Ashleyhomestore-ის 5 ყველაზე მოთხოვნადი მაგიდა მისაღები ოთახისთვის

ტოპ 5 ყველაზე ტრენდული მაგიდა მისაღები ოთახისთვის

თუ მისაღები ოთახისთვის რბილი ავეჯი უკვე აარჩიეთ, მაშინ დროა მაგიდაც შეარჩიოთ. სასადილო მაგიდისგან განსხვავებით, მისაღები ოთახის მაგიდის შერჩევისას შეგიძლიათ ნაკლები ყურადღება დაუთმოთ პრაქტიკულობას და მეტი აქცენტი ვიზუალზე გააკეთოთ. 

მისაღები ოთახის ე.წ. ჟურნალების მაგიდა შედარებით პატარა ზომისაა და მისი ძირითადი ფუნქცია დესერტისა თუ ყავის, ასევე სხვადასხვა ყოველდღიური გამოყენების წვრილმანი ნივთების დადებაა. მიუხედავად იმისა, რომ მას დიდი ფუნქციური დატვირთვა არ აქვს, ოთახის საერთო დიზაინში საკმაოდ დიდ როლს ასრულებს. ამიტომ მნიშვნელოვანია, რომ შერჩევის დროს გაითვალისწინოთ როგორც ავეჯის ტრენდები, ისე თავად ავეჯის პრაქტიკულობა.

გაგაცნობთ მისაღები ოთახისთვის ყველაზე ტრენდული მაგიდების ხუთეულს:

მრგვალი მაგიდა

მრგვალი მაგიდა ინტერიერს უფრო დახვეწილსა და კლასიკურს ხდის. მრგვალი ფორმები იდეალურად უხდება სხვადასხვა ტიპის რბილ ავეჯს. თუ შედარებით დიდი ზომის მაგიდა გსურთ, მაშინ შეგიძლიათ ოვალური ფორმა შეარჩიოთ. მრგვალი ფორმა განსაკუთრებით პრაქტიკულია ოჯახებისთვის, რომელთაც პატარა ბავშვი ჰყავთ.

მაგიდა მექანიზმით

ბოლო წლებში განსაკუთრებით ტრენდულია მისაღები ოთახის მაგიდები მექანიზმით. ამ ტიპის ავეჯი მექანიზმის საშუალებით იცვლის ფორმას, მაღლდება ან/და დიდდება. შესაბამისად მას საჭიროების შემთხვევაში კარგად გამოიყენებთ სასადილო მაგიდადაც. მექანიზმიანი მაგიდები ძალიან პრაქტიკულია იმ შემთხვევაშიც, თუ სახლიდან კომპიუტერით მუშაობა ხანგრძლივად გიწევთ.მექანიზმიანი მაგიდა  თავისუფლად შეგიძლიათ გამოიყენოთ სამუშაო მაგიდად.

მაგიდა პუფით

ავეჯის ტრენდებიდან ძალიან აქტუალურია ჟურნალების მაგიდა პუფით. ამ ტიპის მაგიდებს ხის კონსტრუქცია და რბილი ზედაპირი აქვს, რომელიც უმეტეს შემთხვევაში მთავარ კონსტრუქციას სურვილისამებრ ეხსნება. მაგიდა პუფით ძალიან ელეგანტური და მოდურია. თუმცა ეს ის შემთხვევაა, როდესაც ტრენდები მეტ-ნაკლებად არაპრაქტიკულია. მიუხედავად ამისა იმდენად ლამაზია, რომ მას ბევრი ადამიანი ანიჭებს უპირატესობას.

მაგიდა კომოდით

მაგიდა კომოდით მისაღები ოთახის ავეჯის უახლესი ტრენდია. პატარა ზომის, დაბალი მაგიდა უჯრებით, რომელსაც არ აქვს თავისუფალი სივრცე ძალიან უხდება რბილ ავეჯს და ოთახს განსხვავებულ, უფრო დახვეწილ ელფერს უქმნის. ის ლამაზთან ერთად ძალიან პრაქტიკულიცაა, რადგან უჯრებში უამრავი წვრილმანი ნივთის შენახვას შეძლებთ.

მინი მაგიდების კომპლექტი

მინი მაგიდების კომპლექტი ბოლო წლებში ძალიან აქტუალურია და ის არც 2023 წლის ავეჯის ტრენდებში კარგავს პოზიციას. კომპლექტებიდან ყველაზე ხშირად სხვადასხვა ზომის, სიმაღლის ან ფორმის 3 მაგიდის კომბინაციას შეხვდებით. ის ძალიან პრაქტიკულია, რადგან საჭიროებისამებრ მაგიდების სხვადასხვა ადგილზე დადებაც შესაძლებელია. მსგავსი კომპლექტი განსაკუთრებით უხდება თანამედროვე სტილის რბილ ავეჯს.