როგორ მოვაწყოთ მცირე სივრცე კომპაქტური ავეჯის დახმარებით

მცირე სივრცის კომფორტულად და ორგანიზებულად მოწყობა ხშირად დიდ გამოწვევებთანაა ასოცირებული, თუმცა სინამდვილეში, სწორი დაგეგმარება და გონივრულად შერჩეული ავეჯი სრულიად ცვლის ვითარებას. 

 

ამერიკული ავეჯის სახლი, ეშლი ჰოუმსთორი, სპეციალურად მცირე სივრცეებისთვის, მრავალფუნქციურ და კომპაქტურ ავეჯს გთავაზობთ. ეს მოდელები დაგეხმარებათ სივრცის დაზოგვაში, თან ისე, რომ ოთახი ლამაზად და ელეგანტურად გამოიყურებოდეს.

 

დღევანდელ ბლოგში ვისაუბრებთ, როგორ მოვაწყოთ მცირე სივრცე კომპაქტური ავეჯის დახმარებით.

 

სივრცის ანალიზი და დაგეგმარება

პატარა სივრცის ეფექტურად მოწყობის პირველი ნაბიჯი სწორედ მისი ზუსტი ანალიზია. პირველ რიგში, გაზომეთ ოთახის ყველა კუთხე. შემდეგ, განსაზღვრეთ ძირითადი საჭიროებები: გჭირდებათ თუ არა სამუშაო ზონა, დამატებითი სათავსო ან სავარძელი სტუმრებისთვის. შემდეგ ოთახი დაყავით ზონებად: სად გინდათ ტელევიზორის, მცირე ზომის დივანის, მაგიდისა თუ სკამის დადება. მხოლოდ სივრცის ანალიზის შემდეგ შეგიძლიათ ავეჯის შერჩევის პროცესზე გადასვლა. 

 

კომპაქტური და მრავალფუნქციური ავეჯის შერჩევა

მცირე სივრცისთვის ავეჯის შერჩევისას პრიორიტეტი უნდა იყოს ფუნქციურობა და მოქნილობა. ტრანსფორმირებადი ავეჯი, მაგალითად, გასაშლელი დივანი, რომელიც ღამით საწოლად გარდაიქმნება, ან მაგიდა, რომელიც საჭიროების მიხედვით იზრდება და საშუალებას გაძლევთ სივრცე ადაპტირდეს სხვადასხვა საჭიროებებზე. ასევე შესანიშნავი არჩევანია ავეჯი ინტეგრირებული სათავსოებით, როგორიცაა საწოლი სათავსოთი. 

 

ეშლი ჰოუმსთორი მცირე ზომის ავეჯის დიდ კოლექციას გთავაზობთ. აქ შეხვდებით უმაღლესი ხარისხის სხვადასხვა ფერის, მასალისა და დიზაინის ავეჯს. არჩევანის მრავალფეროვნება საშუალებას მოგცემთ აირჩიოთ თქვენი გემოვნებისა და ინტერიერის შესაბამისი მოდელები.

 

მცირე ზომის სივრცის ინტერიერი

მცირე სივრცის მოწყობისას ვიზუალური აღქმა ისეთივე მნიშვნელოვანია, როგორც ფიზიკური დაგეგმარება. ღია ფერის კედლები, იატაკი და ტექსტილი, თეთრი, ღია ბეჟი ან პასტელის ტონები, ვიზუალურად ზრდის ოთახს. მსუბუქი მასალები, როგორიცაა თხელი რბილი ქსოვილები, ოთახს ჰაეროვნებასა და ელეგანტურობას სძენს. მინიმალისტური დიზაინი, მარტივი ფორმებით, ქმნის წყნარ და ორგანიზებულ გარემოს, სადაც ყოველი ნივთი მიზნობრივად არის შერჩეული.

 

დამატებითი რჩევები

სარკეები არამარტო დეკორატიული ელემენტია, არამედ სივრცის ვიზუალურად გადიდების ერთ-ერთი ყველაზე ეფექტური საშუალებაა, განსაკუთრებით მაშინ, როდესაც განათების წყაროსთან ახლოს არის მოთავსებული. 

 

არ დაგავიწყდეთ მოძრაობის თავისუფლება: ავეჯი ისე უნდა განთავსდეს, რომ გასავლელი ადგილი შეუფერხებელი იყოს. კედლის დეკორის შერჩევისას კი უპირატესობა მიანიჭეთ მსუბუქ კომპოზიციებს ან ერთ დიდ სურათს, რომელიც ყურადღებას იპყრობს, მაგრამ არ გადატვირთავს ოთახს.

 

შეჯამება

მცირე სივრცის მოწყობა გარკვეულ გამოწვევებთან ასოცირდება. თუმცა თუ ინტერიერს შესაბამისად მოაწყობთ, სივრცეს წინასწარ განსაზღვრავთ და შესაფერის ავეჯს შეარჩევთ, შეძლებთ შექმნათ კომფორტული, ელეგანტური და ორგანიზებული ოთახი. ავეჯის შერჩევის ნაწილში კი ეშლი ჰოუმსთორი დაგეხმარებათ. ჩვენთან შეძლებთ შეიძინოთ სპეციალურად მცირე სივრცისთვის განკუთვნილი ხარისხიანი ავეჯი.