ხუთშაბათი, 09 სექტემბერი, 2021

როგორ შევარჩიოთ სასტუმრო ოთახის დივანი

დივანი გასაშლელი

დივანი, ანტიკური ხანიდან მოყოლებული, ყოველთვის თავის საპატიო ადგილს იკავებდა ადამიანის საცხოვრებელ სივრცეში, თუმცა, ჩვენთვის ჩვეული ფორმით - ანუ რბილი დასაჯდომითა და საზურგით - მხოლოდ, XVI-XVII საუკუნეებში ევროპაში, კერძოდ კი, ინგლისში გამოჩნდა. 

თანამედროვე დივნებს შორის დღეს უამრავი ფორმისა თუ, საერთოდაც, უფორმო, სხვადასხვა გემოვნებასა და საჭიროებაზე გათვლილ მოდელებს ნახავთ. ავეჯის დიზაინერები დიდი ხანია, მკაცრად განსაზღვრული ჩარჩოებით აღარ იზღუდებიან, თუმცა, ამის მიუხედავად, მაინც  არსებობს რამდენიმე ტენდენცია, რომელსაც, აუცილებლად, უნდა პასუხობდეს თანამედროვე რბილი ავეჯი. ესენია:

  • მრავალფუნქციურობა - მართლაც, გასაშლელი დივანი დღეს არავის უკვირს, თანაც ახლა ბაზარზე, ძველებური „წიგნის“ გარდა, ათობით სხვა სისტემაა შემოსული;
  • მობილურობა - დივანი მძიმე ავეჯია, მაგრამ ამ ავეჯის თანამედროვე ვარიაციები უკვე გაცილებით შემსუბუქებულია, ვიდრე წინა საუკუნის მოდელები. მაგალითად, გახსოვთ, ჩვენი ბებიების დროინდელი „ატამანკა“ ან „კუშეტკა“ (თანამედროვე დივნის წინაპრები)? მათი ერთი ოთახიდან მეორეში გასატანად ორი-სამი მეზობლის დახმარება მაინც დაგჭირდებოდათ. თანამედროვე მოდელებს კი (ხის ან რკინის კარკასით) ადვილად დასძრავთ, დაუხმარებლადაც გადააადგილებთ და ზოგი მოდელის დაშლასაც შეძლებთ სხვა ბინაში გადასატანად;
  • გამძლეობა - აქ იგულისხმება როგორც კარკასის ხარისხი, ასევე მატერიის ამტანობა. ეს უკანასკნელი, განსაკუთრებით, აქტუალურია იმ შემთხვევაში, თუკი სახლში ბავშვი გყავთ ან შინაურ ცხოველებთან ერთად ცხოვრობთ.

 სასტუმრო ოთახის დივანი

რა ფორმის დივანია კომფორტული და პრაქტიკული?

 ამ ამოცანის გადასაჭრელად, უპირველეს ორიენტირად იყოს იმ ოთახის ფართობი უნდა ავიღოთ, სადაც მის დადგმას აპირებთ.

  • ორადგილიანი ან კლასიკური დივანი სამი ადამიანისთვის, რომლის სიგრძეც, დაახლოებით, 2 მეტრია, შესაფერისია პატარა და საშუალო ზომის სასტუმრო ოთახებისთვის. ეს ყველაზე გავრცელებული ვარიანტია. კარგია, თუკი მას სწორი საზურგეც ექნება - ამით მოხერხებული იქნება კედელთან მისადგმელად. ეშლის დივნების კატალოგში მსგავსი მოდელებია: AlenyaSoletrenMiltonwoodDarcy, BarraliAltariOlsberg და ბევრი სხვა.
  • კუთხის დივანი - ეს შესანიშნავი გადაწყვეტილებაა ისეთი ბინისთვის, სადაც სასტუმრო ოთახი სტუდიოს ტიპისაა - რაკიღა მისი დახმარებით სხავადასხვა სივრცის ზონირებას შეძლებთ;
  • კუთხის გასაშლელი დივანი კომფორტული იქნება დიდი ოჯახებისთვის, სადაც სტუმრებიც უყვართ  - კუთხის დივანზე 5 და 6 ადამიანიც კი თავისუფლად განთავსდება, თანაც დამატებითი საწოლი გექნებათ სტუმრის დასარჩენად.

 გასაშლელი დივანი

 Ashley Homestore-ს რჩევა: თუკი დივანმა საწოლის ფუნქცია უნდა შეითავსოს, მისი სიგრძე მინიმუმ 50 სმ-ით მეტი უნდა იყოს იმ ადამიანის სიმაღლეზე, ვისთვისაც არის განკუთვნილი.

  • დივანი ტრანსფორმერი კარგად შეავსებს დიდ სასტუმრო ოთახს - ასეთ დივანზე მოსვენებაც შეიძლება და მუშაობაც. Ashley Homestore-ს კატალოგში შეგიძლიათ, თქვენი გემოვნებით შეარჩიოთ სხვადასხვა მექანიზმებიანი მოდელები: BoxbergErlangenEarhartWorkhorse და სხვა.
  • მინი დივანი (იგივე - ერთ ნახევრიანი სავარძელი) - მისი ზომები და მინიმალისტური სტილი გადაარჩენს სიტუაციას, როცა სასტუმრო ოთახი მინიატურული ზომისაა. ის ოთახს მყუდროებასაც შესძენს და პატრონისთვისაც მშვენიერი მოსასვენებელი ადგილი იქნება. Ashley Homestore-ს კატალოგში ასეთებია: ერთნახევარ ადგილიანი AntonliniFieldingSoletrenGeashill და ბევრი სხვა.

 როგორი დივანია ყველაზე გამძლე და ამტანი?

აქ კონსტრუქციაზე მოდის ყველაზე დიდი დატვირთვა დივნის ექსპლუატაციის პროცესში. ამიტომ, რა გასაკვირია, თუკი ისეთის შერჩევა გვინდა, რომელიც ერთ საუკუნეს გაძლებს.

  • კარკასის მზიდი ნაწილი დამზადებული უნდა იყოს ნატურალური ხისგან ან რკინისგან;
  • დამხმარე ნაწილებად კი უმჯობესია ფანერა იყოს გამოყენებული; მრავალფენიანი ფანერა საკმაოდ გამძლეა და დიდხანს მოგემსახურებათ.
  • ზოგჯერ დამხმარე ნაწილებისთვის „დეესპეს“ იყენებენ - ეს ნესტგამძლე მასალაა, თუმცა, ხანმედეგობით არ არის გამორჩეული.


ორადგილიანი დივანი

როგორ შევარჩიოთ დივნის ფერი და პრინტი?

დივანი უნდა შეეფერებოდეს როგორც ოთახში მდგარი სხვა ავეჯის შეფერილობას და, თქვენ წარმოიდგინეთ, ავეჯის მასალასაც კი, ასევე ჰარმონიაში უნდა მოდიოდეს ოთახის კედლების ფერთან.

  • თუკი სასტუმრო ოთახში ჭრელი კედლებია და, ამასთანავე, ოთახში დღის შუქი ცუდად შედის, უმჯობესია, თეთრი ავეჯი შეარჩიოთ;
  • თუ ოთახის კედლები თეთრია, მაშინ შეიძლება, ნაცრისფერიც კარგი არჩევანი გამოდგეს. მთავარია, დივნის და კედლების ფერები ერთმანეთს არ ემთხვეოდეს. ნაცრისფერი და მისი სხვადასხვა ტონალობები გამოკვეთს რბილი ავეჯის ფორმებს. ეს ფერი ლაკონურია და თვალს ამშვიდებს. სხვათა შორის - ნაცრისფერ მასალაზე არ გამოჩნდება შინაური ცხოველის ბეწვი და არც - ბავშვებისგან დატოვებული ლაქები;
  • თუ გსურთ, დივანი დეკორატიული ჭრელი ბალიშებით გააწყოთ, მაშინ შეარჩიეთ მშვიდი ფერები -  ყავისფერი ან რძისფერი მასალა;
  • თუკი სამსახურის შემდეგ სახლში დასვენება გსურთ, ლურჯი დივანი შეიძინეთ - ლურჯი ფერი არა მხოლოდ თვალებზე, არამედ ადამიანის ფსიქიკაზეც ძალიან დამამშვიდებლად მოქმედებს.

Ashley Homestore ბედნიერ შენაძენს გისურვებთ!

 

დატოვე კომენტარი