იდეები სახლის მოწყობისთვის : გაზაფხულის განწყობები

                     იდეები სახლის მოწყობისთვის : გაზაფხულის განწყობები

თქვენ უკვე შეგიძლიათ დაემშვიდობოთ ზამთრის სიცივეს და შეხვდეთ გაზაფხულის სითბოს საგაზაფხულო დეკორში ნაზი პასტელის ფერებისა და ლამაზი აქსესუარების დამატებით. აირჩიეთ ერთი ან ორი საგაზაფხულო თემატური დეკორი, ან შეგიძლიათ შეარჩიოთ გაზაფხულის დეკორაციის რამდენიმე იდეა სახლის გაფორმების უფრო დრამატული ეფექტის მისაღწევად. წაიკითხეთ სახლის მოწყობის გაზაფხულის იდეები, რომლებიც ამ სეზონზე საცხოვრებელ სივრცეს აქცევს უფრო მეტად მსუბუქს და ჰაეროვანს.

საგაზაფხულო დეკორი

ნეიტრალური ფერები ქმნიან მსუბუქ და მშვენიერ ტონალობას ინტერიერში. განასხვავებენ პასტელის და ნათელ ყვავილოვან აქცენტებს. თოკი, ხე და თეთრი ტექსტილი ნეიტრალურია, ამ დეტალების გამოყენება  ბუნების შთაგონებით აგავსებთ. გარდა ამისა, ეს ნატურალური საშუალებები ქმნის განსაცვიფრებელ ფონს თუ ისინი ინტერიერში პასტელურ ფერებს ერწყმება. თეთრი აბაჟურის დამატება თქვენს საყვარელ მაგიდის სანათს ან ტორშერს გადააქცევს მყუდრო და ნათელ ელემენტად ოთახში.გსურთ კიდევ ერთი ნეიტრალური იდეა? ნატურალური ფერის ლარნაკები დაწყვილებული ბუნებრივი ფერის ცხოველთა სკულპტურებთან ვიზუალურ მიმზიდველობას მატებს სასადილო მაგიდას ან წიგნის თაროებს.

მაგიდის დეკორი, რომელიც შეესაბამება ახალ სეზონს

სასადილო მაგიდა, ჟურნალის მაგიდა და გვერდითი პატარა მაგიდები შესანიშნავი ნივთებია გაზაფხულის თემატური ელემენტების დასამატებლად თქვენს დეკორაციაში. შეგიძლიათ მცენარეები მოათავსოთ სასადილო ან ჟურნალის მაგიდაზე, რათა შემატოთ ბუნებრივი ფერები ნებისმიერ ოთახს. აირჩიეთ მცენარის სხვადასხვა სახეობა ან შეარჩიეთ თქვენთვის საყვარელი ყვავილები. გარდა ამისა, საგაზაფხულო სუფრის დეკორაციას შეგიძლიათ დაამატოთ ყვავილოვანი ტოტები, ხავსით მორთული ნაჭრები და  ყვავილებით სავსე ლარნაკები, რათა მიაღწიოთ ბუნებრივი სილამაზისა და ელეგანტურობის სრულყოფილ შერწყმას.

საგაზაფხულო ფარნები,სასანთლეები,სანათები და ტორშერები

ბუნებრივი ნათება, სანთლის ციმციმი, ხის  ჩარჩოში ჩასმული სარკის სილამაზე: ეს ყველაფერი შეგიძლიათ შეიტანოთ თქვენს საგაზაფხულო დეკორში. მეტალის მასალით დამზადებული საგაზაფხულო ფარნები და შანდლები აძლიერებენ სანთლის ეფექტს ან ფარნის შუქს.მოძებნეთ შანდლები, რომლებიც გთავაზობთ უნიკალურ შტრიხებს ბუხრის საგაზაფხულო დეკორაციაში. გსურთ გახადოთ თქვენი ოთახი უფრო დიდი ან უფრო ნათელი? შეარჩიეთ სარკისებური მასალისგან დამზადებული სასანთლეები ან ფარნები, რომლებიც ირეკლავს სინათლეს და სივრცეს უფრო ნათელს და დიდს ხდის.

საგაზაფხულო ბალიშები,პლედები და ნაჭრის აქსესუარები

გააძლიერეთ დასაჯდომი ადგილი საგაზაფხულო ბალიშებით, რომლებიც გადაწყვეტილია ბუნებრივი ფერებითა და დელიკატური პასტელური ტონებით. ეს დეტალები დეკორს სითბოს და კომფორტულობას ანიჭებს, ამავდროულად მატებს ტექსტურას და ვიზუალურ მიმზიდველობას. ბალიშების არჩევისას შეგიძლიათ აირჩიოთ სასურველი ფერი, ფორმა ან ზომა. მაგალითად, შეგიძლიათ აირჩიოთ პატარა ბალიშები წელის საყრდენად ან უფრო დიდი ბალიშები, რომლებიც კომფორტულია ტელევიზორის საყურებლად. პლედების შერჩევა ასევე შესაძლებელია ფერებისა და ზომების კოორდინირებული გადაწყვეტით. კონკრეტულად, თქვენ შეგიძლიათ აირჩიოთ უფრო პატარა ზომის პლედი ბავშვებისთვის ან უფრო დიდი, რომელსაც ზრდასრული ადამიანი გამოიყენებს ტელევიზორის ყურებისას.

პასტელური ფერები ოთახის დეკორისთვის

პასტელური ტონები და ყვავილები გაზაფხულის კლასიკური თემაა, ხანგრძლივი ზამთრის შემდეგ, პასტელური ტონები სიმბოლოა თბილი, მზიანი დღეების მოახლოვების. თქვენ შეგიძლიათ დაამატოთ პასტელი თქვენს დეკორაციაში, სადაც გსურთ, მიუხედავად იმისა, გინდათ საგაზაფხულო განახლებების დაწყება გარე სივრცეში თუ სახლის შესასვლელში.

საგაზაფხულო გარე დეკორი ეზოს უფრო მიმზიდველს ხდის

გადააქციეთ თქვენი გარე სივრცე ულამაზეს ოაზისად თვალწარმტაცი გაზაფხულის გარე დეკორით. ამ დეტალებს შეუძლიათ ვიზუალური ინტერესი შესძინონ ეზოს. აირჩიეთ თქვენთვის სასურველი თემა, როგორიცაა ბაღის ჯუჯები, ბაყაყები ან ცხოველის სხვადასხვა ფიგურები. ანალოგიურად, შეგიძლიათ აირჩიოთ გარე დეკორაციის ელემენტები, რომლებიც აერთიანებს ვიზუალურ მიმზიდველობას ფუნქციონალურობასთან. გამოიყენეთ გარე განათება თქვენი ეზოს ბნელი კუთხის გასანათებლად, ან სცადეთ გარე მაგიდა, რომელსაც აქვს ფარული ადგილი პატარა ნივთების შესანახად.

კედლის დეკორი გაზაფხულის სეზონისთვის

საგაზაფხულო კედლის დეკორაციის არჩევისას ნამდვილად შეგიძლიათ განავითაროთ თქვენი შემოქმედებითი მხარე. პასტელები, დამაინტრიგებელი ტექსტურები და თემების ფართო არჩევანი, დაგეხმარებათ საუკეთესო ვიზუალის მიღწევაში. აირჩიეთ ერთი სურათი, რომელიც გამოირჩევა ნათელი ფერებითა და თემატიკით, ან შეარჩიეთ ჩარჩოში ჩასმული კედლის ნამუშევარი, რათა შექმნათ კოორდინირებული იერი, რომელიც მოიცავს უფრო დიდ ფართობს. არ დაგავიწყდეთ სარკეები და მცენარეები, რომლებიც გაფორმებიულია ფოთლებითა და ყვავილებით, რაც გაზაფხულის მაცოცხლებელ ელფერს მატებს თქვენს დეკორაციას.

გაზაფხული საუკეთესო დროა თქვენი სახლის დეკორაციის გასაახლებლად.სახლის გაზაფხულისთვის გაფორმება შეიძლება დაიწყოს გარე ზონით - შექმენით სასიამოვნო შემოსასვლელი სივრცე სახლში. საგაზაფხულო თემა შეიძლება გაგრძელდეს მთელს სახლში, გაავრცელოს პოზიტიური ენერგია და ბედნიერების შეგრძნება ინტერიერში პასტელური ტონებითა და ყვავილების დიზაინით. დაათვალიერეთ  ASHLEYHOME საგაზაფხულო კოლექციები, რომ იპოვოთ დეკორი, რომელიც,შესანიშნავად გამოხატავს ენერგიას, რომლის ჩვენებაც გსურთ ამ სეზონზე თქვენს სახლში.