როგორ შევუსაბამოთ ტელევიზორის მაგიდა მისაღები ოთახის ინტერიერს

 

ტელევიზორის მაგიდა ოთახის ინტერიერის მნიშვნელოვანი ელემენტია. თუ ახალი ტელევიზორის ყიდვას აპირებთ, ახალ სახლში გადადიხართ, ან თუნდაც გადაწყვეტილი გაქვთ მისაღები ოთახის განახლება, ტელევიზორის მაგიდა საგულდაგულოდ უნდა შეარჩიოთ. Ashley HomeStore ტელევიზორის მაგიდების ფართო არჩევანს გთავაზობთ. აქ შეხვდებით უმაღლესი ხარისხის, ნებისმიერი ზომის, მასალისა თუ ფერის მოდელს. ამ ბლოგში განვიხილავთ, როგორ შევუსაბამოთ ტელევიზორის მაგიდა მისაღები ოთახის ინტერიერს.

 

სივრცის ანალიზი 

ტელევიზორის მაგიდის შერჩევამდე ოთახში სივრცე აკურატულად უნდა გადაზომოთ. ძირითადად, ტელევიზორს კედელთან, შედარებით გაშლილ ადგილას დგამენ. გაზომეთ ოთახის ფართობი და ყურადღება მიაქციეთ ავეჯის განლაგებას, სადაც ტელევიზორი უნდა განთავსდეს. ამასთან, აუცილებლად უნდა გაითვალისწინოთ, რომ მაგიდის ზომა უნდა შეესაბამებოდეს ტელევიზორის პროპორციებს - არც ისეთი პატარა, რომ ეკრანი გადმოიწიოს, და არც ისეთი დიდი, რომ სივრცე გადატვირთოს. 

 

გარდა ამისა, გაითვალისწინეთ ოთახის სიმაღლე: დაბალჭერიან სივრცეში კომპაქტური, დაბალი მოდელი უკეთ მუშაობს, ხოლო მაღალი ჭერის პირობებში დიდი ეკრანი უკეთესია. იდეალურია, როცა ეკრანის ცენტრი თვალის დონეზე მოდის, ამიტომ ტელევიზორის მაგიდასთან მიმართებით,  ტახტის ან დივნის სიმაღლის შეფარდებაც უნდა გაითვალისწინოთ.

 

გაითვალისწინეთ, რომ თუ ტელევიზორის მაგიდის გამოყენებას სათავსოდაც აპირებთ, შედარებით დიდი ზომა უნდა შეარჩიოთ. თუმცა, გირჩევთ, მარტივი დიზაინზე შეაჩეროთ არჩევანი, რათა სივრცე არ დაირღვეს. თუ მაგიდა მხოლოდ ტელევიზორის დასადებად გნებავთ, შეარჩიეთ თხელი და მსუბუქი მოდელი.

 

ინტერიერის დიზაინთან შესაბამისობა

ტელევიზორის მაგიდის შერჩევისას აუცილებლად უნდა გაითვალისწინოთ მისაღები ოთახის ინტერიერი. თუ თქვენი მისაღები მინიმალისტურია, იდეალური არჩევანი იქნება სადა დიზაინი, ნეიტრალური ფერებით. თუ გინდათ, რომ ტელევიზორის მაგიდა ინტერიერის გამოკვეთილი ელემენტი იყოს, ინტერიერში უკვე გამოყენებული მასალისგან ან ფერისგან (ხე, ქვა, მეტალი) განსხვავებული მოდელი შეარჩიეთ. 

 

ფუნქციურობა

ტელევიზორის მაგიდა მხოლოდ სადგამი არაა, ხშირად სათავსოდაც გამოიყენება. იდეალურია ისეთი ნივთების “დასამალად,” რომლებსაც მისაღებ ოთახში არეულობა შემოაქვთ. თუ თქვენი მისაღები ოთახი მცირე ზომისაა, დამატებითი, “დამალული” სათავსო ზედმეტი არასდროსაა. უჯრიანი, თაროებიანი ტელევიზორის მაგიდები სივრცის სურვილისამებრ ათვისების საშუალებას გაძლევთ. 

 

ტელევიზორის მაგიდის გაფორმება

ტელევიზორის მაგიდის ზედაპირზე განთავსებული დეკორატიული ელემენტები ინტერიერის მთლიან იერსახეს ქმნის. მაგალითად, საკოლექციო ფიგურები, ლარნაკი, სანთლები ან მცენარეები მაგიდას სითბოსა და სიმყუდროვეს შესძენს. მთავარია, რომ ეს ელემენტები ოთახის სტილს შეესაბამებოდეს და სივრცე არ გადატვირთოს. 

 

შეჯამება

ტელევიზორის მაგიდის შერჩევა და მისი ინტერიერთან შესაბამისობაში მოყვანა დიდ ყურადღებას მოითხოვს. მისაღები ოთახის ზომების, სტილის, ფუნქციურობისა და დეკორატიული დეტალების გათვალისწინებით, შეგიძლიათ სივრცის ისე მოწყობა, რომ კომფორტულიც იყოს და ესთეტიკურიც. სწორად შერჩეული ტელევიზორის მაგიდა ინტერიერს დასრულებულ იერს ანიჭებს და თქვენს სახლს უფრო მყუდროს ხდის. სწორედ ასეთი გარემოს შექმნაში დაგეხმარებათ Ashley HomeStore, რომელიც ტელევიზორის მაგიდების ფართო არჩევანს გთავაზობთ. ჩვენთან ნებისმიერი მასალის, ფერისა და სტილის მაგიდას შეიძენთ.