როგორ მოვაწყოთ სტუდიოს ტიპის ბინა

თანამედროვე, ახალაშენებულ კორპუსებში ხშირად შეხვდებით სტუდიოს ტიპის ბინებს. ეს სივრცის ოპტიმალურად ასათვისებლად ერთ-ერთი საუკეთესო ვარიანტია. ასეთ დროს, გადამწყვეტი მნიშვნელობა აქვს, როგორ განალაგებ ოთახში ავეჯს და რა ტიპის მოდელებზე შეაჯერებ არჩევანს. არის რამდენიმე ფაქტორი, რომელთა გათვალისწინებაც დაგეხმარებათ, რომ სტუდიოს ტიპის ბინაში თავი მაქსიმალურად კომფორტულად იგრძნოთ - არც სივიწროვემ შეგაწუხოთ და ვიზუალური თვალსაზრისითაც ინტერიერი გემოვნებით მოაწყოთ.

 

სივრცის დაგეგმვა და ზონირება

სტუდიოს მოწყობისას პირველი და ყველაზე მნიშვნელოვანი ნაბიჯი სივრცის სწორად გადანაწილებაა. იმისთვის, რომ მოსასვენებელი, სამზარეულო და სამუშაო სივრცეები ერთმანეთისგან განაცალკევოთ, მათი გამიჯვნა სხვადასხვა გზით შეგიძლიათ. ზონირება დაგეხმარებათ, საძინებელი, სამუშაო კუთხე, სასადილო და მისაღები ცალ-ცალკე სივრცეებად მოაწყოთ.

 

ზონების გამოსაყოფად რამდენიმე მეთოდი არსებობს. სტუდიოს ტიპის ბინის ავეჯი დაგეხმარებათ, რომ ვიზუალური საზღვრები შექმნათ. მაგალითად, დივანი შეიძლება გახდეს საძინებელსა და სასტუმროს შორის ბუნებრივი გამყოფი. ფარდები და ტიხარი კიდევ უფრო მკაფიო ბარიერს შექმნის. განათებაც მნიშვნელოვან როლს თამაშობს ზონირებაში. თითოეული ფუნქციური არე ინდივიდუალური დენის წყაროთი უნდა იყოს აღჭურვილი. მთავარია, ღია სივრცეში თავისუფლების შეგრძნება არ დაკარგოთ. ამისთვის კი ზონები ჰარმონიულად უნდა გადადიოდეს ერთიდან მეორეში.

 

ავეჯის შერჩევა და მულტიფუნქციური ელემენტები

სტუდიოს ტიპის ბინის შემთხვევაში, ავეჯის შერჩევა განსაკუთრებულ ყურადღებას მოითხოვს. ასეთ დროს, რეკომენდებულია, მულტიფუნქციური ავეჯი, რათა სივრცის ოპტიმალურად ათვისება შეძლოთ. პრაქტიკული გადაწყვეტილებაა გასაშლელი მაგიდა, რომლის ზომასაც თქვენი სურვილის მიხედვით დაარეგულირებთ. თუ საჭირო გახდება, სტუმრების მიღებისას გაშლით, ხოლო ყოველდღიურობაში სტანდარტულ ზომაზე გექნებათ, რათა სივრცე დაზოგოთ. საძინებელში შეგიძლიათ დადგათ საწოლი სათავსოთი. ამ გზით ოთახში დამატებით სათავსოებს შექმნით, რაც სივრცეს გამოგითავისუფლებთ. 

 

ყურადღება მიაქციეთ ავეჯის ზომასაც. დიდი ზომის ავეჯმა პატარა სივრცე ზედმეტად შეიძლება გადატვირთოს. 

 

თვალი გადაავლეთ მცირე სივრცის ავეჯის კოლექციას ამერიკულ ავეჯის სახლში. აქ შეგიძლიათ შეარჩიოთ სპეციალურად სტუდიოს ტიპის ბინის ავეჯი:

 

• სტუდიოს ტიპის ბინის სამზარეულოს ავეჯი
• სტუდიოს ტიპის ბინის მისაღების ავეჯი
• სტუდიოს ტიპის ბინის საძინებლის ავეჯი

სათავსოები

სტუდიოს ტიპის ბინაში ერთ-ერთი ძირითადი გამოწვევა სათავსოების შექმნაა. როცა სივრცეში შეზღუდული ხართ, ყოველ კვადრატულ სანტიმეტრს მნიშვნელობა აქვს, ამიტომ, უმჯობესი იქნება, თუ ჩაშენებულ კარადებს დაკიდებთ, რათა ადგილი დაზოგოთ. ეცადეთ, ზედმეტი ნივთების შენახვისგან თავი შეიკავოთ. მხოლოდ ის ნივთები დატოვეთ, რომლებიც გჭირდებათ და ყოველდღიურობაში იყენებთ. 

 

ფერები და განათება

სივრცის აღქმისას ფერებს გადამწყვეტი მნიშვნელობა აქვს. ღია, ნეიტრალური ტონები და მინიმალისტური სტილი სივრცეს უფრო ფართოდ წარმოაჩენს. იდეალურია: თეთრი, ღია რუხი, ბეჟი, პასტელური ფერები. იმისთვის, რომ ინტერიერი გაახალისოთ, შეგიძლიათ, ჭრელი ან მკვეთრი ფერის ბალიშები, ფარდები, ხალიჩები ან დეკორი გამოიყენოთ. კონტრასტული ფერთა გამა ინტერიერს სახასიათოს გახდის. 

 

ეცადეთ, ოთახში, რაც შეიძლება, დიდი რაოდენობით, ბუნებრივი განათება შემოიტანოთ. ნუ დაკიდებთ მუქ, მძიმე ფარდებს. დამატებითი განათებისთვის შეგიძლიათ გამოიყენოთ ბრები, სანათი და ტორშერიც.

 

შეჯამება

სტუდიოს ტიპის ბინის მოწყობა შემოქმედებითი პროცესია. მთავარია, სივრცის ოპტიმალურად ათვისება შეძლოთ. ამაში კი მულტიფუნქციური ავეჯი დაგეხმარებათ. მინიმალისტური სტილი ოთახს უფრო ფართოდ წარმოაჩენს. დაათვალიერეთ სტუდიოს ტიპის ბინის დახვეწილი, კომპაქტური და კომფორტული ავეჯი ეშლი ჰოუმსთორის კოლექციაში.