როგორ შევარჩიოთ ავეჯი სტუდიოს ტიპის ბინის სამზარეულოსთვის

სტუდიოს ტიპის ბინაში სამზარეულო ერთ-ერთ ყველაზე აქტიურად გამოყენებად ზონას წარმოადგენს, ამიტომ ავეჯის სწორად შერჩევას ხშირად გადამწყვეტი მნიშვნელობა აქვს. მნიშვნელოვანია, სივრცე არც გადატვირთოთ და ყოველდღიურობაში მაქსიმალურად კომფორტულად იგრძნოთ თავი. 

 

შეზღუდული სივრცე ერთი მხრივ გამოწვევაა, მაგრამ სწორად დაგეგმვის შემთხვევაში შესაძლებლობად იქცევა: თითოეულ სანტიმეტრს ფუნქცია ეძლევა და ინტერიერიც უფრო ორგანიზებული და ესთეტიკური ხდება. 

 

ამ ბლოგში გაგიზიარებთ პრაქტიკულ რჩევებს, რომლებიც დაგეხმარებათ სტუდიოს ტიპის ბინის სამზარეულოს ფუნქციურად მოწყობაში და ასევე გაგაცნობთ Ashley Homestore-ის სტუდიოს ტიპის ბინის სამზარეულოს ავეჯის კოლექციას, სადაც შეგიძლიათ შეარჩიოთ თქვენს სივრცეზე მორგებული მოდელები.

 

სივრცის დაგეგმვა და ფუნქციური ზონირება სტუდიოს ტიპის ბინის სამზარეულოში

სტუდიოს ტიპის ბინაში სამზარეულოს მოწყობისას პირველი ნაბიჯი სივრცის სწორად დაგეგმვაა. წინასწარ განსაზღვრეთ, სად იქნება სამუშაო ზედაპირი, სათავსოები და სასადილო კუთხე. ამგვარად, აირიდებთ გადატვირთულობას და გადაადგილებაც კომფორტული იქნება.

 

ყველაზე პრაქტიკული გადაწყვეტაა, როცა სამზარეულოსთვის ერთ კედელს ან კუთხეს გამოყოფთ. ასე მისაღებს ბუნებრივად შეერწყმება. ზონების გამოსაყოფად შეგიძლიათ გამოიყენოთ კუნძული ან ბარის მაგიდა, რომელიც ერთდროულად გამყოფისა და სასადილო ზონის ფუნქციასაც შეითავსებს. მთავარია, ზომები სწორად შეარჩიოთ, რომ სივრცეში თავისუფლად მოძრაობა შეძლოთ.

 

მცირე სივრცეში განსაკუთრებით მნიშვნელოვანია კედლების მაქსიმალური ათვისება. საკიდი კარადები და თაროები დაგეხმარებათ, მეტი ნივთი ორგანიზებულად მოათავსოთ და იატაკზე ადგილი არ დაიკავოთ. სწორად ზონირებული სამზარეულო სტუდიოში ფუნქციურობასაც ინარჩუნებს და ვიზუალურადაც უფრო მოწესრიგებულ და მსუბუქ გარემოს ქმნის.

 

ავეჯის შერჩევა მცირე სივრცისთვის

სტუდიოს ტიპის ბინაში საუკეთესო არჩევანია მულტიფუნქციური ავეჯი, რომელიც ერთზე მეტ ამოცანას ასრულებს და სივრცეს ზოგავს. პრაქტიკული ვარიანტია გასაშლელი მაგიდა, რომელიც ყოველდღიურად კომპაქტური იქნება, ხოლო სტუმრების მიღებისას მარტივად გაშლით.

 

სკამების შერჩევისას გაითვალისწინეთ, რომ აუცილებლად თავსდებოდეს მაგიდის ქვეშ, ასე სასიარულო ადგილი არ შეგეზღუდებათ. ასევე ყურადღება მიაქციეთ ავეჯის ზომებს: ძალიან დიდი მოდელები პატარა სივრცეს მარტივად გადატვირთავს.

 

დიზაინში ყველაზე მარტივად მუშაობს მინიმალისტური სტილი და ღია ტონები (თეთრი, ღია ნაცრისფერი, ბეჟი), ისინი სამზარეულოს უფრო ნათელსა და ფართოს წარმოაჩენს. მასალებსა და ტექსტურებში კი სჯობს ერთიანი, მშვიდი კომბინაციები შეარჩიოთ.

 

სამზარეულოს ავეჯის კოლექცია ბათუმის შოურუმში

ავეჯის შერჩევისას განსაკუთრებით მოსახერხებელია მოდელების ადგილზე ნახვა, ასე მარტივად შეაფასებთ ზომებს, მასალას, კომფორტს და იმასაც, როგორ მოერგება თქვენს სივრცეს. ავეჯის სახლი Ashley Homestore-ის ბათუმის შოურუმში შეგიძლიათ დაათვალიეროთ სტუდიოს ტიპის ბინის სამზარეულოს ავეჯის კოლექცია და შეარჩიოთ თქვენზე მორგებული ვარიანტები.

 

აქ დაგხვდებათ როგორც სამზარეულოსთან დაკავშირებული, ისე სასადილო ზონისთვის საჭირო ავეჯი: მაგიდები, სკამები და ბარის ტიპის ავეჯი, რომელიც სტუდიოში ხშირად გამყოფის ფუნქციასაც ითავსებს. წარმოდგენილია სხვადასხვა ზომისა და დიზაინის მოდელები, რაც საშუალებას გაძლევთ, პატარა სივრცისთვის კომპაქტური არჩევანი გააკეთოთ, ხოლო უფრო ფართო ზონებისთვის უფრო სრულფასოვანი კომპლექტი შეარჩიოთ.

 

ბათუმის შოურუმს მარტივად იპოვით პეტრე მელიქიშვილის 92-ში. სურვილის შემთხვევაში, შეგიძლიათ ისარგებლოთ მიწოდების სერვისით ან გაამარტივოთ პროცესი და ავეჯი ონლაინაც შეუკვეთოთ.

შეჯამება

სტუდიოს ტიპის ბინის სამზარეულოს მოწყობა სწორად დაგეგმვით იწყება. როცა ზონები გონივრულადაა განაწილებული და ავეჯიც ზომისა და ფუნქციურობის მიხედვითაა შერჩეული, სივრცე არ გადაიტვირთება და ყოველდღიურობა უფრო კომფორტული გახდება. მულტიფუნქციური მოდელები და მინიმალისტური დიზაინი პატარა სამზარეულოსაც სრულფასოვან და ესთეტიკურად სასიამოვნო გარემოდ აქცევს. დაათვალიერეთ ეშლი ჰოუმსთორი-ის სტუდიოს ტიპის ბინის სამზარეულოს ავეჯის კოლექცია და ეწვიეთ ბათუმის შოურუმს პეტრე მელიქიშვილის 92-ში, რათა თქვენი სივრცისთვის საუკეთესო მოდელი ადგილზე შეარჩიოთ.