როგორ მოვაწყოთ კედლის დეკორი?

როგორ შევქმნათ კედლის დეკორი?

კედლის დეკორის შექმნა შესანიშნავი გზაა თქვენი სახლისთვის საბოლოო შტრიხების დასამატებლად. კედლის დეკორირების საშუალებით შეგიძლიათ შეცვალოთ ინტერიერი  საყვარელი სურათების, ნახატების,  პრინტების ან ნებისმიერი ნამუშევრის გამოყენებით.

Ashley-ი გთავაზობთ ყველაზე გამორჩეულ დეკორაციებს კედლისთვის, მრავალფეროვანი სტილის და ბიუჯეტის გათვალისწინებით.

დღეს გაგიზიარებთ ჩვენს საყვარელ რჩევებსა და ხრიკებს კედლის დეკორირების საბოლოო შთაგონებისათვის.

როგორ ავირჩიოთ სურათები კედლისთვის?

კედლის დაპროექტება შეიძლება ძალიან რთული ჩანდეს, მაგრამ ეს საკმაოდ მარტივია, როდესაც ამას ნაბიჯ-ნაბიჯ დავგეგმავთ და განვახორციელებთ. პირველი, რაც უნდა გააკეთოთ, შეაგროვეთ თქვენი კედლისთვის ნამუშევრები და ფოტოები. მაგრამ მნიშვნელოვანია ვიცოდეთ,რომ შევარჩიოთ კონკრეტული თემატიკის ფოტოები.ეს ყველაფერი კი მხოლოდ თქვენს ხედვებსა და გემოვნებაზეა დამოკიდებული. რა თქმა უნდა, ჩვენ გვაქვს რამდენიმე რეკომენდაცია, რათა უზრუნველყოთ თქვენი სტილის თვალსაჩინოება.

როდესაც გადაწყვეტთ, თუ რომელი თემის მიხედვით აირჩიოთ ფოტოები კედლის დეკორირებისთვის, აუცილებელია შეინარჩუნოთ ბალანსი შერჩეულ ფოტოებსა თუ პრინტებს შორის. ეს დაგეხმარებათ კედელი გამოიყურებოდეს ჰარმონიულად.

კედლის დიზაინი

კედელის დეკორის შექმნისას ადვილია სხვადასხვა დიზაინის გამოყენება.იქნება ეს ბოჰემური, თანამედროვე, მინიმალისტური, არტ დეკო, ტრადიციული თუ რამდენიმე სტილის კომბინაცია, იფიქრეთ იმაზე, თუ რა ესთეტიკას აპირებთ. თქვენი ესთეტიკის და სტილის ცოდნა დაგეხმარებათ აირჩიოთ საუკეთესო კედლის ნამუშევრები, ფოტოები და პრინტები, რომ შესძინოთ დამატებითი ხასიათი თქვენს სახლს.

მაგალითად, ავიღოთ ბოჰემური ესთეტიკა. თუ თქვენ აპირებთ ბოჰემური სტილის კედელის შექმნას, შეიძლება ორგანული მასალებისკენ გადაიხაროთ, შეურიოთ მრავალი ნიმუში, ტექსტურა და კულტურული ნაწილი. მცენარეების, ყვავილების, პეიზაჟების და აბსტრაქტული ხელოვნების სურათები შეიძლება იყოს მთავარი აქცენტი.შეგიძლიათ აირჩიოთ ხის, ოქროსფერი და თეთრი სურათის ჩარჩოები, რათა თქვენს კედელს შესანიშნავი კონტრასტი მიანიჭოთ.

როგორ განვათავსოთ შერჩეული სურათები კედელზე - ეს მნიშვნელოვანია !

თქვენ უკვე მიიღეთ გადაწყვეტილება შექმნათ თვალწარმტაცი კედლის დეკორი, მაგრამ გახსოვდეთ, რომ ნიმუშების  სწორად განთავსებას გადამწყვეტი მნიშვნელობა აქვს დეკორირებისას. რა თქმა უნდა, არ არსებობს დადგენილი წესი, თუ როგორ უნდა განვათავსოთ კედელზე ფოტოები. მაგრამ ashley გთავაზობთ რამდენიმე პრაქტიკულ რჩევას.

ექსპერიმენტი გადაწყვეტილების მიღებამდე ყოველთვის გონივრულია. შეგიძლიათ დაალაგოთ ნიმუშები იატაკზე და გადაუღოთ ფოტო, რომ ნახოთ როგორ გამოიყურება საუკეთესოდ. ასევე,ჩვენ გირჩევთ, რომ პირველ რიგში დაკიდოთ ყველაზე დიდი ზომის სურათები,რათა მთავარი აქცენტი უფრო მოცულობითი ფოტოებისკენ მივმართოთ. მოათავსეთ ისინი ცენტრში და შემდეგ კედელი შეავსეთ შედარებით პატარა ნამუშევრებით, ეს იქნება იდიალური გადაწყვეტილება სწორი ვიზუალური ეფექტისთვის.

მნიშვნელოვანია გაითვალისწინოთ სურათის  ჩარჩოების ფორმები და ზომები. თუ გსურთ, რომ თქვენი დეკორის ყველა დეტალი იყოს შესამჩნევი, მოერიდეთ მსგავსი ფორმის სურათების ახლოს და გვერდიგვერდ  განთავსებას. ვერტიკალური და ჰორიზონტალური ჩარჩოების დაბალანსება დაგეხმარებათ მარტივად შექმნათ გასაოცარი კედლის დეკორი, რომელიც არ გამოიყურება ძალიან დატვირთულად.

უნდა ემთხვეოდეს თუ არა ჩარჩოს ფორმები ერთმანეთს ?

ჩვენ ყველას გვინახავს კედლის დეკორი გადაწყვეტილი მსგავსი ფორმის და ფერის ჩარჩოებით. მაგრამ უნდა შეესაბამებოდეს თუ არა ისინი ერთმანეთს? ეს დეტალები თქვენზეა დამოკიდებული. გაითვალისწინეთ,კარგია იმის უზრუნველყოფა, რომ ფოტოები ავსებდნენ და აწონასწორებდნენ ერთმანეთს თუ თქვენ გამოყენებული გაქვთ სხვადასხვა ფორმის და ფაქტურის ნიმუშები.

მაგალითად, შეიძლება არ გსურდეთ კონტრასტული კედლის დეკორი. ამ შემთხვევაში შეარჩიეთ ერთი სახის ხის, ლითონისა ან ნეიტრალური ფერის მქონე ჩარჩოები.რომლებიც ვიზუალურად ავსებენ ერთმანეთს.

კონტრასტის შესაქმნელად კი შეგიძლიათ გამოიყენოთ მეტი ფერთა გამა, აბსტრაქტული ხელოვნება და ფოტოები იმავე ეფექტის მისაღწევად. სხვადასხვა ფორმისა და ზომის სურათის ჩარჩოების გამოყენება კიდევ უფრო კონტრასტულს გახდის თქვენს ინტერიერს.

იყავით კრეატიული კედლის დეკორირებისას.

ჩვენი რჩევები და ხრიკები მხოლოდ რამდენიმე მნიშვნელოვანი დეტალია თქვენი შემოქმედებითი მოგზაურობისთვის. ეცადეთ თქვენი ინდივიდუალური სტილი და პიროვნება ყოველთვის შესამჩნევი იყოს ახალი ტენდენციების გამოცდისას.

ახლა, როდესაც თქვენ გაქვთ გარკვეული ინსტრუქცია, თუ როგორ უნდა შექმნათ კედლის დეკორი, შეგვიძლია დავიწყოთ! შეარჩიეთ Ashley- ის კოლექციიდან  დეკორირებისთვის ნივთები,რომლებიც თქვენი სახლის კედლებს გახდის ყველასათვის შესამჩნევს და ხაზს გაუსვამს თქვენს უნიკლურ სტილს და გემოვნებას.