როგორ შევქმნათ საძინებელ ოთახში მყუდრო გარემო?

როგორ შევქმნათ საძინებელ ოთახში მყუდრო გარემო?

მყუდროდ მოწყობილი საძინებელი გვმატებს კომფორტის შეგრძნებას, ასეთი საძინებელი გამოირჩევა რბილი ფაქტურებითა და მომხიბვლელი დეტალებით.მიუხედავად იმისა, რომ თქვენ იცით, რამდენად მყუდრო  თავშესაფარი უნდა შექმნათ საძინებელ ოთახში, ყოველთვის არ არის ადვილი სასურველი სტილის მიგნება.ყველაზე მნიშვნელოვანია ესთეტიკური მიმზიდველობისა და მდიდარი, რბილი ტექსტურის დაბალანსება.

რომელი ტიპის საწოლია ყველაზე მყუდრო?

თბილი, მყუდრო საძინებელი იწყება კომფორტული საწოლით. კომფორტული მატრასის შერჩევით დაწყება შესანიშნავი გადაწყვეტილებაა. თუმცა, საწოლის ჩარჩო და მისი დიზაინი ასევე დიდ როლს თამაშობს იმაზე, თუ რამდენად კომფორტულია ძილის ზონა მთლიანობაში. ზოგიერთი ყველაზე მყუდრო საწოლის ტიპები მოიცავს:

მთლიანად ნაჭრით დაფარული საწოლი, რბილი კუთხოვანი დაბოლოებებით და ნათელი ფერებით გვიქმნის განსაკუთრებული კომფორტის შეგრძნებას.

ვინტაჟური სტილის ხის საწოლებიდან შესაძლებელია შეარჩიოთ დაძველების ეფექტით ან ნატურალური ხის ფერებით შექმნილი კოლექციები, რაც საერთო ჯამში ვინტაჟური სტილის ვიზუალური კომფორტის შეგრძნებას გააძლიერებს.

თანამედროვე,დაბალ ბორტიანი საწოლის ჩარჩოებიც კი შეიძლება კომფორტულად ვაქციოთ თუ შევარჩევთ სწორად ძილის აქსესუარებს და სხვა მნიშვნელოვან ნივთებს. მაგალითად, საწოლს დაამატეთ რბილი და ნაზი ტექსტილის მქონე დეკორატიული ბალიშები, რაც მეტ ბალიშს გაალაგებთ საწოლზე მით უფრო კომფორტულ ვიზუალს შექმნით საძინებელ ოთახში. 

აირჩიეთ კომფორტული ბალიშები და ზეწრები

ბალიშებზე საუბრისას, მნიშვნელოვანია ვიცოდეთ,რომ მათი ჭარბი რაოდენობა საწოლზე ნამდვილად მატებს ნებისმიერ საძინებელს მყუდროებას. არ შემოიფარგლოთ მხოლოდ საწოლის ბალიშებით.. თუ თქვენს საძინებელში გაქვთ აქცენტ სავარძელი ან დიდი ზომის ბენჩი შეგიძლიათ განათავსოთ დეკორატიული ბალიში.

რბილი ტექსტურის ქსოვილით დამზადებული გადასაფარებლები, როგორიცაა ხელოვნური ბეწვი და ბამბის ტექსტილი, ხელს უწყობს კომფორტის შეგრძნების გაძლიერებას.

არ დაივიწყოთ კომფორტული საბნებისა და ზეწრების მნიშვნელობაც. მოძებნეთ რბილი ქსოვილები, არ არის საჭირო სიმყუდროვეზე უარის თქმა, როდესაც ტემპერატურა იმატებს, რადგან აბრეშუმის ქსოვილიც კი გვიქმნის  მყუდრო შეგრძნებას ღამით გადახურების გარეშე. სცადეთ სხვადასხვა რბილი ტექსტურის საბნები, როგორიცაა ფუმფულა შენილის ქსოვილი 

შექმენით მყუდრო გარემო საძინებელ ოთახში

საძინებლის მყუდრო დეკორი, რა თქმა უნდა, მხოლოდ საწოლის დეკორირებას არ მოიცავს. გააფართოვეთ თქვენი მიდგომა კომფორტული საძინებლის იდეებით, როგორიცაა:

უფრო მეტი ხის და ბუნებრივი მასალების კომბინაცია 

დამატებითი რბილი ფარდაგების და გადასაფარებლების  გამოყენება ავეჯზე, როგორიცაა სკამები და სავარძლები.

ხელოვნური ან ბუნებრივი მცენარეების დამატება.

ხალიჩა ან ფარდაგები იატაკის დეკორირებისთვის ,რაც ხელს უწყობს თბილი ტონების გაძლიერებას საძინებელი ოთახის ინტერიერში.

მყუდრო საძინებლის ფერები

დაგჭირდებათ დამამშვიდებელი და ნეიტრალური ფერი კედლებზე. კრემისფერიდან ყავისფერამდე ტონების გრადაცია  კარგი არჩევანია, რომელიც უფრო თბილი და მისასალმებელია, ვიდრე ტრადიციული პასტელური ფერები. თუ გსურთ გამოიყენოთ წითელი, ნარინჯისფერი ან ყვითელი ფერების პალიტრა, მოძებნეთ ძალიან განზავებული და ბაცი ვერსიები, რომლებსაც არ შეამოაქვთ  ზედმეტი ენერგია ინტერიერში.

არ არის საჭირო მთელი საძინებლის გადაკეთება მხოლოდ იმისთვის, რომ ის უფრო მყუდრო იყოს, განსაკუთრებით თუ თქვენთვის ბიუჯეტი მნიშვნელოვანია. რამდენიმე საყვარელი დეტალი აძლიერებს ოთახის კომფორტს და მატებს მას განსაკუთრებულ კომფორტს. მაგალითად, სცადეთ იპოვოთ კუთხე მყუდრო სავარძელის დასადგმელად კითხვისა და დასვენებისთვის. თქვენს საწოლზე მხოლოდ ბალიშებისა და პლედების განახლებამ შეიძლება მყისიერი ეფექტი მოახდინოს.

იპოვეთ მყუდრო საძინებლის დეკორი

მას შემდეგ რაც იპოვით  ახალ , კომფორტულ თეთრეულს, ყურადღება მიაქციეთ ოთახის დანარჩენილ სივრცეს. მყუდრო გარემოს მისაღწევად ბოლო ნაბიჯები მოიცავს აქსესუარებს, რომლებიც ხელს უწყობენ დამამშვიდებელი ეფექტის შექმნას საძინებელ ოთახში. სცადეთ ხელნაკეთი დეკორატიული ნივთები,გობელენები,ხალიჩები, ნაქარგი პუფები და ქსოვილისგან დამზადებული სხვადასხვა აქსესუარები. გადაიტანეთ ავეჯი ერთმანეთთან ოდნავ უფრო ახლოს, შექმენით პატარა კოტეჯის სტილის საძინებლის ილუზია, მაშინაც კი, თუ დიდი სივრცე გაქვთ ოთახში. გაანათეთ რბილი და ირიბი ნათებით, საკითხავად ან სამუშაოდ გამოიყენეთ აქცენტ განათებები ტორშერის ან მაგიდის სანათის დახმარებით.

აირჩიეთ  ყველაზე მყუდრო დეკორი Ashley-ში, რომ მოაწყოთ საძინებელი, რომელზეც ოცნებობდით. შეიძინეთ კომფორტული საწოლები და აქსესუარები, როგორიცაა ძილის ბალიში და დეკორატიული ბალიშები, რომლებიც მყუდროებას გიქმნით მთელი წლის განმავლობაში.