როგორ შევარჩიოთ კომოდი საძინებლისთვის

საძინებელ ოთახში კომფორტული, მშვიდი გარემოს შესაქმნელად, მნიშვნელოვანია, რომ ყველა დეტალი ერთმანეთს ჰარმონიულად შეესაბამებოდეს. კომოდს ერთდროულად ფუნქციური და დეკორატიული დატვირთვა აქვს - დამატებით სათავსოებს უზრუნველყოფს და სივრცეში სიმყუდროვე შემოაქვს. 

 

საძინებლის ავეჯის არჩევისას რამდენიმე მნიშვნელოვანი დეტალია გასათვალისწინებელი, რათა პრაქტიკული, თქვენს საჭიროებებზე მორგებული, გემოვნებიანი ინვენტარი შეიძინოთ. დღეს სწორედ ასეთი კომოდის არჩევაში დაგეხმარებით.  

 

ადგილი და პროპორციები

სანამ კომოდის ძებნას დაიწყებთ, პირველ რიგში, აჯობებს, ოთახის პროპორციები გაზომოთ. ეს დაგეხმარებათ, უკეთ გათვალოთ, დაახლოებით, რა ზომის ავეჯი დაგჭირდებათ. წინასწარ განსაზღვრეთ ადგილი, სადაც კომოდის დადგმას აპირებთ და გაითვალისწინეთ, რამხელა იქნება დაშორება საწოლისგან, კარადისგან და ოთახში არსებული სხვა ავეჯისგან. დარწმუნდით, რომ საკმარისი სივრცე რჩება უჯრების ბოლომდე გამოსახსნელად. თუ საძინებელი მცირე ზომისაა, თავი შეიკავეთ დიდი კომოდის დადგმისგან. სივრცის დაზოგვა თავისუფლად მოძრაობის საშუალებას მოგცემთ და ოთახს სიმყუდროვეს შეუნარჩუნებს. 

 

ვიზუალი

იმისთვის, რომ კომოდი ოთახის ინტერიერს შეუხამოთ, გასათვალისწინებელია ფერი და მასალა. იმის მიხედვით, როგორი სტილი გაქვთ არჩეული - თანამედროვე, კლასიკური, მინიმალისტური თუ აბსტრაქტული დეტალებით გაფორმებული, შესაბამისი ავეჯი შეგიძლიათ შეარჩიოთ. ამერიკული ავეჯის სახლი ეშლი ჰოუმსთორი ამ მხრივ დიდ არჩევანს გთავაზობთ. აქ სხვადასხვა დიზაინის პროდუქციაა წარმოდგენილი, რაც საშუალებას გაძლევთ, თქვენთვის სასურველი მოდელი იპოვოთ. არის ვინტაჟური ხის კომოდები, კლასიკური და ტრენდული ავეჯი.

 

ზომა და სათავსოები

კომოდის არჩევისას ერთ-ერთი მთავარი ფაქტორი სათავსოების რაოდენობა და ზომაა. იმის მიხედვით, რა რაოდენობის ტანსაცმლის ან ნივთის შენახვა გჭირდებათ, შეგიძლიათ შეარჩიოთ მოდელი უჯრების შესაბამისი რაოდენობით. უჯრების რაოდენობასთან ერთად, მათი სიღრმეც მნიშვნელოვანია. ღრმა უჯრები ორგანიზებას გაგიმარტივებთ. ამიტომ, სანამ საბოლოო გადაწყვეტილებას მიიღებთ, კარგად დაფიქრდით, რამდენად გამოგადგებათ შერჩეული მოდელი.

 

კიდევ რა გავითვალისწინოთ

ზომისა და დიზაინის გარდა, კომოდის არჩევისას ძალიან მნიშვნელოვანია მასალის ხარისხიც. სასურველია, ავეჯი გამძლე და ხარისხიანი მასალისგან იყოს დამზადებული, რადგან სწორედ ეს განსაზღვრავს, რამდენ ხანს გაგიძლებთ და რამდენად მარტივი იქნება მისი მოვლა ყოველდღიურობაში. 

 

გაითვალისწინეთ, რომ კომოდის სხვადასხვა მოდელია. თქვენი საჭიროების მიხედვით, შეგიძლიათ შეარჩიოთ სარკიანი კომოდი და მაკიაჟის კომოდიც. 

 

შეჯამება

კომოდის შერჩევისას მხოლოდ ვიზუალური დეტალებით არ უნდა იხელმძღვანელოთ. მნიშვნელოვანია, რომ იგი ფუნქციურიც იყოს და თქვენს ყოველდღიურ საჭიროებებს მოერგოს. თუ ზემოაღნიშნულ რჩევებს გაითვალისწინებთ, აუცილებლად იპოვით კომოდს, რომელიც თქვენი საძინებლის განუყოფელი ნაწილი გახდება.