონალობა და, შედეგად, სივრცის დაზოგვა განსაკუთრებით მნიშვნელოვანი ხდება და ამაში, ალბათ, ბევრი მშობელი დაგვეთანხმება.

პასუხისმგებლობიან მწარმოებელს ზედმიწევნით აქვს გათვლილი თავისი პროდუქტის ყველა წვრილმანი, რათა მომავალი პატრონისთვის ავეჯი მაქსიმალურად მოხერხებული და  კომფორტული იყოს.

რბილი ავეჯის არაერთ მოდელს აქვს თავისი ფუნქციონალური ნიუანსები. როცა სახლში ბავშვია, თქვენ შეგიძლიათ, შეარჩიოთ, მაგალითად:


  • დივანი თაროებით - ასეთ დივანს, სახელურის ნაცვლად, ხის თარო აქვს (ზოგჯერ - ორიარუსიანი), სადაც შეიძლება ტაბლეტის ან ლეპტოპის მოთავსება,  ჭიქის ან თეფშის დადგმა, ხატვა და ა.შ.;
  • დივანი უჯრებით - ასეთ სათავსოში ბავშვის სათამაშოებს ჩაყრით ან წიგნებს, სახატავ რვეულებს, ფანქრებს ჩააწყობთ და ადგილსაც დაზოგავთ;
  • გასაშლელი დივანი - ეს ფუნქცია ყოველდღიურად რომც არ გჭირდებოდეთ, მაინც სასურველია, მით უფრო, როცა სახლში ბავშვია და ბინის ფართობიც პატარაა.

კუთხის დივანი


ესთეტიკურობა

 

პატარებს ძალიან უყვართ დივანზე თამაში, ჭამა, ხატვა... სწორედ მათი ჩვევებისა და ქცევების გათვალისწინებით უნდა ავარჩიოთ: ა) რბილი ავეჯის ქსოვილის ფერი, ბ) ავეჯის ქსოვილების სახეობა და გ) დივნის შიგთავსი.

 

როცა სახლში ბავშვია, უმჯობესია ტექსტილი იყოს ჭრელი ფერის.

პატარამ შეიძლება, დივანზე დაასხას ნებისმიერი სითხე, დაუცვივდეს საჭმელი, დახატოს ფლომასტერით... ამიტომ ღია და ერთფეროვანი ნაჭერი მალე დალაქავდება. ჭრელი კი უფრო ადვილად აიტანს პატარას განვითარების კვალს.

 

რბილი ავეჯის ტექსტილი უნდა იყოს ცვეთის ამტანი, ადვილად იწმინდებოდეს სხვადასხვა ტიპის ლაქებისგან და არ იწვევდეს ალერგიას.

 

ამ მოთხოვნების გათვალისწინებით, ინტენსიური ექსპლუატაციისთვის ყველაზე გამძლე ქსოვილებია Flock-ი, Scotchgard-ი, ჟაკარდი, მიკროფიბრა:


  • Flock - ეს ნაჭერი განსაკუთრებული ტექნოლოგიით მზადდება. ფლოკი დაზგაზე არ იქსოვება, ხელოვნურ ბეწვს სპეციალური ნივთიერებით აწებებენ ბამბის, სატინის ან პოლიესტერის ქსოვილზე. ფლოკი ძალიან ჰგავს ხავერდს, მაგრამ გაციებით იაფია;
  • Polyester - ეს არის ყველაზე პოპულარული, „ჭკვიანი“ ქსოვილი. თვისებებით ძალიან ჰგავს ბამბას, თუმცა პოლიეთერის ბოჭკო გაცილებით გამძლეა. მექანიკური ზემოქმედებით არ იცვითება, არ ხუნდება, არ იჟღინთება, არ უჩნდება ჩრჩილი, არ მოითხოვს განსაკუთრებულ მოვლას;
  • Scotchgard - ეს არის სპეციალური ნივთიერება, რომლითაც ამუშავებენ ქსოვილს. შედეგად, ქსოვილი, ფაქტობრივად არ იწვის, არ იკარებს სისველეს და ცვეთის მიმართ მედეგია! Scotchgard-ით შეიძლება დამუშავდეს ნეილონი, ბამბა, ტილო, შალი, პოლიესტერი;
  • ჟაკარდი - ეს საკმაოდ გამძლე და ლამაზი, ფაქტურული ქსოვილია. იგი შეიძლება იყოს ნატურალური, სინთეტიკური და შერეული. თითქმის არ ცვდება, ექსპლუატაციისას პირველად სახეს და ფორმას ინარჩუნებს, ადვილად იწმინდება და მდიდარი ფერთა გამა აქვს. მისი ერთადერთი მინუსი ის არის, რომ ძვირია;
  • მიკროფიბრა - ეს თანამედროვე სინთეტიკური ქსოვილი ვიზუალურად ბარხატს ჰგავს. იგი მარტივად უძლებს აგრესიულ ექსპლუატაციას (ცხოველების კლანჭებსაც კი) და ადვილად ირეცხება. 

ავეჯი სავარძელი


რბილი ავეჯის შიგთავსი

 

ესთეტიკურობის თვალსაზრისით ასევე მნიშვნელოვანია, რამდენად შეინარჩუნებს რბილი ავეჯი ფორმას, მით უფრო, პატარების ინტენსიური ხტუნაობის პირობებში.

 

რბილი ავეჯის დასაჯდომი ნაწილი და საზურგეები შევსებულია შიგთავსით, რომელიც შეიძლება იყოს პარალონის ღრუბელი, პოლიურეთანის ქაფი, ზამბარები.

 

თუკი გსურთ, სირბილე და ფორმა უფრო ხანგრძლივი ვადით  შენარჩუნდეს, რბილი ავეჯის შიგთავსი უნდა იყოს ხარისხიანი.

 

რბილი ავეჯის შიგთავსის ხარისხის შემოწმება კი რთული არ არის და იქვე, მაღაზიაში შეგიძლიათ: დივნის ერთ ნახევარზე დადგით რამე საგანი, მაგალითად - ჭიქა, ხოლო მეორე ნახევარზე თქვენ დაჯექით. თუკი ჭიქა თავის ადგილას დარჩა, ესე იგი, თქვენ წინაშეა ხარისხიანი მოდელი, ინდივიდუალური შეფუთვის ზამბარებით.


Ashley Homestore ავეჯის მაღაზია


და ბოლოს, 3 პრაქტიკული რჩევა:


  • მას შემდეგ, რაც რბილი ავეჯი ვიზუალურად მოგეწონებათ, შეუდექით პრაქტიკულ ტესტირებას: დივანზე დაჯექით ან წამოწექით. როცა მაღაზიის კონსულტანტი დარწმუნებულია პროდუქციის ხარისხში, ის ხელს არ შეგიშლით;
  • თუკი გასაშლელი დივანი მოგეწონათ, გაშალეთ და აკეცეთ რამდენიმეჯერ. ამასთან, დაინტერესდით, რა მასალისგან არის დამზადებული გასაცურებელი მექანიზმი; უმჯობესია, იყოს ფოლადის - ის, მართალია, ძვირი, მაგრამ გამძლეა; 
  • დივანს, იქნება ის კუთხის დივანი თუ პატარა დივანი, საზურგეს უკანა მხარესაც ისეთივე გადასაკრავი უნდა ჰქონდეს, როგორიც წინა მხარეს აქვს და მხოლოდ სარჩულით არ უნდა იყოს წარმოდგენილი. ეს საშუალებას მოგცემთ, რბილი ავეჯი ოთახის ნებისმიერ კუთხეში განათავსოთ და მხოლოდ კედელთან არ იყოს მიდგმული. ობილობის ასეთი შესაძლებლობა კი განსაკუთრებულად საჭიროა, როცა სახლში პატარა გყავთ.
blog.comments.leaveyourcomment