როგორ შევარჩიოთ გასაშლელი დივანი ჩვენი სახლის ინტერიერის შესაბამისად

როგორ შევარჩიოთ გასაშლელი დივანი  ჩვენი სახლის ინტერიერის შესაბამისად და რა უპირატესობები აქვს მას?

1. დივანი მისაღები ოთახის უმთავრესი კომპონენტია, რომელსაც ზოგიერთი ჩვენგანი მინიმალისტურ სტილსა და ფერში ირჩევს, რათა აქცენტი სხვა დეტალებზე გადაიტანოს და ოთახში სივრცე მეტად აღიქმებოდეს. ზოგიერთი ჩვენგანისთვის კი ინტერიერი სწორედ დივნის გარშემო ეწყობა და  სხვა დეტალებს მის მკვეთრ ფერსა და გამორჩეულ სტილს ვუთავსებთ.

როგორი დიზაინიც არ უნდა შეესაბამებოდეს ჩვენს გემოვნებას, დივანი უფრო მნიშვნელოვანი ნივთი ხდება სახლში, როდესაც იშლება და შეგვიძლია, დამატებითი ფუნქციაც შევძინოთ.

რატომ გასაშლელი დივანი?

დამატებითი საწოლი სახლში

არსებობს სხვადასხვა სახის გასაშლელი დივანი, ზოგი სათავსოთი, ზოგი კი საწოლის ფუნქციით. თუ დივანს საწოლის ფუნქციით შევიძენთ, საშუალება გვაქვს, სტუმრის დარჩენის ან ახალი ოჯახის წევრის შემატების შემთხვევაში არ ვინერვიულოთ, რადგან პრობლემა უკვე წინასწარ გვექნება გადაწყვეტილი.

იდეალური ავეჯი მულტიფუნქციური ოთახისთვის

დღეს დიდი პოპულარობით სარგებლობს მულტიფუნქციური ბინები, სადაც მხოლოდ ერთი ოთახია, თუმცა ყველა საჭირო კუთხეა მოწყობილი. ოთახში წარმოდგენილია როგორც სამზარეულო, ისე მისაღები ოთახისთვის და საძინებლისთვის დამახასიათებელი ყველა საჭირო ატრიბუტი. გასაშლელი კუთხის დივანი სივრცის დაზოგვის მხრივ მნიშვნელოვან როლს თამაშობს, რადგან ის საწოლის ფუნქციასაც ითავსებს.

სივრცის დაზოგვის შესაძლებლობა

თუ სტიდიო ტიპის ბინაში ვცხოვრობთ გასაშლელი დივნები,  იდეალურია მცირე სივრცისთვის. ამ შემთხვევაში მნიშვნელოვანია, ხარისხიანი მასალებისგან დამზადებული ავეჯი შევარჩიოთ.

ჩვენი სახლისთვისა და გემოვნებისთვის შესაბამისი და თანაც გასაშლელი დივნის ძიების პროცესი შეიძლება დამღლელი იყოს, სწრაფად და არასწორად გაკეთებულმა არჩევანმა კი შეიძლება ოთახი ზედმეტად გადატვირთოს.

იმისათვის, რომ დროის რესურსი დავზოგოთ და შეცდომა თავიდან ავიცილოთ, თავდაპირველად უნდა განვსაზღვროთ, რა ტიპის დივანი გვსურს: ტრადიციული თუ სექციებად დაყოფილი. არჩევანი კი ჩვენი მისაღები ოთახის ზომის მიხედვით უნდა გავაკეთოთ. 

როგორც წესი, ტრადიციულ დივანზე სამი ადამიანი კომფორტულად ეტევა, შესაბამისად, პატარა ოჯახებისთვის იდეალურია და სახლშიც სიმყუდროვეს ქმნის. 

თუ გვსურს, სახლი უფრო მინიმალისტურად გამოიყურებოდეს და ძირითად გარდამავალ ფერებად თეთრი და კრემისფერი გვაქვს შერჩეული, შეგვიძლია, დივანი მაგალითად ასევე პასტელურ,თუმცა აქცენტურ ფერში შევარჩიოთ და მეტი მრავალფეროვნება შევძინოთ ინტერიერს. იმ შემთხვევაში, თუ კედლები და ინტერიერის სხვა დეტალები უკვე ფერადია, რაც სავარაუდოდ, სივრცეს ამცირებს, უმჯობესია, დივანს ვიზუალის თვალსაზრისით ნაკლები დატვირთვა შევძინოთ.

რბილი ავეჯის შემთხვევაში დიდი მნიშვნელობა აქვს ხარისხიან მასალებს, რაც Ashley Homestore-ის შემთხვევაში დახვეწილ დიზაინთან ერთად, ერთ-ერთ უპირატესობას წარმოადგენს. Ashley Homestore-ს რბილი ავეჯი გამოირჩვევა მაღალი ხარისხის ღრუბელით,რომელიც დაფარულია დამატებითი კომფორტის ფენით და  გარდა ამისა რბილ ავეჯში გამოყენებული ქსოვილები ჰიპოალერგიულია და მარტივად იწმინდება. 

Ashley Homestore-ის გასაშლელი დივნების სანახავად მიჰყევით ბმულს.