ჩვენი წინაპრები სარკეს მაგიურ საგნად მიიჩნევდნენ, რომელსაც შეეძლო, ეჩვენებინა მომავალი, აერეკლა ცუდი ენერგია ან, საერთოდაც, მოეჯადოვებინეთ... საბედნიეროდ, ეს ყველაფერი წარსულს ჩაბარდა. დღეს პირიქით - ფსიქოლოგები გვარწმუნებენ, ადამიანის თვითშეფასება პროპორციულად იზრდება იმის მიხედვით, თუ რამდენად ხშირად უყურებს საკუთარ ანარეკლს. დიზაინერები კი მიიჩნევენ, რომ ამ ნივთს საოცარი თვისება აქვს, გააკეთილშობილოს ნებისმიერი ინტერიერი. ამიტომ სარკე - იქნება ეს დასადგამი, კედლისა თუ დეკორატიული, ბინაში, და მათ შორის, - საძინებელ ოთახში, აუცილებელია.
რას ნიშნავს დეკორატიული სარკე?
დეკორატიულს უწოდებენ ისეთ მოდელებს, რომელთა ფორმას ასე ერთი სიტყვით და, მით უფრო, გეომეტრიული ტერმინებით ვერ დაასახელებთ, მაგრამ ულამაზესია
დეკორატიული სარკე შეიძლება იყოს წარწერებიანი, მოხატული, ფიგურული, მზის სხივებიანი, მოზაიკური - სარკის პაწაწუნა ნამსხვრევებისგან აწყობილი. ეს უკანასკნელი, სხვათა შორის, ერთგვარად, ნახატს ჰგავს და ძალიან უხდება მინიმალისტურ ინტერიერს. და კიდევ - სინათლეს საოცრად ორიგინალურად აირეკლავს.
სად არ შეიძლება მისი დადგმა?
ალბათ, ერთხელ მაინც გექნებათ მოსმენილი გადმოცემებით ნასაზრდოები მრავალი
მოსაზრება იმის შესახებ, თუ სად და რა წესების დაცვით უნდა განვათავსოთ ეს ნივთი, თუ არა, კატეგორიული განაცხადი, რომ სარკის ადგილი საძინებელ ოთახში არ
არის. თუმცა, რეალურად, თუკი სარკეს სწორ ადგილას დაკიდებთ/დადგამთ, ოთახის ინტერიერი და ინტიმური სივრცე ამით, მხოლოდ და მხოლოდ, მოიგებს.
თუმცა,
დიზაინერები და ფსიქოლოგები თანხმდებიან იმაზე, რომ უმჯობესია, კედლის სარკე არ დავკიდოთ საწოლის მოპირდაპირედ, რადგან მასში
მწოლიარე ადამიანი თავის თავს დაინახავს და შეიძლება, ყოველთვის ბედნიერი არ წამოდგეს დანახული ანარეკლის დამსახურებით.
სად შეიძლება სარკის დაკიდება/დადგმა?
მას შემდეგ, რაც შევთანხმდით, რომ საძინებელ ოთახში სარკის არათუ, ადგილი
არ არის, აუცილებელიც კი რომაა, მოკლედ გავუსვათ ხაზი დიზაინერების მიერ რეკომენდებულ მდებარეობებს, სადაც ამ აქსესუარის განთავსება ძალიან
მომგებიანია.
საძინებელში ამ ნივთსთვის საუკეთესოა ის ადგილი, საიდანაც სარკე ოთახში შესასვლელ კარს აირეკლავს. ამ პოზიციაში დაკიდებული სარკე ეს კომფორტულ ფსიქოლოგიურ ატმოსფეროს შეგიქმნით. როგორც ფსიქოლოგები განმარტავენ, როცა ადამიანის ვერ ხედავს კარს, საიდანაც ოთახში შესვლა შეიძლება, მას გაუცნობიერებელი მღელვარება ეწყება;
საძინებელი ოთახის სარკისთვის ოთახში ყველაზე ფუნქციონალური ადგილი, რა თქმა უნდა, ტუალეტის მაგიდა ან კედელი ამ მაგიდის თავზე.
ცოლ-ქმრის საძინებელი ოთახისთვის უმჯობესია, მკაცრი გეომეტრიული ფორმის მქონე ტუალეტს მაგიდა შეარჩიოთ; ხოლო თუ გოგოს საძინებელი ოთახის ავეჯს ყიდულობთ, მაშინ ინტერიერში სიმსუბუქის და სინაზის შესატანად, მომრგვალებული ფორმის ტუალეტის მაგიდა ამჯობინეთ. ძირითადი დეტალი კი ოვალური, მოჩუქურთმებული
სარკე ან ინკუსტრირებულ ჩარჩოში ჩასმული ეს
აქსესუარი იქნებოდა;
თანამედროვე საძინებელ ოთახში ასევე მიღებულია სარკის პანელები ჭერზე, თუმცა უმჯობესია ისეთ ნაწილში გაკვრა, რომ საწოლი არ ჩანდეს;
ასევე, შეგიძლიათ, დიზაინისა და
დეკორისთვის საწოლის თავზე დაკიდოთ სარკე ლითონის ჩარჩოთი . მართალია, ასეთ შემთხვევაში ეს ნივთი თავის მთავარ ფუნქციას ნაკლებად შეასრულებს, მაგრამ ინტერიერს განსაკუთრებულ ელეგანტურობას, ნამდვილად, შემატებს;
რაც შეეხება დასადგამ სარკეს, ის ოთახის რომელიმე კედელთან, როგორც წესი, მთელს სიმაღლეზე იდგმება
და, ზოგჯერ, სიგანის მეოთხედსაც კი
მოიცავს. მისი ასეთი ზომა და მდებარეობა მოხერხებულია ჩაცმის დროს, რადგან თავიდან ფეხებამდე ჩანხართ და, შესაბამისად, კარგად ხედავთ, თუ როგორია თქვენი ლუქი და როგორ გამოიყურებით.
როგორ შეგვიძლია მისი დახმარებით ოთახის გადიდება?
ალბათ იცით, რომ სარკის დახმარებით შეგიძლიათ, ვიზუალურ ეფექტს მიაღწიოთ და ოთახის ზომები „ცვალოთ“. ამასთანავე, ოთახის განათების ხარისხის გააუმჯობესოთ, თუკი მასში ხელოვნური ან ბუნებრივი განათება აირეკლება. დაიმახსოვრეთ 2 წესი:
სარკის ჩარჩოები - ფერი, ფორმა და მასალა
ამ აქსესუარის შერჩევის დროს, რა თქმა უნდა, მთავარი როლი ჩარჩოს აქვს.
- საძინებელი ოთახისთვის კლასიკური ფერია: ნატურალური ხის ფერი, ვერცხლისფერი, ოქროსფერი. თუმცა თანამედროვე დიზაინერული მიმართულებები საძინებლის ავეჯისთვის ნებისმიერი ფერის ჩარჩოს განიხილავს.
- რაც შეეხება ჩარჩოს ფორმას, საძინებელი ოთახის ავეჯისთვის უმჯობესია კლასიკური, მშვიდი ფორმები შეარჩიოთ: მრგვალი, ოვალური,
კვადრატული ან მართკუთხა ჩარჩოები.
სხვათა შორის, დიზაინერებს არ უყვართ სარკეები მახვილი კუთხეებით, რომლებიც პრეტენზიულ ფორმებად მიაჩნიათ და აღნიშნავენ, რომ მრგვალი სარკე ან, ექსტრავაგანტული, ან ოვალური ფორმებისა გაცილებით ალამაზებს ნებისმიერი სტილის ინტერიერს.
ჩარჩოს მასალა კი იმ ოთახში, რომელიც მოსასვენებლად და რელაქსისთვის არის განკუთვნილი, უმჯობესია, იყოს ხე ან რკინა.
ახლა კი რამდენიმე რეკომენდაცია ეშლი ჰოუმსთორისგან:
დაიმახსოვრეთ!
- სარკე არ უნდა ირეკლავდეს საგნების გროვას - მაგალითად, საძინებლის ბენჩზე დახვავებულ ტანსაცმელს. ეს შექმნის არეულობის განცდას და ოთახს ვიზუალურადაც დააპატარავებს; ამიტომ ეცადეთ,
იგი კარის ან ფანჯრის მოპირდაპირედ განათავსოთ;
- თუკი მას მზის პირდაპირი სხივები სისტემატურად ეცემა, შეიძლება, მალე გახუნდეს;
- როგორც დასადგამი, ასევე კედლის სარკის ფუნქციონალური გამოყენებისთვის მნიშვნელოვანია სწორი გაბარიტები:
- ოთახში, სადაც ისვენებთ, უმჯობესია განათავსოთ სარკე ხის ჩარჩოთი, ან, მაქსიმუმ, რკინისა;
- მთლიანი სიმაღლისთვის სარკე უნდა იყოს, მინიმუმ,
1.4 მეტრი;
- მოდელი, რომელშიც წელამდე ჩანხართ -
0,6 მეტრი;
- თავის და მხრებისთვის -
0,4 მეტრი.
ერთი სიტყვით, სანამ საძინებელი ოთახის სარკეს შეიძენთ, უნდა ჩამოყალიბდეთ - მან თავისი პირდაპირი ფუნქცია უნდა შეასრულოს, თუ, მხოლოდ, დეკორისთვის გსურთ.
Ashley HomeStore კი ულამაზეს დეკორატიულ სარკეებზე, ისევე როგორც ავეჯზე, ახალი წლის დღესასწაულებისთვის დიდ ფასდაკლებებს გთავაზობთ და ბედნიერ შენაძენს გისურვებთ!
