English
პუფი,როგორც მნიშვნელოვანი დეტალი ინტერიერში
პუფი, განსაკუთრებული დეტალი ინტერიერში.
ეს მრავალფუნქციური ავეჯის ნაწილი კომფორტულია მისაღები ოთახის დეკორაციისთვის, იდეალურია როგორც დამატებითი დასაჯდომი ადგილი, ასევე როგორც სათავსო, ის მნიშვნელოვანი დეტალია ინტერიერის სტილის ხაზგასმისთვის. ჩვენს კოლექციებში პუფი წარმოდგენილია პატარა და წრიული ფორმებიდან დიდ და მართკუთხა ფორმებამდე. თქვენ შეგიძლიათ აქცენტი გააკეთოთ თანამედროვე პასტელურ ტონებზე ან ფერადი და მრავალფეროვანი პრინტებით შეიტანოთ განსაკუთრებული შტრიხები ინტერიერში. ეს მთლიანად თქვენზეა დამოკიდებული!
ისტორია
ამ ტიპის პუფი პირველად ევროპაში მე-18 საუკუნის ბოლოს შემოვიდა, კონკრეტულად ოსმალეთის იმპერიიდან. ეს იყო დასაჯდომი ადგილი, სადაც იატაკზე დაწყობილი ქონდათ ბევრი პლუშის ბალიში, რომელიც ხშირად მთელ კედელს მოიცავდა! დროთა განმავლობაში, ფორმა განვითარდა და შეიქმნა ბევრად უფრო მცირე ვერსია, რათა ის მოთავსებულიყო სახლის ნებისმიერ სივრცეში. მალე ის გახდა ბოჰემური საზოგადოებების და კერძო წვეულებების შეუცვლელი ელემენტი. მას შემდეგ პუფი პოპულარულია მთელ მსოფლიოში, როგორც უნივერსალური ავეჯი.
მნიშვნელოვანი დეტალები
მზად ხართ საყიდლებზე წასასვლელად? პუფის არჩევისას ზომას გადამწყვეტი მნიშვნელობა აქვს - განსაკუთრებით სიმაღლეს. ყოველთვის დარწმუნდით, რომ პუფი არის თქვენი დივნის, სავარძლის ან სკამის სიმაღლე. ნებისმიერი ავეჯის დეტალი თუ დივანზე მაღალია,შეიძლება გამოიწვიოს ფეხის არასასიამოვნო პოზიციონირება.რაც იწვევს დისკომფორტს.
სტანდარტული პუფი
რაც შეეხება მისაღები ოთახის ტრადიციულ იერს, სტანდარტული პუფი ბევრს უყვარს. მას შეიძლება არ ჰქონდეს დამატებითი ფუნქციები, როგორიცაა სათავსო, მაგრამ ის ფუნქციურად გამოიყენება როგორც სკამი ან აქცენტ სავარძელი. თუ სივრცის დაზოგვას ცდილობთ, სტანდარტული პუფი შესანიშნავი გამოსავალია დასაჯდომად, - ბორბლებით ან მსუბუქი მატერიალით დამზადებული პუფი კი ყველაზე მარტივი გადასატანი იქნება ერთი ადგილიდან მეორე ადგილზე.
რჩევა: კვადრატული პუფები შესანიშნავად უხდება თითქმის ყველა ტიპის დივანს, მაგრამ თუ თქვენ ცდილობთ მეტი ვიზუალური ინტერესი შემატოთ თქვენს სახლს, სცადეთ აირჩიოთ მომრგვალებული ფორმა. მრგვალი ფორმა მატებს კონტრასტს სუფთა, სწორი ხაზებითა და სწორი კუთხით შექმნილ სივრცეს. გარდა ამისა, მომრგვალებულ ფორმას სახასიათებს ვიზულაური კომფორტის შეგრძნება, რომელიც კარგად მუშაობს პატარა სივრცეებში!
კოქტეილის პუფი
უფრო მკვრივი ზედაპირი პირველია, რასაც შეამჩნევთ კოქტეილის პუფის შემთხვევაში, რომელიც ტრადიციული ყავის მაგიდის შესანიშნავი ალტერნატივაა. ბრტყელი ზედაპირი კარგია სხვადასხვა ნივთების დასალაგებლად.უბრალოდ შეაერთეთ პუფი დეკორატიულ უჯრასთან, ბენჩთან ან სკამთან,რომ მოათავსოთ აუცილებელი ნივთები. ასე თქვენ შექმნით მისაღები ოთახისთვის კომფორტულ და ლამაზ მოწყობილობებს.
პუფი სათავსოთი
თუ სივრცეში დაამატებთ პუფს სათავსოთი, თქვენ მიიღებთ ბენჩს ფეხის საყრდენად, დამატებით სავარძელს, ყავის მაგიდას და უბრალოდ დამატებით სათავსო ადგილს. ეს ყველაფერი ერთი პუფის დამსახურებით. საბნებიდან დაწყებული დისტანციური მართვის პულტით დამთავრებული, თქვენ შეგიძლიათ შენახოთ მისაღები ოთახის ნივთები,რომლებიც ძირითადად სივრცეშია გაბნეული.ასე კი შეძლებთ ყველაფერი ერთ ადგილას მოათავსოთ და მხოლოდ საჭიროების შემთხვევაში გამოიყენოთ ხოლმე.
რჩევა: ეს მრავალფუნქციური ავეჯი აუცილებლად უნდა გქონდეთ, განსაკუთრებით იმ შემთხვევაში, თუ შედარებით მცირე სივრცეში ცხოვრობთ. მოძებნეთ პატარა ზომის პუფი სათავსოთი. ეს საუკეთესო გადაწყვეტილებაა სივრცის მაქსიმალურად გამოყენებისთვის,ისე რომ ინტერიერის სტილი არ დავაზიანოთ და პირიქით, პუფის მეშვეობით დამატებითი შტრიხები და ხასიათი შევმატოთ მას.
არ აქვს მნიშვნელობა თუ როგორ სტილში გაქვთ გადაწყვეტილი მისაღები ოთახის ინტერიერი. ეშლიში არსებობს პუფის კოლექციები, სადაც აუცილებლად მოიძებნება პუფი რომელიც შეესაბამება თქვენს განწყობას და სტილს! კოლექციებში შეხვდებით სხვადასხვა სტილის, პრინტის,მასალასა და ფერის პუფებს.დაათვალიერეთ ეშლის კოლექციები,რომ იპოვოთ იდეალური.
