როგორ შევარჩიოთ პატარა ოთახისთვის ჟურნალის მაგიდა

 

სწორად შერჩეულ ჟურნალის მაგიდას შეუძლია ოთახი უფრო დიდი და მყუდრო გამოაჩინოს. ამიტომ, სანამ შეიძენ, კარგად უნდა დაფიქრდე, რამდენად ერგება ავეჯი ინტერიერს. თუ სივრცეში შეზღუდული ხარ, აჯობებს, ისეთი ვარიანტი განიხილო, რომელიც ოთახს კიდევ უფრო მეტად არ გადატვირთავს. დღეს განვიხილავთ რამდენიმე მნიშვნელოვან ფაქტორს, რომელიც პატარა ოთახისთვის ჟურნალის მაგიდის შერჩევაში დაგეხმარება. 

 

რა უნდა გავითვალისწინოთ სივრცის შეფასებისას

სანამ ჟურნალის მაგიდების შერჩევას დაიწყებ, უმჯობესია, ოთახის ზომები აიღო. ეს დაგეხმარება, გაარკვიო, დაახლოებით რა პროპორციების ავეჯი გჭირდება. ჟურნალის მაგიდა დივნის ან სავარძლის სიმაღლის ან 1-2 სანტიმეტრით დაბალი უნდა იყოს. აუცილებლად დატოვე სივრცე მოძრაობისთვის, რათა სივიწროვემ დისკომფორტი არ შექმნას. გაითვალისწინე, პატარა ოთახში მასიური მაგიდა დიდ ყურადღებას მიიქცევს და ინტერიერიდან ამოვარდნილი იქნება. 

 

როგორ შევარჩიოთ მაგიდის ფორმა

მას შემდეგ, რაც ზომებს აიღებ და ავეჯის სავარაუდო პროპორციები გეცოდინება, მაგიდის ფორმაზე შეგიძლია დაფიქრდე. მცირე ზომის ოთახისთვის იდეალურია მრგვალი ან ოვალური ჟურნალის მაგიდა, რომელიც მოძრაობაში ხელს არ შეგიშლის. იმ შემთხვევაში, თუ დივნისა და სავარძლების დადგმას აპირებ და სალაპარაკო კუთხე გინდა გამოყო, ოთხკუთხა მაგიდაზეც შეგიძლია დაფიქრდე. 

 

როგორი მოდელები გამოგვადგება

სივრცის მაქსიმალურად ასათვისებლად კარგი ვარიანტია ჟურნალის მაგიდა სათავსოებით. ეს ადგილის დაზოგვაში დაგეხმარება. თუ გსურს, ოთახში, რაც შეიძლება, დიდი სივრცე გამოჩნდეს, გირჩევთ ღია ფერის მაგიდის შეძენაზე დაფიქრდე. ნათელ ფერებს ინტერიერში ღია სივრცის შეგრძნება შემოაქვს. 

 

როგორ შევარჩიოთ მასალა და ფერი

პატარა ოთახისთვის ინტერიერის დიზაინერები ღია ფერის ან გამჭვირვალე ჟურნალის მაგიდას უწევენ რეკომენდაციას, თუმცა, თუ გამძლეობას ანიჭებ უპირატესობას, ხის ან მეტალის ავეჯი აჯობებს შეიძინო, რომლის გამოცვლაც კარგა ხანს არ მოგიწევს. ამასთან, როგორც უკვე აღვნიშნეთ, როცა სივრცეში შეზღუდული ხარ, ოპტიმალურია გასაშლელი ან დასაკეცი მაგიდები, რომელთა გამოყენებას სხვადასხვა დანიშნულებით შეძლებ. 

 

როგორ გავაწყოთ ჟურნალის მაგიდა

იმისთვის, რომ სივრცე არ გადაიტვირთოს, უმჯობესია, ინტერიერს მინიმალისტურად მიუდგე. არ არის სასურველი ჟურნალის მაგიდაზე ბევრი დეკორაციის დაწყობა. ორგანიზებისთვის ნივთები სათავსოებში შეგიძლია ჩააწყო, რომლებსაც მაგიდაზე დადგამ. ჩვენთან სახლის დეკორის ფართო არჩევანია. დაათვალიერე სასანთლეები, ლარნაკები  და სხვადასხვა ტიპის დეკორატიული აქსესუარები, რომელთა დახმარებითაც მარტივად შეძლებ შენი ჟურნალის მაგიდის გაწყობას. 

 

შეჯამება

ჟურნალის მაგიდა ოთახის ინტერიერის მნიშვნელოვანი ნაწილია. თუ სივრცეში შეზღუდული ხარ, უმჯობესია კომპაქტური, ღია ფერის ხის ან მეტალის ალტერნატივა აირჩიო. საბოლოო გადაწყვეტილების მიღებაში ჩვენი წინა ბლოგიც შეგიძლია დაიხმარო, სადაც ჟურნალის მაგიდის შეძენასთან დაკავშირებით დამატებით რჩევებს გაწვდით. დაათვალიერე ჩვენი მრავალფეროვანი კოლექცია და აუცილებლად იპოვი შენზე მორგებულ სასურველ ვარიანტს.