რა გავითვალისწინოთ სამზარეულოს მაგიდა და სკამების შეძენისას

თუ გსურთ თქვენი სამზარეულო მიმზიდველად გამოიყურებოდეს და ამასთან, მაქსიმალური კომფორტი მოიწყოთ, ავეჯის სწორად შერჩევას დიდი მნიშვნელობა აქვს. ამერიკული ავეჯის სახლი ეშლი ჰოუმსთორი სამზარეულოს მაგიდა და სკამების დიდ არჩევანს გთავაზობთ. ჩვენს კოლექციაში აუცილებლად იპოვით სასურველ მოდელს. დღეს კი განვიხილავთ იმ მნიშვნელოვან კრიტერიუმებს, რომლითაც შერჩევისას უნდა იხელმძღვანელოთ.  

ზომები

ავეჯის შერჩევისას, პირველ რიგში, ზომები უნდა გაითვალისწინოთ. სასურველია, წინასწარ გაზომოთ ოთახი და განსაზღვროთ, რა ნაწილს გამოყოფთ მაგიდა და სკამებისთვის. ეს სივრცის ოპტიმალურად ათვისებაში დაგეხმარებათ. დიდი სამზარეულოსთვის შეგიძლიათ გრძელი და ფართო მაგიდა შეიძინოთ 6-7 სკამით. მცირე ოთახს კი შედარებით პატარა მაგიდა მოუხდება 2-3 სკამით, რათა არ გადაიტვირთოს და მოძრაობაში ხელი არ შეგიშალოთ. 

სტილი და დიზაინი

მას შემდეგ, რაც გაარკვევთ, დაახლოებით რა პროპორციების ავეჯი გჭირდებათ, შემდეგი ნაბიჯი სტილისა და დიზაინის შერჩევაა. ეშლი ჰოუმსთორის კოლექციაში ნახავთ სხვადასხვა ზომის, დიზაინისა და მასალის სასადილო სკამებსა და მაგიდებს. არის როგორც ღია ფერის, ასევე მუქი ყავისფერი და ნაცრისფერი ავეჯი. იმის მიხედვით, თუ რა ტონალობაშია გადაწყვეტილი სასადილო ოთახი, კლასიკურ სტილში გაქვთ მოწყობილი თუ თანამედროვე ტრენდებს ანიჭებთ უპირატესობას, შესაფერისი ვიზუალის მაგიდა და სკამებს ნახავთ. 

კომფორტი

არ მოტყუვდეთ ვიზუალით. შესაძლოა, ერთი შეხედვით, მოიხიბლოთ არაორდინალური დიზაინის მაგიდა და სკამებით, თუმცა სანამ შეიძენთ, აუცილებლად დარწმუნდით, რომ კომფორტულია. რამდენად მყუდროდ მოკალათდებით დილით ფინჯანი ყავის დასალევად ან საღამოს ოჯახთან ერთად ვახშამზე? როგორი საზურგე აქვს სკამს? რამდენად აკმაყოფილებს თქვენს საჭიროებებს? ეს ის შემთხვევაა, როცა ვიზუალის გამო კომპრომისზე წასვლა არ ღირს.  

ფუნქციური მახასიათებლები

თქვენი ინდივიდუალური საჭიროებების მიხედვით, შესაძლოა, დამატებითი დეტალების გათვალისწინებაც იყოს გონივრული. მაგალითისთვის, ეშლი ჰოუმსთორი ცალკე გთავაზობთ მცირე სივრცის სამზარეულოს მაგიდა და სკამების კოლექციებს, რათა გაგიმარტივოთ ძიების პროცესი. მსგავს შემთხვევებში ასევე კომპაქტურია გასაშლელი მაგიდა. 

ბიუჯეტი

გაუთვალისწინებელი ხარჯების თავიდან ასაცილებლად გირჩევთ წინასწარ განსაზღვროთ ბიუჯეტი. ჩვენთან ავეჯი სხვადასხვა ფასის კატეგორიაშია ხელმისაწვდომი. ასე რომ, აუცილებლად იპოვით ოპტიმალურ ვარიანტს. 

გამძლეობა

კარგი იქნება, თუ სამზარეულოს მაგიდა და სკამების არჩევისას სამომავლო გათვლებსაც გაითვალისწინებთ. მაგალითისთვის, ღია ფერის ავეჯი ვიზუალურად მომხიბლავია და ყურადღებას იქცევს, თუმცა მეტი მოვლა სჭირდება, ვიდრე მუქს. თუ გსურთ საქმე შეიმსუბუქოთ და მაგიდა და სკამების გაწმენდაზე მინიმალური ძალისხმევა დახარჯოთ, დარწმუნდით, რომ გამძლე ავეჯს ყიდულობთ. 

შეჯამება

იმედი გვაქვს, ჩვენი რჩევები სწორი არჩევანის გაკეთებაში დაგეხმარებათ. სასადილო მაგიდა და სკამების გარდა, ეშლი ჰოუმსთორის კოლექციაში ბარის მაგიდა და სკამებსაც ნახავთ. აქვე შეგიძლიათ შეიძინოთ სასადილო კარადაც. შეარჩიეთ თქვენი სამზარეულოს მოსაწყობად საუკეთესო ხარისხის ავეჯი.