არის თუ არა ორადგილიანი დივანი თქვენი მისაღებისთვის სწორი არჩევანი

მისაღები ოთახის მოწყობა საპასუხისმგებლო საქმეა. ეს არის ოთახი, სადაც დღის უმეტეს ნაწილს ვატარებთ. უმეტეს შემთხვევაში, აქ ვიღებთ სტუმრებს და ვუმასპინძლდებით. ამიტომ, მნიშვნელოვანია, რომ ინტერიერი ვიზუალურად შთამბეჭდავი და ამავდროულად, კომფორტული დეტალებით იყოს აღჭურვილი. ამ მხრივ, ერთ-ერთი გასათვალისწინებელი ფაქტორია დივანი. ეშლი ჰოუმსთორი დივნების მრავალფეროვან არჩევანს გთავაზობთ. გვაქვს სავარძლებიც და სექციური რბილი ავეჯიც, მათ შორის - ორადგილიანი დივნები. 

 

როდის არის ორადგილიანი დივანი სწორი არჩევანი? თუ მისაღები ოთახის ავეჯის შეძენას აპირებთ და ეს კითხვა გაგიჩნდათ, ჩვენი დღევანდელი ბლოგი აუცილებლად დაგაინტერესებთ. 

პროპორციები და სხვა ძირითადი მახასიათებლები

პირველი, რასაც ყურადღება უნდა მიაქციოთ, ოთახის ზომაა. თუკი სივრცეში შეზღუდული ხართ, ორადგილიანი დივანი შესანიშნავი არჩევანია, რადგან დიდ ადგილს არ დაიკავებს. ოთახში თავისუფლად მოძრაობას შეძლებთ და სივიწროვისგან გამოწვეულ უხერხულობას აირიდებთ თავიდან. ეს საუკეთესო გადაწყვეტილებაა პატარა ოჯახებისთვის ან მათთვის, ვინც დამოუკიდებლად ცხოვრებას ამჯობინებს. 

 

იმ შემთხვევაში, თუ დიდი მისაღები ოთახი გაქვთ, ორადგილიანი დივანი, როგორც ავეჯის კომპლექტის ნაწილი შეგიძლიათ შეიძინოთ. ასე ოთახში საკმარისი რაოდენობის კომფორტული მოსასვენებელი ადგილები გექნებათ და ვიზუალური თვალსაზრისითაც, ცარიელი სივრცე უშნოდ არ დაგრჩებათ. 

რა უპირატესობები აქვს ორადგილიან დივანს

ორადგილიანი დივნის მთავარი უპირატესობა კომპაქტურობაა. როგორც უკვე აღვნიშნეთ, ის დიდ ადგილს არ წაგართმევთ. გარდა ამისა, კომფორტულია, და ოთახში სიმყუდროვე შემოაქვს. შეგიძლიათ, ტელევიზორის წინ წამოწვეთ და მშვიდად უყუროთ თქვენს საყვარელ ფილმს ან სერიალს. თუ სახლს საყვარელ ადამიანთან იზიარებთ, ორადგილიან დივანზე მოკალათებულები, ერთმანეთის გვერდიგვერდ დატკბებით კინოჩვენებით. 

როდის არ გამოგადგებათ ორადგილიანი დივანი

ორადგილიანი დივანი შესაძლოა არ გამოგადგეთ მაშინ, როცა ოთახში გაშლილი სივრცეა, თუმცა დამატებით სავარძლებისთვის ან კიდევ ერთი დიდი დივნისთვის ადგილი არ გრჩებათ. ასეთ დროს მოსალოდნელია, რომ ავეჯი სივრცეში ჩაიკარგოს. ამიტომ, უმჯობესია სექციური რბილი ავეჯი იყიდოთ რამდენიმე ადგილით. ამ შემთხვევაში ოპტიმალურია კუთხის დივანი. კარგად დაფიქრდით, რამდენად გაწყობთ კომპაქტური ავეჯი და გადაწყვეტილება ისე მიიღეთ.

როგორ შევუხამოთ დივანი ინტერიერს

იმისთვის, რომ ოთახში მყუდრო და ჰარმონიული გარემო შეიქმნას, მნიშვნელოვანია, ავეჯი ინტერიერს შეესაბამებოდეს. ამიტომ, ყურადღება მიაქციეთ დივნის მასალას, ქსოვილსა და დიზაინს. დარწმუნდით, რომ თქვენს მისაღებს მოუხდება. გაითვალისწინეთ პროპორციები. რამდენად ჯდება დივნის ზომა თქვენი ოთახის პარამეტრებში? გრჩებათ, თუ არა ადგილი ჟურნალების მაგიდისთვის ან სხვა საჭირო ავეჯის ნაწილებისთვის? 

როგორ ავარჩიოთ დივანი

თუკი ამ ყველა ფაქტორის გათვალისწინებით, გადაწყვიტეთ, რომ ორადგილიანი დივანი თქვენთვის სწორი არჩევანია, მაშინ გადახედეთ ჩვენს კატალოგს, დაათვალიერეთ მოდელები და აარჩიეთ თქვენთვის სასურველი ვარიანტი. არჩევისას ყურადღება მიაქციეთ სტილსა და მასალას. თუ რომელიმე კონკრეტული ბრენდის ნაწარმს ეძებთ, ესეც შეგიძლიათ დაიხმაროთ პროდუქციის გაფილტვრაში. ჩვენი კოლექციები განახლებადია და გვაქვს როგორც ულტრა თანამედროვე მოდელები, ასევე კლასიკური სტილის დივნები. ასე რომ, ნებისმიერი გემოვნების ადამიანი იპოვის შესაფერის პროდუქტს. 

შეჯამება

როგორც ხედავთ, ორადგილიანი დივანი არაერთ შემთხვევაში შეიძლება იყოს ოპტიმალური არჩევანი. ყველაფერი მისაღები ოთახის წყობასა და ზომაზეა დამოკიდებული. ამასთან, გასათვალისწინებელია თქვენი პირადი საჭიროებებიც. ოთახი არც ძალიან გადატვირთული უნდა იყოს და არც სიცარიელის განცდას ტოვებდეს. იმედია, ჩვენი რჩევები გადაწყვეტილების მიღებაში დაგეხმარებათ. სასურველ მოდელს კი ეშლი ჰოუმსთორის კოლექციაში აარჩევთ.