როგორ შეარჩიოთ სასტუმრო ოთახის სკამი სწორად

როგორ შეარჩიოთ სასტუმრო ოთახის სკამი სწორად, რომ საინტერესო და ეკლექტიკური დიზაინი შექმნათ

სასტუმრო ოთახი თქვენს სახლში ის სივრცეა, სადაც ყველაზე მეტ დროს ატარებთ, ამიტომ მის კომფორტულად მოწყობაზე ბევრი უნდა იფიქროთ.

ავეჯის ყიდვამდე აუცილებლად წინასწარ უნდა განსაზღვროთ სახლის  სტილი და ფერები. შეგიძლიათ ოთახში სხვადასხვა სტილის სკამებიც  გამოიყენოთ, მაგალითად: რბილი სკამები,ბენჩი ან ბარის სკამები.

 გთავაზობთ სკამების შერჩევასთან დაკავშირებულ სამ რჩევას, რომელიც თქვენს მისაღებ ოთახს ეკლექტიკურს და საინტერესოს გახდის.

შეცვალეთ სტილი

შეინარჩუნეთ საერთო ვიზუალი და ესთეტიკა, თუმცა შეურიეთ სხვადასხვა სტილის სკამი - ეს ეკლექტიკური გარემოს შექმნის ყველაზე მარტივი გზაა. მაგალითად, თქვენს კლასიკურ დიზაინში ბარის სკამები საინტერესო, ინდუსტრიულ განწყობას შექმნის. ამავდროულად,  შექმნით უნიკალურ სტილს, რომელიც მხოლოდ თქვენი იქნება. ამ დროს მთავარია, იპოვოთ საერთო შტრიხი, რომელიც სხვადასხვა ტიპის სკამს ერთ სტილში გააერთიანებს. ამ შემთხვევაში ეს შეიძლება იყოს მეტალის ტიპი ან ფერი, ხის შტრიხები და სხვა.

შეცვალეთ ფერები

ფერების კომბინაცია  ერთ-ერთი ყველაზე პრაქტიკული და ამავდროულად, ლამაზი მეთოდია ოთახის საერთო დიზაინში სიახლის შესატანად. თუმცა ამ დროს ზომიერების დაცვაა საჭირო, რომ თქვენი მისაღები ოთახი არ დაემსგავსოს სივრცეს, სადაც უბრალოდ სხვადასხვა ფერის ავეჯი მოათავსეს. დახვეწილ გარემოს შექმნით, თუ შეინარჩუნებთ სტილს და შეცვლით ფერების გრადაციას. მაგალითად, შეგიძლიათ გამოიყენოთ სპილოსძვლისფერისა და ყავისფერი ტონები და შეურიოთ წითელი ფერი.

შეცვალეთ მასალები

მარტივი ხრიკი ეკლექტიკური გარემოს შესაქმნელად სკამის მასალების ცვლილებაა. საერთო სტილსა და ესთეტიკას შეინარჩუნებთ, თუმცა ოთახში სიახლესა და ხალისს შეიტანთ, თუ ავეჯისთვის ერთ სტილს და ფერს შეინარჩუნებთ, თუმცა შეცვლით მასალებს. ამ შემთხვევაში იდეალურია სკამებისა და ბენჩის კომბინაცია. სკამები რბილი მასალის, ბენჩი კი - მეტალითა და დაძველების ეფექტით. ამ გზით დიზაინის გასაოცარ კომბინაციას მიიღებთ.

ახლა თქვენი ჯერია

უკვე დროა თქვენი თამამი გადაწყვეტილებები ინტერიერში გამოიყენოთ და შექმნათ თქვენთვის  განუმეორებელი, ეკლექტიკური სტილი.

ზოგადად სკამის შერჩევის დროს კი შემდეგი საკითხები გაითვალისწინეთ:

• გაზომეთ სივრცე, სადაც მაგიდა და სკამები უნდა მოთავსდეს;
• განსაზღვრეთ სკამების ზომა;
• ყურადღება მიაქციეთ სკამის კონსტრუქციას, რომ მყარი იყოს;
• სკამების სილამაზესთან ერთად გაითვალისწინეთ მისი პრაქტიკულობაც;
• წინასწარ განსაზღვრეთ, სკამები სახელურით გინდათ თუ სახელურის გარეშე;
• ყურადღება მიაქციეთ სკამების კომფორტულობას. მხოლოდ ვიზუალის გათვალისწინებით ნუ მიიღებთ გადაწყვეტილებას.

          ashleyhomestore-სასტუმრო ოთახის სკამებს დაათვალიერებთ ჩვენს ვებ-გვერდზე