რა უნდა გავითვალისწინოთ ორადგილიანი დივნის შერჩევისას

ორადგილიანი დივნები ხშირად კომპაქტურ სივრცეებთან ასოცირდება, თუმცა მათი ფუნქციურობა ბევრად ფართოა, ვიდრე ერთი შეხედვით ჩანს. ეს მოდელები იდეალურია კომფორტული გარემოს შესაქმნელად და განსაკუთრებულად მისაღებ ოთახს ან საძინებლის კუთხეს ერგება.

 

ეშლი ჰოუმსთორში ორადგილიანი დივნების მრავალფეროვან არჩევანს შეხვდებით. ჩვენთან სხვადასხვა ფერისა და ფორმის, ყველაზე ხარისხიან და რბილ დივნებს შეხვდებით. ასევე გთავაზობთ ორადგილიან დივან რექლაინერებსაც, რომლებიც გრძელი დღის შემდეგ, განსაკუთრებით კომფორტულია. 

 

ორადგილიანი დივნის შეძენამდე, სანამ საბოლოო გადაწყვეტილებას მიიღებთ, მნიშვნელოვანია გაითვალისწინოთ რამდენიმე ძირითადი ასპექტი, რომლებიც დაგეხმარებათ სწორი არჩევანის გაკეთებაში. 

 

ზომები

ორადგილიანი დივნები, როგორც წესი, არის დაახლოებით 140-180 სმ სიგრძის ფარგლებში. მათი სიმაღლე და სიღრმე შეიძლება მერყეობდეს მოდელიდან გამომდინარე, თუმცა საშუალოდ 90-100 სმ სიმაღლისა და 80-100 სმ სიღრმისაა. ამ პარამეტრებით, ორი ადამიანი კომფორტულად თავსდება.

 

ამ ზომების მთავარი უპირატესობა ის არის, რომ დივანი სივრცეს არ გადატვირთავს და თავისუფალი გადაადგილების შესაძლებლობას მოგცემთ. განსაკუთრებით პრაქტიკულია პატარა და საშუალო ზომის მისაღები ოთახებისთვის, სადაც მნიშვნელოვანია ბალანსი კომფორტსა და ფუნქციურობას შორის. ასეთ შემთხვევაში მარტივად დაგრჩებათ ადგილი ჟურნალის მაგიდისთვის ან სხვა აუცილებელი ავეჯისთვის.

 

მასალები

ორ ადგილიანი დივნები მზადდება სხვადასხვა მასალისგან:

 

• ტექსტილი: ნაჭრის მასალა პოპულარულია რბილი და კომფორტული დივნებისთვის. ის მრავალფეროვანი ფერებითა და ტექსტურებითაა ხელმისაწვდომი.

 

მასალის შერჩევისას მნიშვნელოვანია გაითვალისწინოთ თქვენი ცხოვრების სტილი. მაგალითად, ბავშვების ან შინაური ცხოველების არსებობა, ყოველდღიური გამოყენების სიხშირე და მოვლის სიმარტივე.

 

ზოგიერთ მოდელში გამოყენებულია კომბინირებული მასალები, როგორიცაა ქსოვილი და ტყავის დეტალები, რაც დიზაინს უფრო დახვეწილ და თანამედროვე იერს სძენს.

 

კონსტრუქცია და კომფორტი

ძლიერი და გამძლე დივანი კეთდება ხის ან ლითონის კონსტრუქციით რაც ხანგრძლივ გამოყენებას  უზრუნველყოფს. მაღალი ხარისხის კონსტრუქცია პირდაპირ აისახება ყოველდღიურ კომფორტზე. სწორად საზურგისა და დასაჯდომი ნაწილის ბალანსი უწყობს ხელს სხეულის სწორ პოზიციონირებას და ქმნის სასიამოვნო დასვენების გარემოს, როგორც მოკლე, ისე ხანგრძლივი გამოყენებისთვის.

 

დიზაინი და ფერები

ორადგილიანი დივნები წარმოდგენილია სხვადასხვა სტილის დიზაინით: თანამედროვე, კლასიკური, სკანდინავიური და ინდუსტრიული.

 

ფერის არჩევანი დიდ გავლენას ახდენს ოთახის ვიზუალურ აღქმაზე. ნეიტრალური ტონები (ნაცრისფერი, თეთრი, კრემისფერი) სივრცეს სიმსუბუქეს მატებს, ხოლო თამამი ან მუქი ფერები დივანს ინტერიერის მთავარ აქცენტად აქცევს.

 

მნიშვნელოვანია, რომ დივნის დიზაინი ჰარმონიულად ერწყმოდეს დანარჩენ ავეჯსა და საერთო ინტერიერის კონცეფციას.

 

შეჯამება

ორადგილიანი დივანი შეიძლება იყოს იდეალური გადაწყვეტა იმ შემთხვევაში, როცა გსურთ სივრცის გონივრულად გამოყენება კომფორტის დათმობის გარეშე. მისი ზომა, მრავალფეროვანი დიზაინი და პრაქტიკული მახასიათებლები საშუალებას გაძლევთ მარტივად მოარგოთ როგორც მცირე, ისე საშუალო ზომის სივრცეებს. სწორი მოდელის შერჩევით, ორადგილიანი დივანი არა მხოლოდ ფუნქციურ ავეჯად, არამედ ინტერიერის ჰარმონიულ ნაწილად იქცევა, რომელიც თქვენს სახლში სიმყუდროვეს და ყოველდღიურ კომფორტს შემოიტანს.

 

თუ ეძებთ ავეჯს, რომელიც თქვენს სახლს მყუდროებას შემატებს და ამავე დროს პრაქტიკული იქნება, ეშლი ჰოუმსთორის ორადგილიანი დივანი შეიძლება იყოს სწორედ ის გადაწყვეტილება, რომელიც თქვენს სივრცეს ყველაზე კარგად მოერგება.