შინაური ცხოველებისთვის განკუთვნილი ავეჯი: თქვენი სახლის დიზაინი შინაური ცხოველების პირობებში

როგორც შინაური ცხოველის მფლობელი, მთავარი პრიორიტეტია სახლის დიზაინი, რომელიც აკმაყოფილებს თქვენი ოთხფეხა მეგობრის საჭიროებებს.

არსებობს რამდენიმე ფაქტორი, რომელიც გასათვალისწინებელია სახლის დიზაინის შექმნისას თუ თქვენ გყავთ ძაღლი ან კატა.

ამ პოსტში ჩვენ შევისწავლით შინაური ცხოველებისთვის შესაფერის ავეჯს და გაგიზიარებთ რამდენიმე მნიშვნელოვან რჩევას, რომელიც დაგეხმარებათ შექმნათ ელეგანტური და კომფორტული სახლი როგორც თქვენთვის, ასევე თქვენი ოთხფეხა მეგობრისთვის.მოგაწვდით ექსპერტთა რჩევებს ყველაფერზე, სწორი მასალის არჩევიდან დაწყებული თქვენი ავეჯის სტილით დასრულებული.

მთავარი ფუნქციები, რომლებიც უნდა ჰქონდეთ შინაურ ცხოველებზე მორგებულ ავეჯს.

აქ მოცემულია რამდენიმე ძირითადი მახასიათებელი, რომელიც გასათვალისწინებელია შინაური ცხოველებისთვის შესაფერისი ავეჯის ყიდვისას:

• ნაკაწრებისგან დაცვა: მოძებნეთ ავეჯი ნაკაწრებისადმი მდგრადი ზედაპირებით,რათა დაიცვათ თქვენი შინაური ცხოველების კლანჭებისგან.

• მარტივი წმენდა: აირჩიეთ ავეჯი მარტივად გასაწმენდი ზედაპირებითა და ქსოვილით, რომელიც ნაკლებად შეიწოვს სითხეს, შეარჩიეთ მეტად მდგრადი და ნაკლებად ცვეთადი ქსოვილი.

• კომფორტი: ცხოველებს კომფორტული ადგილი სჭირდება დასასვენებლად, ამიტომ მოძებნეთ ავეჯი, რომლის დიზაინიც  გთავაზობთ ბევრ ბალიშს.

• უსაფრთხოება: გაითვალისწინეთ თქვენი ოთხფეხა მეგობრის უსაფრთხოება,შეარჩიეთ ავეჯი მტკიცე კონსტრუქციით და მკვეთრი კიდეების გარეშე.

მასალის ტიპები, რომლებიც უძლებენ ცვეთას

Nuvella

Nuvella არის პოპულარული ქსოვილი შინაური ცხოველებისთვის შესაფერისი ავეჯისთვის, მისი გამძლეობის გამო ლაქებისა და ცვეთის მიმართ. იგი დამზადებულია ხსნარით შეღებილი სინთეზური ბოჭკოებისგან, რაც ნიშნავს, რომ ბოჭკოებს წარმოების პროცესში ემატება ფერი, ამიტომ ის გამძლეა ულტრაიისფერი სხივების მიმართ. ეს ქსოვილი ასევე ადვილად იწმინდება,ლაქები კი შეიძლება მოიშოროთ ნესტიანი ტილოთი. Nuvella-ს კიდევ ერთი უპირატესობა მისი სუნთქვაა. ზოგიერთი სხვა სინთეზური ქსოვილისგან განსხვავებით, იგი საშუალებას აძლევს ჰაერს იმოძრაოს მის ბოჭკოებში, რაც ხელს უშლის ტენიანობის დაგროვებას და უსიამოვნო სუნის გახანგრძლივებას.ამ ქსოვილით დამზადებული ავეჯი ხელმისაწვდომია Ashley-ის კოლექციებში.

მიკრო ფიბრა

ამ ქსოვილის ერთ-ერთი მთავარი უპირატესობა ის არის, რომ  მდგრადია ნაკაწრების მიმართ, რაც მას კარგ არჩევანს ხდის შინაური ცხოველებისთვის, რომლებსაც უყვართ დივანზე ან სავარძელზე აძრომა ,რაც იწვევს ნაკაწრების წარმოქმნას. ამ მასალაში ასევე არ გროვდება შინაური ცხოველების თმა და ქერტლი, რის გამოც მიკრო ფიბრა საუკეთესო არჩევანია ალერგიის მქონე ადამიანებისთვის.

ეს ტექსტილი ასევე ადვილად იწმინდება - ლაქების უმეტესობის წაშლა შესაძლებელია ნესტიანი ტილოთი. თუმცა, მნიშვნელოვანია აღინიშნოს, რომ ეს ქსოვილი შეიძლება იყოს მგრძნობიარე გარკვეული ქიმიკატების მიმართ, ამიტომ უმჯობესია გამოიყენოთ შამპუნი ან ტყავის საწმენდი, რომელიც სპეციალურად არის შექმნილი ავეჯისთვის.

მიკრო ფიბრას აქვს ნატურალური ტყავის ვიზუალი და  შეუძლია ნებისმიერ ინტერიერს ფუფუნების ელფერი შესძინოს. მისი სტილისტიკა კი შეიძლება იყოს ტრადიციულიდან თანამედროვემდე.

ავეჯის დიზაინის რჩევები შინაური ცხოველების მფლობელებისთვის:

თუ თქვენ ცდილობთ თქვენი სახლის დიზაინის შექმნას შინაური ცხოველების გათვალისწინებით, არსებობს ავეჯის სტილის რამდენიმე რჩევა :

• აირჩიეთ ავეჯი გასარეცხი საფარით ან მოსახსნელი ბალიშებით მარტივი გაწმენდისა და მოვლისთვის.

• შეარჩიეთ ავეჯი მომრგვალებული კუთხეებით, რათა თავიდან აიცილოთ დაზიანებები როგორც თქვენთვის, ასევე თქვენი შინაური ცხოველისთვის.

• გამოიყენეთ ფარდაგები იატაკის ნაკაწრებისა და სითხისგან დასაცავად.შეარჩიეთ გამძლე მასალები, რომლებიც მდგრადია ლაქებისა და ცვეთის მიმართ.

• იფიქრეთ თქვენს დეკორში ჩართოთ შინაური ცხოველებისთვის შესაფერისი აქსესუარები, როგორიცაა შინაური ცხოველების საწოლები და სათამაშოების სათავსო.

სახლის დაპროექტება ოთხფეხა მეგობრების გათვალისწინებით არ ნიშნავს თქვენი გემოვნების და სტილის მსხვერპლად გაღებას. ავეჯის სტილის რჩევები, როგორიცაა ფარდაგების გამოყენება და შინაური ცხოველებისთვის შესაფერისი აქსესუარების გამოყენება, დაგეხმარებათ დაიცვათ თქვენი სახლი და მაინც წარმოაჩინოთ თქვენი პირადი სტილი. ნუ დაივიწყებთ თქვენს გარე სივრცეებსაც - მდგრადი მასალისგან დამზადებული ეზოს ავეჯს შეუძლია თქვენი გარე ტერიტორიებიც უფრო მეგობრული გახადოს შინაური ცხოველებისთვის. ამ რჩევების გათვალისწინებით, შეგიძლიათ შექმნათ სივრცე, რომელშიც თქვენ და თქვენი ოთხფეხა  მეგობარი თავს ბედნიერად და კომფორტულად იგრძნობთ.