როგორი დიზაინის საწოლი მოუხდება თქვენს საძინებელს

საწოლი საძინებელი ოთახის ცენტრალური ნაწილია. ის განსაზღვრავს დანარჩენი ავეჯის დიზაინს და, ფაქტობრივად, მთელი ოთახის ინტერიერსაც. როცა საწოლის დიზაინი სივრცის სტილსა და ცხოვრების რეჟიმს ემთხვევა, ოთახი უფრო ჰარმონიული, მყუდრო და ფუნქციური ხდება. 

 

ამერიკული ავეჯის სახლის, ეშლი ჰოუმსთორის, ვებსაიტზე საწოლების დიდ კოლექციას შეხვდებით. მრავალფეროვანი არჩევანი საშუალებას მოგცემთ თქვენთვის სასურველი ავეჯი შეარჩიოთ.

 

დღევანდელ ბლოგში განვიხილავთ, როგორი დიზაინის საწოლი მოუხდება თქვენს საძინებელს და რა უნდა გაითვალისწინოთ მისი არჩევის დროს.

გაითვალისწინეთ თქვენი საძინებლის ინტერიერი

სანამ ავეჯის შერჩევას დაიწყებთ, მნიშვნელოვანია, თქვენი საძინებელი ოთახის ინტერიერი განსაზღვროთ. დააკვირდით რა ელემენტებია გამოყენებული ოთახის დიზაინში, რადგან, სასურველია, ავეჯი იგივე მასალებს იმეორებდეს. თუ ინტერიერი ტრადიციული კლასიკურია, მაშინ უმჯობესია ღია ფერის, ხისგან დამზადებული საწოლის არჩევა. ხოლო თუ თანამედროვე, მინიმალისტური ინტერიერია, თეთრი, ხის ჩარჩო, მარტივი დიზაინით უკეთესია. 

 

ეშლი ჰოუმსთორში საწოლებთან ერთად შეგიძლიათ საძინებელი ოთახის სხვა ავეჯის შეძენაც. შეუხამეთ თქვენს შერჩეულ ლოგინს ტუმბო და კომოდი.

გაითვალისწინეთ ოთახის ზომა

პატარა ოთახში დიდი საწოლი ყველაფერს ჩრდილავს და სხვა ავეჯის ადგილიც ნაკლებად რჩება. ასეთი სივრცისთვის საწოლი სათავსოთი იდეალურია, რადგან შეგიძლიათ, მაგალითად, არასეზონური ტანსაცმლის შენახვა და ამ გზით კარადაში ადგილის გამოთავისუფლება. დიდ ზომის საძინებელი ოთახისთვის კი თამამად შეგიძლიათ მაღალი, რბილი ჩარჩოს მქონე საწოლის შერჩევა.

სად დავდგათ საწოლი?

კომფორტული ძილისთვის და ინტერიერისთვის ძალიან მნიშვნელოვანია საწოლის ადგილმდებარეობა. პირველ რიგში, მოერიდეთ პირდაპირ ფანჯრის ქვეშ განთავსებას, რადგან ხმაურმა და შუქმა არ შეგაწუხოთ. თუ ორსაწოლიანი ლოგინი აარჩიეთ, მაშინ უმჯობესია ოთახის ყველაზე დიდ კედელთან მოათავსოთ, ისე რომ ორივე მხრიდან მარტივად შეძლოთ საწოლთან მისვლა. ოთახის ვიზუალისთვისაც უკეთესია და ბევრად უფრო პრაქტიკულია, თუნდაც თეთრეულის გამოსაცვლელად. 

 

თუ ერთსაწოლიანი ლოგინზე შეაჩერეთ არჩევანი, მაშინ კუთხეში განთავსებაა უკეთესი. კედელთან ძილი უფრო კომფორტულია და თავს უფრო უსაფრთხოდ გაგრძნობინებთ. ასევე უკეთესია სივრცის ოპტიმიზაციისთვის, პატარა ოთახში დანარჩენ სივრცეს გიტოვებთ სხვა ავეჯისთვის. 

შეჯამება

ყოველდღიური კომფორტისთვის, მშვიდი ძილისა და ლამაზი საძინებელი ოთახისთვის საწოლის სწორად შერჩევა აუცილებელია. ეწვიეთ ეშლი ჰოუმსთორის საიტს და აღმოაჩინეთ საწოლი, რომელიც საუკეთესოდ შეეფერება თქვენს გემოვნებასა და საძინებელ ოთახს.