ხუთშაბათი, 14 იანვარი, 2021

როგორ შევარჩიოთ სასტუმრო ოთახის ავეჯი

ზუსტი პასუხი იმაზე, თუ რა ავეჯით უნდა იყოს გაწყობილი სასტუმრო ოთახი, არ არსებობს. ამის მიზეზი კი არის: თქვენი გემოვნება და რა დანიშნულებით იყებენთ ოთახს - თუკი ერთი ოჯახისთვის სასტუმრო ოთახი დასვენების სივრცეა, მეორესთვის - ოჯახის წევრების ან მეგობრების წრეში განტვირთვის ადგილი შიძლება იყოს, ვიღაცისთვის კი - მოსასვენებელი და სამუშაო ოთახი ერთდროულად.

სწორედ დანიშნულების მიზნიდან გამომდინარე, სასტუმრო ოთახი ინდივიდუალურ  იერსახეს იღებს და ისეთი ავეჯით ეწყობა, რომელიც პატრონის მოთხოვნებს აკმაყოფილებს.

თუმცა, ზემოთ თქმულის მიუხედავად, არსებობს რეკომენდაციები იმის შესახებ, თუ როგორი უნდა იყოს სასტუმრო ოთახის ავეჯი.


რა ფორმის და ზომის უნდა იყოს სასტუმრო ოთახის ავეჯი?

ავეჯის ფორმის და ზომის შერჩევისას გადამწყვეტია არა მხოლოდ პატრონის გემოვნება, არამედ ისეთი დამატებითი ფაქტორებიც, როგორებიც არის:

  1. სასტუმრო ოთახის ფართობი -  თუკი თქვენი სასტუმრო ოთახი დიდია, უმჯობესია, დადგათ კუთხის დივანი სავარძლებით  ან დიდი პუფით; პატარა სივრცეს მოუხდება როგორც სწორ ხაზზე განლაგებული ან კომპაქტური კუთხის ავეჯი. ასევე, კარგი ვარიანტია დივანი სახელურების გარეშე - ამით დასაჯდომი ადგილების რაოდენობას მოიგებთ; თუკი სასტუმრო ოთახი ზოგჯერ სტუმრებისთვის საძინებლის ფუნქციასაც შეასრულებს, გასაშლელი დივანი საუკეთესო გადაწყვეტილება იქნება;
  2. სასტუმრო ოთახის განათება - როცა სასტუმრო ოთახში დღის შუქი საკმარისად არ აღწევს, შეარჩიეთ ნათელი ფერების ავეჯი, რომელიც მეტი სივრცის შთაბეჭდილებას შექმნის;
  3. სასტუმრო ოთახის ჭერის სიმაღლე - დაბალჭერიანი ოთახისთვის, უმჯობესია, შეარჩიოთ 1,5-1,6 მეტრის სიმაღლის ავეჯი. ასევე, ასეთ ოთახში მიზანშეწონილია მცირე ზომის ჭაღი ან ჭერში ჩასმულ სანათები.

სასტუმრო ოთახის კომპლექტის შემადგენლობაში უნდა შედიოდეს:

რბილი ავეჯი - დივანი, გასაშლელი დივანი, კუთხის დივანი, სავარძლები, დიდი პუფი, პუფი სათავსოთი, სკამები;

მოდულური ავეჯი - თარო, კედელი, სტელაჟები. ავეჯის მოდულური პრინციპი საშუალებას იძლევა, ოთახის სივრცე მაქსიმალურად იქნეს ათვისებული. 

მაგიდა - ხშირ შემთხვევაში, გასაშლელი ჟურნალის მაგიდა.

TV კომოდი - ტელევიზორი კედელზე რომც იყოს დაკიდებული, TV კომოდი მაინც საჭიროა - გარდა იმისა, რომ ტელევიზორთან მისასვლელ სივრცეს შემოსაზღვრავს (ტელევიზორს უნებლიეთ რომ არ დაეჯახოთ), TV კომოდი თაროებით ფუნქციონალური ავეჯია. თანაც ვიწროა, კედელზეა მიდგმული და დიდ ფართობს არ იკავებს.


როგორ შევარჩიოთ ავეჯი სასტუმრო ოთახის სტილის მიხედვით?

ჰაი-ტეკს ანუ სადა დეკორს უახლესი ტექნიკა, ქრომირებული ფურნიტურა და ლითონის დეტალები უხდება და ავეჯიც შესაბამისი შეეხამება. უპირატესობა უნდა მიენიჭოს ნატურალურ ხეს, ფოლადს, მინას, სარკის ელემენტებს. ძალიან ეფექტურად გამოჩნდება რბილი ავეჯი ექსპრესიული ფერებით და მკაფიო გეომეტრიული ფორმებით; 

მინიმალისტური ინტერიერი მინიმალური რაოდენობის დეკორს და ავეჯს მოითხოვს - ანუ მხოლოდ ყველაზე სავალდებულოს და ფუნქციონირებადს; 

ნეოკლასიკურ ინტერიერს თანამედროვე, ლამაზი და ძვირფასი ავეჯი უნდა შეუხამოთ - კრემისფერში, ნაცრისფერში, ოქროსფერში. ასევე, მოუხდება ღია ფერის ხისგან დამზადებული მსუბუქი კარადა ან თაროები, მრგვალი ჟურნალების მაგიდა და მრგვალი სარკე, სურათები კედელზე და ოვალური ფორმის  ხის კონსოლი, რომელიც ინტერიერს სოლიდურ იერს შესძენს.


სასტუმრო ოთახის რბილი ავეჯის ფაქტურა - რომელია უკეთესი?

რბილი ავეჯის, სასტუმრო ოთახის კომპლექტის, გადასაკრავის (აბივკა) შერჩევისას გაითვალისწინეთ, რომ სასტუმრო ოთახში განთავსებულ ავეჯს ძალიან ინტენსიური დატვირთვა აქვს, აქედან გამომდინარე კი:

ნატურალური ტყავის ავეჯი პრაქტიკული, მოსავლელად მოსახერხებელი და სოლიდური შესახედავია. ასეთი ავეჯი უფრო ძვირია, მაგრამ ცვეთის მიმართ ძალიან მდგრადია და არც მექანიკური დაზიანებების ეშინია;

ხელოვნური ტყავის ავეჯი ნატურალური ტყავის ავეჯის იაფი ალტერნატივაა, თუმცა - ნაკლებად გამძლე. თუკი სახლში ცხოველები გყავთ, უმჯობესია, ხელოვნური ტყავის ავეჯის დადგმას მოერიდოთ, წინააღმდეგ შემთხვევაში, გაკაწვრას და დაზიანებას ვერ ასცდებით; 

ნაჭრის ავეჯი უფრო ფართოდაა გავრცელებული, რადგან ფერების და პრინტის დიდი არჩევანი აქვს. ამასთანავე, პრაქტიკული და მექანიკური დაზიანებისადმი საკმაოდ გამძლეა. გარდა ამისა, სასტუმრო ოთახის ნაჭრის რბილი ავეჯი ორჯერ უფრო იაფი დაგიჯდებათ, ვიდრე ტყავის.

ბედნიერ შენაძენს გისურვებთ!

blog.comments.leaveyourcomment