სამშაბათი, 27 აპრილი, 2021

სასადილო ოთახის ავეჯის მთავარი მახასიათებლები

სახლის ავეჯის შეძენისას, იქნება ეს საძინებელი ავეჯისახლის კაბინეტი თუ სასადილო ოთახის კომპლექტი, ორიენტირად უნდა აიღოთ:
  • ესთეტიკურობა;
  • უსაფრთხოება;
  • პრაქტიკულობა.
სასადილო ოთახის ავეჯი

სასადილო მაგიდა

სასადილო მაგიდა ოთახში საპატიო ცენტრალურ ადგილს იკავებს. მაგიდის ყიდვა როცა დაგჭირდებათ, პირველ რიგში, ყურადღება მიაქციეთ:

მაგიდის ზომებს - კარგი იქნება, თუკი წინასწარ დაახლოებით მაინც გეცოდინებათ, თუ რამდენი პერსონისთვის გამოიყენებთ მაგიდას;
გარეგნულ ფორმას - აქ ყურადღება უნდა მიაქციოთ ფორმას და მასალას. სასადილოსთვის არსებობს მრგვალი, ოვალური, მართკუთხა და კვადრატული მაგიდები.
თუკი სტუდიო ბინა გაქვთ,  სასადილო სივრცისთვის გირჩევთ,  მართკუთხა და კვადრატული მოდელები შეარჩიოთ. ეს ფორმები უნივერსალურია და ნებისმიერი სტილის ინტერიერს კარგად ერწყმის.  სტუდიოსთვის ასევე ოპტიმალური გადაწყვეტილება იქნება ბარის მაგიდა და ბარის სკამი.

ბარის სკამები

პატარა ოთახისთვის ძალიან პრაქტიკულია გასაშლელი მაგიდა, რომელიც მცირე ფართს იკავებს და ამასთანავე, საჭიროების შემთხვევაში, ბევრი სტუმრის „გამასპინძლება“ შეუძლია.

სხვათა შორის, პატარა სივრცეს ძალიან უხდება მრგვალი მაგიდა. მას კუთხეების არარსებობა პრაქტიკულობას ანიჭებს -  ირგვლივ ბევრი ადამიანი ახერხებს შემოსხდომას. თანაც, ოთახის ფართობისა და განლაგების გათვალისწინებით, მრგვალი მაგიდა შეგიძლიათ, როგორც ოთახის ცენტრში, ასევე - კედელთან დადგათ.

ხის მაგიდა და სკამები


სკამები

დღეს მწარმოებლები სკამების ფართო არჩევანს გვთავაზობენ, რომლებიც ერთმანეთისგან განსხვავებულია ფორმით, მასალით, სტილით. სასადილო სკამების ასორტიმენტი შეიძლება პირობითად სამ სახეობად დავყოთ:

რბილი სკამები - რბილი სკამი ძალიან კომფორტული დასაჯდომია, თუმცა განსაკუთრებული მოვლა და მოფრთხილება სჭირდება. ნაჭრის  საფარი (აბივკა) შედარებით კაპრიზულია, უფრო მარტივად ჭუჭყიანდება და ცვდება, ვიდრე ტყავის, თუმცა დღეს უკვე არსებობს ავეჯის ტექსტილის ისეთი სახეობები, რომლებსაც მაღალი საექსპლუატაციო თვისებები აქვს; თუკი სასადილო ოთახში ხალიჩა არის დაფენილი, ეცადეთ, სკამის ტექსტილის ტონები ხალიჩის ფერებს მიუსადაგოთ;

რბილი სკამები

ხის სკამები - სკამები ნაჭრის საფარის გარეშე ისეთი კომფორტული არ არის, როგორც რბილი სკამები, მაგრამ ადვილად იწმინდება, ამას კი განსაკუთრებით აფასებენ ის ოჯახები, სადაც ბავშვები იზრდებიან. მეტი კომფორტისთვის კი შეგიძლიათ, ხის სკამებზე სკამის ბალიშები გამოიყენოთ;

ბენჩი - ბოლო დროს პოპულარული გახდა სასადილო ოთახის ბენჩი, ერთგვარი გრძელი უზურგო სკამი. ეს ავეჯი, გარდა იმისა, რომ ძალიან მოდურია, საკმაოდ პრაქტიკულიც არის, განსაკუთრებით - პატარა ფართობის სასადილო ოთახისთვის.

ხის ბენჩი

კარადა

სასადილო ოთახის კარადები, იგივე ჭურჭლის კარადა - ეს ის ავეჯია, რომელიც შესანიშნავად ავსებს სასადილო კომპლექტს, მაგრამ უფრო კლასიკურ ინტერიერს უხდება. ადრე ჭურჭლისთვის კედლის ვიტრინები თითქმის ყველა ბინაში იდგა. დღეს ასეთი კლასიკა ძვირია, მაგრამ თუკი ჭურჭლისთვის კარადა გჭირდებათ, შეიძლება შეარჩიოთ ულამაზესი, თანამედროვე სასადილო კარადა ან კონსოლი, რომლებიც უნივერსალურია და ყველანაირი სტილის ინტერიერს უხდება;

ხის კარადა

ჭურჭლისთვის ნატურალური ხის კარადა - იქნება ეს მაღალი, მინის ვიტრინა თუ დაბალი, დახურული და ძალიან პრაქტიკული დესაო - ფაქტობრივად, უცვეთი ავეჯია.

სასადილო ოთახის კომპლექტი

ბევრი მწარმოებელი მომხმარებლებს საქმეს უადვილებს და სასადილო ოთახის სრულ კომპლექტებს სთავაზობს. ყველაზე გავრცელებული კომპლექტაციაა სასადილო მაგიდის კომპლექტი - სასადილო მაგიდა სკამებით. ასეთი ნაკრების შეძენისას დაფიქრება დაგჭირდებათ მხოლოდ იმაზე, რომ თქვენი ოთახის შესაფერისი ზომა და მასალა შეარჩიოთ.

გასაშლელი მაგიდა სკამებით

რას გულისხმობს სასადილო ავეჯის სწორად შერჩევა?

იმისთვის, რომ ავეჯმა ოთახი არ დაამძიმოს და პირიქით - სიმყუდროვე შეიტანოს, შემდეგ მოთხოვნებს უნდა პასუხობდეს:

უსაფრთხოება - სასადილო ავეჯის შერჩევისას მნიშვნელოვანია მასალა, რომლითაც ის არის დამზადებული. დღეს მოდურია თანამედროვე ავეჯი ელექტრო ბუხართან კომპლექტში. მაგრამ თუკი ოჯახში პატარები გყავთ, უმჯობესია ხის ავეჯი და, ამასთანავე, მრგვალი ან ოვალური ფორმის მოდელები შეარჩიოთ;

პრაქტიკულობა და ფუნქციონალურობა - ეს გულისხმობს იმას, რომ ავეჯი უნდა იყოს მარტივად მოსავლელი და კომფორტულად გამოსაყენებელი (ამის მაგალითი გახლავთ მაგიდა ტრანსფორმერი). ამასთანავე, მასალა ცვეთის მიმართ გამძლე იყოს;

ესთეტიკურობა - სასადილო ოთახის ავეჯის ესთეტიკური მხარე არანაკლებ მნიშვნელოვანია. სწორად შერჩეული სასადილოს კომპლექტი ბინაში სიმყუდროვეს შეიტანს  და საინტერესო გარემოს შექმნის.

ელექტრო ბუხარი

Ashley Homestore -ის 4 რეკომენდაცია

სასადილო ოთახის ავეჯის შერჩევისას არ გამოგრჩეთ რამდენიმე მნიშვნელოვანი მახასიათებელი, ესენია:

სასადილო ავეჯის ზომა - პატარა ბინისთვის მოხერხებულია სტანდარტული კვადრატული ფორმის მაგიდები   (90X90 სმ.) ან მართკუთხა მაგიდები (120X80 სმ.);

სასადილო ავეჯის დიზაინი - დღეს ავეჯის მწარმოებლები სასადილო ოთახის ავეჯის არასტანდარტული ფორმის მოდელებსაც გვთავაზობენ. თუმცა კლასიკური დიზაინის და ფორმის ავეჯი შეგიძლიათ, ნებისმიერი სტილის ინტერიერს მიუსადაგოთ, მოუხდინოთ კედლის ელექტრო ბუხარი და რბილი ხალიჩა;

ავეჯის მასალა - რა თქმა უნდა, ნატურალური ხის მაგიდა და სკამები უალტერნატივო არჩევანია, თუმცა ჰაი-ტეკის და მინიმალისტური სტილისთვის ასევე საინტერესოა, მაგალითად, მინის მაგიდისა და რკინის სკამების კომპლექტი.

სასადილო ავეჯის ფერი - სასადილო ოთახი ურთიერთობისა და დღესასწაულის ადგილია, ამიტომ აქაურობა არა მხოლოდ კომფორტული, არამედ ეფექტურიც უნდა იყოს. სასადილო ოთახში დასაშვები და სასურველიც არის ზომიერი კონტრასტები, მით უფრო, თუ თქვენი ოთახის ინტერიერის სტილი პროვანსი, პოპ არტი ან ეთნიკაა. საბედნიეროდ, თანამედროვე ავეჯს ნაჭრის საფარის ფერების დიდი არჩევანი აქვს. ასევე საინტერესო გადაწყვეტილებაა თეთრი ავეჯი.

მთავარია, არ დაგავიწყდეთ, რომ ავეჯის ფერები „პერსპექტივაზე“ გათვალოთ - თუ თქვენ აპირებთ, სასადილოს ოთახის კედლების გასაფორმებლად ინტერიერის აქსესუარები და სახლის დეკორი გამოიყენოთ, ხოლო ოთახის ცენტრში მოდური იატაკის ხალიჩა დააფინოთ, უმჯობესია, უარი თქვათ ზედმეტად მკვეთრ ფერებზე, თამამ მასალებზე და კლასიკური, ხის ავეჯი შეარჩიოთ. 

blog.comments.leaveyourcomment