English
როგორ შევარჩიოთ კომპაქტური ავეჯი სტუდიოს ტიპის ბინისთვის
როგორ შევარჩიოთ კომპაქტური ავეჯი სტუდიოს ტიპის ბინისთვის
თანამედროვე საცხოვრებელი კორპუსი წარმოუდგენელია სტუდიოს ტიპის ბინების გარეშე. სტუდიო წარმოადგენს ბინას - სამზარეულოსა და სხვა ოთახებს შორის ტიხრების გარეშე. მისი კონცეფცია შემოქმედებითობასთან და ბოჰემასთან ასოცირდება. სტუდიოს ტიპის ბინები,თავდაპირველად, განკუთვნილი იყო მხატვრებისთვის, დიზაინერებისთვის და შემოქმედებითი პროფესიის ადამიანებისთვის. თანდათანობით, ასეთი დაგეგმარება პოპულარული გახდა მთელ მოსახლეობაში. სტუდიოს კონცეფცია შესაძლებელს ხდის ხელმისაწვდომი საცხოვრებლის შეძენას, წარმოსახვის და დიზაინერული იდეების დაკავშირებას, განსაკუთრებული სივრცის შექმნას, რომელიც ინდივიდუალური და რაც მთავარია, მაქსიმალურად ფუნქციური უნდა იყოს.
ამაში უდიდეს როლს ასრულებს ავეჯი. სწორად შერჩეული ავეჯი შესაძლებლობას მოგცემთ, მაქსიმალურად აითვისოთ სივრცე, შექმნათ კომფორტი და სიმყუდროვე საკუთარ სახლში.
სტუდიის ბინაში ავეჯის ორგანიზების ზოგადი წესები
სტუდიოს ბინის დიზაინს საკუთარი სურვილების, ინტერესებისა და გემოვნების მიხედვით უნდა მიუდგეთ, მაგრამ არსებობს ზოგადი წესები, რომლებიც უნდა დაიცვათ:
- გამოიყენეთ ღია ფერები, თუმცა, ზოგიერთი მუქი აქცენტების განთავსება შეგიძლიათ. ასევე, კაშკაშა ფერები გამოიყენეთ მცირე აქცენტებისთვის, როგორც არტ-ობიექტი.
- სტუდიოს ბინაში აჯობებს თუ უარს იტყვით დიდი რაოდენობით ტექსტილის გამოყენებაზე. იქნება ეს მრავალფენიანი ფარდები, ავეჯის გადასაფარებლები, სუფრები თუ სხვ. სიმყუდროვის შექმნა სხვაგვარად შეგიძლიათ.
- იფიქრეთ ოთახის ზონირებაზე. თითოეული ზონა განსაკუთრებული გახადეთ, მისი დანიშნულების ფუნქციონალის გათვალისწინებით. ჰარმონია აუცილებლად უნდა იგრძნობოდეს
- აირჩიეთ პრიალა ზედაპირები, განსაკუთრებით სამზარეულოს ზონაში. ისინი აფართოებენ სივრცეს. თუ უპირატესობას ანიჭებთ ტყავის ავეჯს, ეს დადებით როლს ითამაშებს.
- არ არის საჭირო მთლიანი ბინის აღჭურვა ავეჯით. უმჯობესია ავეჯი სწორად შეარჩიოთ. თანამედროვე ბაზარზე, კომპაქტური და ტრანსფორმერი ავეჯის დიდი არჩევანია, რომელიც იდეალურია სტუდიოსთვის.
- განათება მნიშვნელოვან როლს ასრულებს კომბინირებულ ოთახში. ის მრავალფეროვანი უნდა იყოს კონკრეტული ზონის გათვალისწინებით.
სტუდიოს ტიპის ბინის ზონირება ავეჯის დახმარებით
იმისათვის, რომ სახლმა სიხარული და კმაყოფილება მოიტანოს არა მხოლოდ შეძენის დროს, არამედ შემდგომ ცხოვრებაშიც, თქვენ წარმატებით უნდა მოათავსოთ მასში სამზარეულო, მისაღები ოთახი, საძინებელი, სამუშაო სივრცე და საბავშვო კუთხე. პრობლემის თავიდან ასაცილებლად, უმჯობესია ზონები ჯერ ქაღალდზე დახაზოთ და განლაგებაზე კარგად დაფიქრდეთ.
დივანი, რომელიც გაყოფს ოთახს და სამზარეულოს, შესაძლოა გახდეს ძილის ზონა, საჭიროების შემთხვევაში. არჩიეთ გასაშლელი დივანი, როდესაც იშლება და შეგვიძლია, დამატებითი ფუნქციაც შევძინოთ.
სტუდიოს ტიპის ბინისთვის უფრო მოგებიანია ტყავის ზედაპირის მქონე ავეჯი.
სასადილო მაგიდა, ერთის მხრივ, დახაზავს საზღვრებს, უპირატესობა მიანიჭეთ ღია ფერის ხის მაგიდას. გამომდინარე იქიდან, რომ სტუდიოში სამზარეულო და მისაღები ოთახი გაერთიანებულია, ჯობს შეიძინოთ გასაშლელი მაგიდა, რომელსაც საჭიროებისამებრ, სტუმრების მოსვლისას გამოიყენებთ. ასევე, ძალიან პრაქტიკულია სამზარეულოს მაგიდა ქვედა თაროთი
კიდევ ერთი ვარიანტი არის ბარის მაგიდა. ის ძალიან კომპაქტური და მოსახერხებელია.
ორი დიდი მაგიდა პატარა სივრცეს ძალიან გადატვირთავს. ამიტომ, დივანთან ჯობს პატარა ჟურნალის მაგიდა დადგათ. სასურველია წვრილ ფეხებზე.
სამზარეულო. იდეალური იქნება სამზარეულო ჩაშენებული ტექნიკით. ასევე, სასადილო ოთახის კარადა ღია თაროების კომბინაციით, ის სიმსუბუქეს და ჰაეროვნებას შემატებს სამზარეულოს. კარადა დადგით კედელთან.
თუ ბინის ფართობი არ გაძლევთ საშუალებას, მოაწყოთ ცალკე მისაღები და საძინებელი, მაშინ ამაში ავეჯი დაგეხმარებათ. საწოლის გვერდებზე დადგით ტუმბოები. არ აირჩიოთ მასიური მოდელი. ის სივრცეს ვიზუალურადაც გადატვირთავს.
ტელევიზორი დივნის საპირისპირო კედელზე ჩამოკიდეთ. ჟურნალის მაგიდა დივნის წინ დადგით.
სამუშაო სივრცე მოაწყვეთ ფანჯრის რაფასთან. ტექნოლოგიური სამყარო მდიდარია კომპაქტური მოდელების მრავალფეროვნებით: ნოუთბუქები, აიპედები და სხვ. ფანჯრის ორივე მხარეს შეგიძლიათ დადგათ ვიწრო თაროები წიგნებისთვის, საკანცელარიო ნივთებისთვის და სამუშაო წვრილმანი ნივთებისთვის.
კარადა სათავსოთი ტანსაცმლის შესანახად,სტუდიო ტიპის ბინაში ძალიან კომპაქტურია.
თუ კარადა სარკით იქნება აღჭურვილი, ის ვიზუალურად გააფართოებს სივრცეს და გახდება ყოველდღიური ცხოვრების სასარგებლო დამატება. თუ კარადის ადგილი არ გაქვთ, მაშინ კარგი არჩევანი იქნება კომოდი. ზომა შეგიძლიათ შეარჩიოთ ადგილის მიხედვით.
საბავშვო კუთხისთვის შეარჩიეთ კომბინირებული ავეჯი. მაგალითად, პირველი სართული - მაგიდა, კარადა სათამაშოებისთვის, მეორე სართული - საწოლი. რაც არ უნდა აირჩიოთ, ეს ყველაფერი საერთო იდეას დაუკავშირეთ. აუცილებელია, რომ ავეჯი არ ამოვარდეს ოთახის ზოგადი კონცეფციიდან, არამედ ხელი შეუწყოს ატმოსფეროს შექმნას, განალაგოს საჭირო აქცენტები და იყოს მაქსიმალურად ფუნქციონალური და კომფორტული.
სტუდიოს ბინაში აქსესუარების გამოყენების წესები
ოთახის გაფორმებისთვის საჭიროა გაითვალისწინოთ რამდენიმე დეტალი., დეკორატიული ელემენტების ნაკლებობა ბინას უბრალო იერს მისცემს.
მოერიდეთ მასიურ ნივთებს (ლარნაკები,ქანდაკებები და ა.შ.). უმჯობესია აირჩიოთ საინტერესო სარკეები,, რომლებიც თავისთავად იქნება დეკორი, პატარა სუვენირები, კედლის აქცენტ-დეკორი, ძალიან მცირე ზომის ნეიტრალური ნახატები კედლებზე.
ავეჯის და დეკორის ფართო არჩევანი - „ეშლის“ შოურუმში დაგხვდებათ.
