როგორ შევარჩიოთ სამზარეულოს მაგიდა?

• მრგვალი, კვადრატული თუ მართკუთხა? - როგორ შევარჩიოთ მაგიდა 

სამზარეულოსთვის

• როგორ შევარჩიოთ სამზარეულოს მაგიდა? – 5 რჩევა

თანამედროვე საცხოვრებელ კორპუსებში იზოლირებულ სამზარეულოს სულ უფრო იშვიათად ითვალისწინებენ, რაც ბიუჯეტის დაზოგვისა და ფართის გონივრულად ათვისებასთან არის დაკავშირებული.

სამზარეულოს ავეჯსაც იმის მიხედვით ვარჩევთ, რა ფართობი გვაქვს სახლში. როცა ფართობში შეზღუდულები ვართ, განსაკუთრებით მნიშვნელოვანია, სწორად განვსაზღვროთ, როგორი და რა ზომის მაგიდა შეესაბამება ინტერიერს, რადგან ის ერთნაირად უნდა ერგებოდეს როგორც მისაღები ოთახის, ისე სამზარეულოს კონცეფციას. 

გთავაზობთ 5 რჩევას, რა უნდა გაითვალისწინოთ სამზარეულოს მაგიდის შერჩევისას:

• გაზომეთ თქვენი სივრცე

სივრცის მიხედვით შეძლებთ განსაზღვროთ, რა ზომის მაგიდა გჭირდებათ. ოთახში გადაადგილებისთვის საკმარისი სივრცის დატოვება აუცილებელია, რათა სამომავლოდ დისკომფორტი აიცილოთ თავიდან. რეკომენდებულია, მაგიდის ყველა გვერდის გასწვრივ დაახლოებით 100 სმ დისტანცია იყოს.

• შეარჩიეთ მასალა სწორად

დღეს ბაზარზე მასალების იმდენად მრავალფეროვანი არჩევანია,  ყველაზე პოპულარულია მეტალის, მინის, მარმარილოსა და ხის მაგიდები და არჩევანის გაკეთებისას გადაწყვეტილება საჭიროებებიდან გამომდინარე უნდა მიიღოთ. 

მაგალითად, მინის მაგიდების წმენდა როგორც წესი მარტივია და ინტერიერსაც ელეგანტურს ხდის. რაც შეეხება უარყოფით მხარეებს, თუ სახლში ბავშვები გყავთ, მსხვრევადობის გამო, სჯობს, მისი მასალის შეძენისგან თავი შეიკავოთ. ალტერნატივა კი არის მარმარილო, რომელიც ასევე ელეგანტური და ტრენდულია და ბავშვებისთვისაც უსაფრთხო.

• სწორად შეარჩიეთ მაგიდის ფორმა

მაგიდის ფორმა შეიძლება ფართობის მიხედვითაც შეირჩეს. ასევე, თუ 4-ზე მეტ პერსონაზე გათვლილ მაგიდას არჩევთ, მაშინ სჯობს, არჩევანი მართკუთხაზე შეაჩეროთ, ნაკლებ პერსონაზე კი მრგვალი ფორმა ოპტიმალურია. 

• აირჩიეთ სტილი, რომელიც უძლებს დროს

ბევრი ჩვენგანი ვინტაჟის მოყვარულია, ბევრი კი თანამედროვე სტილზე აკეთებს არჩევანს. მნიშვნელობა არ აქვს, სახლი როგორ სტილში გაქვთ, მთავარია  მაგიდა უხდებოდეს ოთახის ინტერიერს და მისი სტილი და ხარისხი უძლებდეს დროს. 

• ფერი თქვენი ინტერიერის გათვალისწინებით შეარჩიეთ

თუ ოთახი ნეიტრალურ ფერებში გაქვთ გადაწყვეტილი, შეგიძლიათ შეუხამოთ კრემიფერი,ნაცრისფერი ან თეთრ ფერში მაგიდა.

გასათვალისწინებელია, რომ ღია ფერები სივრცის აღქმას უფრო ზრდის და მუქმა ფერებმა შეიძლება, ეს უპირატესობა დაგიკარგოთ. 

გირჩევთ, მაგიდა მხოლოდ მას შემდეგ შეიძინოთ, როცა სამზარეულოს აღჭურვას დაასრულებთ და დაზუსტებით გეცოდინებათ, რომელი ფერი და ფორმაა თქვენი ინტერიერისთვის ოპტიმალური.