როგორი სტილის მაგიდა და სკამები მოუხდება თქვენს მისაღებ ოთახს

მაგიდა და სკამები მისაღები ოთახის მნიშვნელოვანი ნაწილია. მაგიდის გარშემო იკრიბება ოჯახი საღამოობით, სტუმრებს მასპინძლობენ ან უბრალოდ მეგობრებთან ერთად ვახშმობენ. ხშირ შემთხვევაში ეს ავეჯი შეიძლება ოთახის ცენტრადაც იქცეს. თუმცა მაგიდისა და სკამების შერჩევა არც ისეთი მარტივია: უნდა უხდებოდეს დანარჩენ ინტერიერს, ზომა ზუსტად უნდა ერგებოდეს ოთახს და აუცილებლად, მოსახერხებელი უნდა იყოს. 

 

ეშლი ჰოუმსთორი სხვადასხვა ზომის, ფორმის, ფერისა და ტიპის მაგიდისა და სკამების კომპლექტებს გთავაზობთ. არჩევანის მრავალფეროვნება საშუალებას გაძლევთ, თქვენთვის სასურველი ავეჯი შეარჩიოთ.

 

დღევანდელ ბლოგში ვისაუბრებთ როგორი სტილის მაგიდა და სკამები მოუხდება თქვენს მისაღებ ოთახს და როგორ უნდა შეარჩიოთ ისინი. 

 

ზომის მიხედვით შერჩევა

მაგიდისა და სკამების რაოდენობა პირდაპირ გავლენას ახდენს სივრცის კომფორტსა და მის ფუნქციურობაზე. მნიშვნოლოვანია სივრცეს შესაფერისი ზომის ავეჯი ჰქონდეს, რადგან ან ძალიან არ გადატვირთოს, ან პირიქით ცარიელი და უფუნქციო არ გახადოს.

 

განვიხილოთ სხვადასხვა მოდელები, სხვადასხვა ზომის სივრცისთვის:

 

მაგიდა ბენჩით მოქნილი და ფუნქციური არჩევანია, რომელიც საშუალებას იძლევა ერთდროულად რამდენიმე ადამიანი დაჯდეს, სივრცის გადატვირთვის გარეშე. განსაკუთრებით მოსახერხებელია თანამედროვე ინტერიერებსა და თუ სტუმრების ხშირად მასპინძლობთ. ეშლი ჰოუმსთორის ვებსაიტზე სხვადასხვა მოდელი შეგხვდებათ, რაც ნიშნავს, რომ აუცილებლად შეარჩევთ თქვენი სივრცის შესაბამის მოდელს.

 

მაგიდა 4 სკამით საუკეთესო არჩევანია პატარა მისაღები ოთახისა და სტუდიო ბინებისთვის. არ ტვირთავს სივრცეს და ინარჩუნებს სიმსუბუქეს.

 

მაგიდა 6 სკამით უნივერსალურ ვარიანტად ითვლება საშუალო ზომის მისაღები ოთახებისთვის. აერთიანებს პრაქტიკულობასა და კომფორტს ყოველდღიური გამოყენებისთვის.

 

მაგიდა 8 სკამით იდეალურია დიდი მისაღები ოთახებისა და დიდი ოჯახური ან სტუმართა შეკრებებისთვის და საჭიროებს თავისუფალ გადაადგილების სივრცესა და კარგ განათებას.

 

სტილი და მასალა – როგორ შევარჩიოთ მაგიდა და სკამები ინტერიერის მიხედვით

მაგიდისა და სკამების შერჩევისას, აუცილებლად უნდა გავითვალისწინოთ, ოთახის ინტერიერი, რათა ავეჯი მას შევუხამოთ. სასურველია მასალა სხვა ავეჯის მიხედვით შევარჩიოთ. მაგალითად, თუ ინტერიერში ფიგურირებს ხე, ხის მოდელი თქვენთვის იდეალური არჩევანია. ფერისა და ფორმის არჩევის დროსაც იგივე უნდა გააკეთოთ. მაგრამ თან დაფიქრება გმართებთ, თუ გნებავთ მაგიდა და სკამები მისაღები ოთახის მთავარი აქცენტი იყოს, მაშინ ოდნავ განსხვავებული ფერი, ფორმა ან მასლა უნდა შეარჩიოთ.

 

სხვადასხვა სტილის მაგიდა და სკამები:

 

კლასიკური სტილის მაგიდები და სკამები, როგორც წესი, დამზადებულია მასიური ხისგან და გამოირჩევა თბილი ტონებითა და რბილი, კომფორტული საზურგეებით. ისინი იდეალურია ტრადიციული და ნეოკლასიკური მისაღები ოთახებისთვის. 

 

თანამედროვე და მინიმალისტური სტილში ხშირად გვხვდება ხის, MDF-ისა და მეტალის კომბინაციები, რაც სივრცეს მსუბუქ და ჰაეროვან იერს აძლევს. 

 

სკანდინავიური სტილისთვის დამახასიათებელია ღია ფერის ხე, თეთრი და პასტელური ტონები, ბუნებრივი ტექსტურები და ეკო-მეგობრული ვიზუალი. 

 

ინდუსტრიული სტილი კი იყენებს უხეშ ხეს, მეტალსა და მუქ ფერებს, რაც სივრცეს თანამედროვე, ურბანულ ხასიათს სძენს. სწორად შერჩეული მასალა და სტილი განსაზღვრავს მისაღები ოთახის საერთო ატმოსფეროსა და კომფორტს.

 

შეჯამება

მისაღები ოთახისთვის მაგიდისა და სკამების სწორად შერჩევა კომფორტისა და სტილის იდეალურ ბალანსს ქმნის. მნიშვნელოვანია, ავეჯი შეესაბამებოდეს როგორც სივრცის ზომას, ისე ინტერიერის საერთო დიზაინს. ზომა განსაზღვრავს ფუნქციურობას, ხოლო სტილი და მასალა – ოთახის განწყობას. ეშლი ჰოუმსთორის მრავალფეროვანი კოლექცია საშუალებას გაძლევთ, მარტივად შეარჩიოთ თქვენთვის შესაფერისი კომპლექტი, რომელიც წლების განმავლობაში გაგრძნობინებთ თავს მყუდროდ და კომფორტულად.