რჩევები სადღესასწაულო დღეებში სივრცის მაქსიმალურად გასაზრდელად

როცა  ახალ წელზე ფიქრობთ, რა გახსენდებათ?

თოვლის ფიფქები ნაზად ცვივა ზამთრის ცივ დღეებში? ან მკაფიოდ გრძნობთ დარიჩინის და ფიჭვის საოცარ სურნელს? შესაძლოა, წარმოიდგენთ თუ როგორი სიხარულით ხსნის საჩუქრებს ახალი წლის ღამეს თქვენი ოჯახის წევრები ან იქნებ გსურთ თქვენს მეგობრებთან ერთად აღნიშნოთ დღესასწაული.

როგორი მოგონებებიც არ უნდა დაგვრჩეს არდადეგების დროს, ისინი ძალიან მნიშვნელოვანია ჩვენთვის. ეს არის ის, რაც დღესასწაულებს განსაკუთრებულს ხდის და ამიტომაც ჩვენ ყველანი მოუთმენლად ველით, რომ შევიკრიბოთ საყვარელ ადამიანებთან ერთად და განსაკუთრებული გავხადოთ სადღესასწაულო დღეები.შევქმნათ დაუვიწყარი ემოციები, მივიღოთ სიამოვნება ურთიერთობებით,რაც გვაძლევს ენერგიას და დადებით განწყობას გვიქმნის მთელი წლის მანძილზე.

მაგრამ წვეულებასთან ერთად, როცა ძალიან ბევრი საქმე გვიგროვდება,გვიწევს საყიდლებზე სიარული ან მოგზაურობა,ვზრუნავთ საახალწლო დეკორაციაზე და ასე შემდეგ, ამ ყველაფრის ფონზე არის რამდენიმე რამ, რაც შეიძლება შეუმჩნეველი დარჩეს - მაგალითად, დარწმუნებული ხართ, რომ თქვენი სივრცე მზად არის სტუმრებისთვის? სწორედ ამიტომ, ჩვენ შევადგინეთ რჩევების სია, რომლებიც დაგეხმარებათ მაქსიმალურად გაზარდოთ თქვენი სივრცე სადღესასწაულო გართობისთვის. ასე რომ, როდესაც სტუმრები მოვლენ თქვენთან სადილზე, ან ვახშამზე, ისინი შეძლებენ დაისვენონ და დატკბნენ ისე, რომ არ ინერვიულონ იმაზე, თუ რამდენი ადამიანი მოთავსდება თქვენს სასადილო მაგიდასთან ან არის თუ არა საკმარისი ადგილი ბუხრის წინ.

დავიწყოთ მისაღები ოთახით :

თუ ოდესმე გაგიმართავთ სადღესასწაულო წვეულება მისაღებ ოთახში, ალბათ იცით, რამდენად მნიშვნელოვანია სტუმრების კომფორტულად განთავსება. ყველაზე ნაკლებად გვინდა რომ ვინმე ფეხზე დარჩეს, როდესაც ისინი ცდილობენ მიირთვან საახალწლო ვახშამი.

მაგრამ რა ხდება, როდესაც მისაღები ოთახი არც ისე დიდია? ან შეიძლება ის დიდია, თუმცა სავსეა ავეჯით, რომელსაც ისე ვერ უცვლით ადგილს, რომ მეტი სივრცე დარჩეს,რას აკეთებთ ამ დროს?

ჩვენ გვაქვს რამდენიმე იდეა, თუ როგორ გავზარდოთ თქვენი სივრცე ისე, რომ შეძლოთ მოაწყოთ შესანიშნავი სადღესასწაულო შეკრება მისაღებ ოთახში, მიუხედავად მისი ზომისა და განლაგებისა.

უპირველეს ყოვლისა, განვიხილოთ სივრცის მაქსიმალურად გაზრდა არსებული ავეჯით, რომელიც შეიძლება სხვადასხვა ფუნქციით გამოვიყენოთ. მაგალითად, კონსოლი შეიძლება დავტვირთოთ, როგორც სერვირების ან ყავის მაგიდა. ასეთი ავეჯის გამოყენებით, რომელიც ორმაგ მოვალეობას ასრულებს, თქვენ შეძლებთ სივრცის მაქსიმალურად გამოყენებას დამატებით ნივთების ყიდვის გარეშე, რომლებიც მხოლოდ ერთ მიზანს ემსახურება.

ასევე,იფიქრეთ იმაზე, თუ როგორ გსურთ მოაწყოთ ავეჯი. გინდათ, რომ ადამიანებს შეეძლოთ თავისუფლად გადაადგილება? ან იქნებ გირჩევნიათ შექმნათ რამდენიმე ერთმანეთისგან დამოუკიდებელი მყუდრო და ინტიმური სივრცე? თქვენი ავეჯის განლაგება დამოკიდებულია  იმაზე, თუ რა სახის შეკრებას მასპინძლობთ და როგორი სივრცე გაქვთ ხელმისაწვდომი. დარწმუნდით, რომ გაითვალისწინეთ ეს დეტალები ავეჯის გადაადგილებამდე.

აქ გთავაზობთ რამდენიმე პრაქტიკულ რჩევას, რათა მაქსიმალურად გაზარდოთ სივრცე მისაღებ ოთახში:

• თუ თქვენ გაქვთ პუფი ან ბენჩი, დადეთ ოთახის კუთხეში და გამოიყენეთ სასმელისა და ტკბილეულის მაგიდად.
• გამოიყენეთ იატაკის დიდი ბალიშები რბილი ავეჯის ირგვლივ დამატებითი სკამების ნაცვლად, რათა ადამიანებს ჰქონდეთ შესაძლებლობა უფრო თავისუფლად და კომფორტულად მოთავსდნენ.
• გაიტანეთ ყველა არასაჭირო ავეჯი მისაღებიდან და შეინახეთ სახლის სხვა ნაწილში. ამგვარად, თქვენ გექნებათ მეტი სივრცე თავისუფლად გადაადგილებისთვის.
• 

საძინებელი ოთხი

თუ არ გაქვთ ცალკე საძინებელი ოთახი სტუმრებისთვის, მოგიწევთ სახლის რომელიმე ნაწილი გამოიყენოთ და მოაწყოთ დროებით საძინებლად. ნებისმიერ შემთხვევაში, არსებობს რამდენიმე მარტივი გზა, რათა მაქსიმალურად გაზარდოთ სივრცე და გახადოთ ის კომფორტული სტუმრისთვის,რომელიც თქვენთან რჩება დღესასწაულებზე.

თუ თქვენ ეძებთ ავეჯის ვარიანტებს, განიხილეთ  დიდი ზომის პუფი ან ბენჩი.ავეჯის ეს დეტალები  განსაკუთრებით სასარგებლოა საძინებელში, რადგან ისინი უზრუნველყოფენ დამატებით ადგილს, ასევე შეიძლება გამოვიყენოთ ნივთების დასალაგებლად, ეს იქნება სტუმრის ტანსაცმელი, ხელბარგი თუ სხვა საჭირო ნივთი.

დივანი გაშლის ფუნქციით კიდევ ერთი შესანიშნავი ვარიანტია. მსგავსი დივნის არსებობის შემთხვევაში არ მოგიწევთ ფიქრი იმაზე, თუ სად დაიძინებს თქვენი სტუმარი. მათ ექნებათ საკუთარი სივრცე და კომფორტის შეგრძნება.

სასადილო ოთახი

ფართო სასადილო ოთახი იდეალურია სადღესასწაულო გართობისთვის, მაგრამ არაუშავს, თუ თქვენი სივრცე ცოტა პატარაა!

თქვენ მაინც შეგიძლიათ სივრცის მაქსიმალურად გამოყენება ავეჯის პრაქტიკულად მოწყობის საშუალებით.

ჩვენ გირჩევთ, მაგიდა კედელთან დადგათ ისე, რომ მან არ დაიკავოს დიდი ადგილი ოთახის ცენტრში. თუ არ გაქვთ საკმარისი ადგილი ყველა სტუმრისთვის, გამოიყენეთ სასადილო ოთახის ბენჩი,სადაც რამდენიმე სტუმრით მეტის განთავსებაა შესაძლებელი.

სცადეთ ოთახის ერთ კუთხეში სასადილო ოთახის კარადის დამატება, სადაც შეძლებთ დაალაგოთ სადღესასწაულო ვახშამი, რომელიც უკვე მომზადებული და სერვირებული გაქვთ. ამგვარად, არ იქნება უხერხული აურზაური და დაბნეულობას აარიდებთ თავს. ასეთ შემთხვევაში,ყველამ ზუსტად იცის, სად არის ტკბილეული,სასმელი თუ ხემსი,სანამ სადღესასწაულო სუფრას მიუსხდებიან.ასე რომ სტუმრებს შეეძლებათ მსუბუქად წაიხემსონ,დაისვენონ და სასიამოვნოდ გაატარონ საღამო.

დამატებითი სადღესასწაულო განწყობისთვის, სცადეთ გამოიყენოთ სუფრის ტილოები, რომლებიც შეესაბამება თქვენი დეკორაციის ფერთა გამას. ასე თქვენ შექმნით სასიამოვნო გარემოს და ინტერიერს,რომლის დახმარებითაც დაფარავთ ერთი სტილის დეკორაციით სხვადასხვა ავეჯის ზედაპირს.