რა უპირატესობები აქვს ორთოპედიულ მატრასს

უძილობა დღესდღეობით ერთ-ერთი ყველაზე ფართოდ გავრცელებული პრობლემაა. ცირკადული რიტმის დარღვევა ჩვენს ხასიათზე, პროდუქტიულობასა და განწყობაზე უარყოფითად აისახება. ძილის ნაკლებობა საზიანოა ჯანმრთელობისთვის, იწვევს დაღლილობას, გაღიზიანებას, შფოთვას და ზრდის ქრონიკული დაავადებების რისკს. ამიტომ, მნიშვნელოვანია, რომ ძილთან დაკავშირებული პრობლემების გადაჭრაზე დროულად ვიზრუნოთ. 

 

იმისთვის, რომ ჩაძინება მარტივად შევძლოთ, მყუდრო გარემო - კომფორტული მატრასი და რბილი საწოლი გვჭირდება. სწორედ ამისთვის არის შექმნილი ორთოპედიული მატრასები. სწორ პოზიციაში წოლა ძილთან ერთად კიდევ ბევრ სხვა ჯანმრთელობასთან დაკავშირებულ პრობლემას მოგიგვარებთ. დღევანდელ ბლოგში განვიხილავთ, რა უპირატესობები აქვს ორთოპედიულ მატრასს და რატომ ღირს მისი შეძენა. 

 

ვისთვის არის ორთოპედიული მატრასები

ორთოპედიული მატრასები, პირველ რიგში, განკუთვნილია მათთვის, ვისაც ზურგის ტკივილები ან სახსრებთან დაკავშირებული პრობლემები აწუხებთ. რეკომენდებულია როგორც ბავშვებისთვის, ისე ასაკოვანი ადამიანებისთვის, ასევე მათთვის, ვინც სპორტით არის დაკავებული და ფიზიკურად დატვირთულია. 

 

გამართულ პოზიციაში წოლა სხეულს განტვირთვაში ეხმარება და კუნთების დაძაბულობას ხსნის. ასე რომ, ორთოპედიული მატრასი იდეალურია ნებისმიერი ადამიანისთვის, ვისაც სურს, რომ ჰქონდეს გამართული ხერხემალი და ღამით მშვიდად ეძინოს. როგორც წესი, ის უფრო მყარია, ვიდრე სტანდარტული მატრასები, რაც უზრუნველყოფს, ხერხემალი მთელი ღამის განმავლობაში გამართულ პოზიციაში იყოს.

 

საუკეთესო არჩევანი ხერხემლის ტკივილების მოსახსნელად

ორთოპედიული მატრასი ხერხემალს წოლისას ბუნებრივ, გამართულ პოზიციაში აფიქსირებს. შედეგად, დატვირთვა მხოლოდ წელისა და კისრის არეზე არ მოდის, თანაბრად ნაწილდება სხეულის სხვადასხვა ნაწილზე. ეს საგრძნობლად ამცირებს ამ ადგილებში დაჭიმულობას და ტკივილებს მოგიხსნით. მოსვენებულ მდგომარეობაში სხეული დუნდება და ღრმა ძილი უფრო მარტივად შესაძლებელია. 

 

როგორ ვუშველოთ უძილობას

ორთოპედიული მატრასი უძილობის წინააღმდეგ საკმაოდ ეფექტური საშუალებაა. მისი დახმარებით, შეგიძლია, შექმნა მყუდრო, კომფორტული გარემო, რაც სხეულს რელაქსაციის საშუალებას აძლევს. ორთოპედიულ მატრასზე წოლისას, როგორც წესი, უფრო ნაკლებად ვმოძრაობთ. ეს გვეხმარება ღრმად ჩაძინებაში და ღამით უფრო იშვიათად გვეღვიძება. შედეგად, დილით გაცილებით ენერგიული, პოზიტიური განწყობით იღვიძებ.

 

ამ საკითხთან დაკავშირებით უფრო დაწვრილებით გაეცანით ჩვენს წინა ბლოგს - როგორ შევარჩიოთ სწორი მატრასი მშვიდი ძილისთვის. 

 

ამსუბუქებს კუნთების ტკივილს 

ორთოპედიული მატრასი ამსუბუქებს კუნთების ტკივილს, განსაკუთრებით კი ზურგისა და ბეჭების არეში. რადგან წოლისას ხერხემალი გამართულ მდგომარეობაშია და დატვირთვა სხეულის სხვადასხვა ნაწილზე თანაბრად მოდის, კონკრეტულ წერტილებში დაძაბულობა მცირდება. აქტიური ვარჯიშის შემდეგ, როდესაც სახსრები დაჭიმულია, ორთოპედიული მატრასი ორგანიზმს განტვირთვაში და ძალების აღდგენაში ეხმარება, რაც სახსრებს ტკივილსგან ათავისუფლებს. 

 

გამძლე და ხარისხიანი ალტერნატივა

ორთოპედიული მატრასები გამძლე და ხარისხიანია, რადგან როგორც წესი, მაღალი ხარისხის მასალებით მზადდება. შესაბამისად, არ დაკარგავს ფორმასა და მოცულობას. მათ გამოყენებას წლების განმავლობაში უპრობლემოდ შეძლებთ. ეს არის გონივრულად გაღებული ინვესტიცია თქვენი ჯანმრთელობისა და კომფორტისთვის.

 

ეშლი ჰოუმსთორის ორთოპედიული მატრასები

ჩვენს კოლექციაში ორთოპედიული მატრასების დიდი არჩევანია. მათი დათვალიერება შეგიძლიათ ადგილზე, ეშლი ჰოუმსთორის შოურუმებში. შეგახსენებთ, რომ ამერიკულ ავეჯის სახლს შეგიძლიათ ბათუმის ფილიალშიც ესტუმროთ. 

 

სასურველი მატრასის არჩევას ზომის მიხედვით შეძლებთ. გვაქვს ვარიანტები 90X190-ზე; 160X200-ზე; 180-200-ზე; 100X200-ზე; 200X200ზე; Queen Size და King Size მატრასები. შეგიძლიათ შეიძინოთ ერთსაწოლიანიც და ორსაწოლიანიც. ასე რომ, თქვენს საწოლზე მორგებული ალტერნატივის პოვნა არ გაგიჭირდებათ. 

 

შეჯამება

ორთოპედიული მატრასი თქვენი ჯანმრთელობისთვის საუკეთესო ინვესტიციაა. ის ამსუბუქებს ზურგისა და სახსრების ტკივილს და აუმჯობესებს ძილის ხარისხს. თუ გსურთ, უკეთესად გამოიძინოთ და დილით ენერგიულად გაიღვიძოთ, ორთოპედიული მატრასი საუკეთესო არჩევანია.