პარასკევი, 29 იანვარი, 2021

ხის ავეჯის მოვლა - პრაქტიკული რჩევები

ავეჯის დასამზადებლად რა მასალაც არ უნდა მოიფიქრონ თანამედროვე ტექნოლოგიების ეპოქაში, ნატურალური ხე ყოველთვის საუკეთესო მასალად რჩება. ხის ავეჯი ყოველთვის მოდურია, რადგან გამძლეა, ეკოლოგიურად უსაფრთხოა, პრაქტიკულია, ლამაზია და ინტერიერში ბუნების ჰარმონია შემოაქვს. გასათვალისწინებელია, რომ ამ კეთილშობილ მასალას მოვლაც შესაბამისი სჭირდება.

თუკი თქვენ სახლში გაქვთ ხის სასადილო მაგიდა, ტუმბო, ჟუნალების მაგიდა ან სხვა მსგავსი ნივთი, რომლის ზედაპირი ინტენსიური დატვირთვის ქვეშ არის, აუცილებლად უნდა იცოდეთ ხის მოვლის სპეციფიკა.


ზოგადი რეკომენდაციები ხის ავეჯის შესახებ

ხის ავეჯის გადაზიდვა უმჯობესია დაშლილ მდგომარეობაში, რათა ტრანსპორტირებისას ავეჯი არ დაზიანდეს ან დეტალები არ დეფორმირდეს;

არ დადგათ სითბოს წყაროსთან ახლოს, ასევე მოარდეთ მზის პირდაპირ სხივებს, რათა თავიდან აიცილოთ დეფორმორება, მზეზე გახუნება და პოლირების ფენისა და ლაქის ფენის დაზიანება;

ავეჯი სწორ ზედაპირზე დადგით. როცა ავეჯი დიდი ხნის განმავლობაში დახრილად დგას, დეტალების ფორმის ცვლილების საფრთხე არებობს. თუკი იატაკი იდეალურად სწორი არ არის, ავეჯის ფეხებს საყრდენები დაუტანეთ;

აკონტროლეთ ბინაში ჰაერის ტენიანობის მაჩვენებელი. იმ ოთახში,  სადაც ხის ავეჯი დგას, იდეალური ვარიანტია, ტენიანობა იყოს 40-65%, 18-25°С ოთახის ტემპერატურაზე.

მუდმივად საყურადღებო მომენტები:

ხის ავეჯზე არ დადგათ ცხელი ჭურჭელი;

ავეჯის ზედაპირზე დასხმული სითხე დაუყოვნებლივ გაწმინდეთ მშრალი ნაჭრით;

თუკი სახლის დეკორი მოგწონთ და გსურთ, ნატურალური ხის ტუმბო ან სასადილო მაგიდა ტორშერით ან სასანთლით გაალამაზოთ, მსგავს საგნებს ნუ გააცურებთ ხის ზედაპირზე. ეს რჩევა განასკუთრებით საყურადღებოა, თუკი ხის საოფისე მაგიდა ან საოფისე კომოდი გიდგათ, სადაც ყოველთვის ბევრი ნივთი იყრის თავს;

ყოველთვის სწორად დაკეტეთ ხის ავეჯის უჯრები და კარები, რათა ბზარები არ გაჩნდეს.


ხის ავეჯის მოვლის წესები

სწრაფი მშრალი წმენდა

გამოიყენეთ სპეციალური მიკროფაიბერის ხელსახოცი, რომელიც გაჟღენთილია პოლირების ცვილის შემცველი, ანტისტატიკური ხსნარით. ასეთი ხელსახოცი არა მარტო მტვერს მოაცილებს ავეჯს, არამედ დაფარავს ცვილის უხილავი ფენით, რომლიც ზედაპირს პრიალას გახდის.  

ხის „გახალისება“

თალგამის ზეთის (Burr oil ; Репейное масло) 2-3 წვეთი დაასხით ბამბაზე, შემდეგ კი ზეთიანი ბამბა შეახვიეთ ნაჭერში, რომლითაც ავეჯის გაწმენდას აპირებთ. ზეთი ოდნავ უნდა ანესტიანებდეს ნაჭერს;

ლაქების ამოყვანა ხის ავეჯიდან

რამოდენიმე ფენა მარლაზე დაყარეთ მარილი, მოუკარით თავი, შემდეგ ეს „ნაკეთობა“ დაასველეთ ზეთში და მსუბუქი (არ დააწვეთ) წრიული მოძრაობებით წმინდეთ ავეჯზე დარჩენილი თეთრი ლაქა მანამ, სანამ არ გაქრება;

ლაქების ამოყვანა პოლირებული ან ლაკირებული ხის ავეჯიდან

ლაქა ჩვეულებრივი საკანცელარიო საშლელით უნდა წაშალოთ (პირდაპირი მნიშვნელობით), შემდეგ კი ნაჭრით და პოლირებული ან ლაკირებული ავეჯის სითხით გააპრიალოთ.

თეთრად შეღებილი ავეჯის განახლება

თეთრად შეღებილი ავეჯის განახლება შეგიძლიათ კბილის ფხვნილისა და წყლის ნაზავით. ასევე, ამ ნაზავს ოდნავ დაუმატეთ თეთრეულის სარეცხი „ლილა“ (თუკი სახლში მოგეძებნებთ);

არაპოლირებული, მქრქალი (გლუვი) ხის ავეჯის წმენდა

იწმინდება მშრალი ნაჭრით. ასეთი ავეჯისთვის პოლირების სითხის გამოყენება არ შეიძლება - ის ზედაპირზე ცხიმოვან ლაქებს დატოვებს;

გახსოვდეთ!

ხის ავეჯის გასაწმენდად, როგორც პოლირებულის, ისე - არაპოლირებულის, არასდროს გამოიყენოთ სპირტი, აცეტონი, ოდეკოლნი!

დასკვნის სახით: ავეჯის სწორად მოვლა პირველივე დღიდან დაიწყეთ. ნუ დაელოდებით ლაქებისა და ბზარების გაჩენას. პრევენცია ყოველთვის უფრო მარტივი და, თანაც, უფრო ეფექტურია, ვიდრე გაფუჭებულის გამოსწორება.

 

blog.comments.leaveyourcomment