როგორ გავიგოთ რომ მატრასის შეცვლის დროა?

როგორ გავიგოთ რომ მატრასის შეცვლის დროა?

იცოდით, რომ ცხოვრების დაახლოებით მესამედს ადამიანები ძილში ატარებენ? დაგვეთანხმებით,რომ ჯანსაღი ძილი ძალაინ მნიშვნელოვანია ჩვენი ფიზიკური თუ გონებრივი ჯანმრთელობისთვის. ასე რომ თქვენ შეგიძლიათ შესაძლებლობა  მისცეთ საკუთარ თავს ყოველ საღამოს კარგად დაისვენოთ,ამისთვის კი აუცილებელია გქონდეთ თქვენს ინტერესებზე და სურვილებზე მორგებული მატრასი.

საინტერესოა რამდენად ხშირად უნდა შეიცვალოს მატრასი? არ აქვს მნიშვნელობა მატრასი მყარი ან ორთოპედიულია, რბილია, სინთეზური თუ ბუნებრივი ბოჭკოებისგან დამზადებული, ნებისმიერი მათგანი რაღაც მომენტში იცვითება, როგორც კი მატრასი დაძველდება მისი რეკომენდებული სიცოცხლის ხანგრძლივობის შემდეგ, დიდი შანსია, რომ მისგან ვერ მივიღებთ სათანადო კომფორტს,რაც აისახება ძილის ხარისხზე. მიუხედავად იმისა, რომ მწარმოებლების უმეტესობა გვირჩევს ძველი მატრასის ახლით შეცვლას დაახლოებით რვა წლის შემდეგ, რამდენიმე მნიშვნელოვანი ფაქტორი დაგეხმარებათ განსაზღვროთ შესაცვლელია თუ არა თქვენი მატრასი.

მატრასის გამძლეობის ხანგრძლივობა

ზოგადად, მატრასების უმეტესობა ძლებს 6- 15 წლამდე. თუმცა, ნებისმიერი მატრასის გამძლეობა დამოკიდებულია რამდენიმე ფაქტორზე, მათ შორის მასალებზე რითიც მზადდება, კონსტრუქციის ხარისხზე, გამოყენების სიხშირეზე და მოვლის მეთოდზე.

ხვეული ზამბარები და ჰიბრიდული მატრასი

მიუხედავად იმისა, რომ არსებობს შიდა ზამბარიანი მატრასების რამდენიმე ვარიაცია,ყველა მათგანი აგებულია შიდა ხვეული ზამბარებით, რომლებიც, როგორც წესი, დამზადებულია ფოლადისგან. ზამბარის კონსტრუქციის ხარისხი,ასევე მატრასის ზედაპირის ტიპი და ხარისხი (ორმხრივი,ორთოპედიული ღრუბელი, მემორი ღრუბელი, გამოყენებული ქსოვილი) არის ძირითადი ფაქტორები, რომლებიც განსაზღვრავს მის ხანგრძლივობას.

საშუალოდ, შიდა ზამბარიანი მატრასები ძლებს 7- 10 წლამდე, ზოგჯერ უფრო მეტხანს. რაც უფრო ელასტიურია ზამბარის ხვეულები და რაც უფრო მაღალი ხარისხის ღრუბელია გამოყენებული, მით მეტი ექსპლუატაციის ხანგრძლივობით გამოირჩევა მატრასი. თუ თქვენ გაქვთ ორმხრივი ორთოპედიული შიდა ზამბარიანი მატრასი - დიდი შანსია, რომ ის უფრო დიდხანს გაძლებს, ვიდრე ჰიბრიდული მატრასი, რომლის მეორე მხარეს გადატრიალება შეუძლებელია.

მემორი ღრუბლით დამზადებული მატრასი

მემორი მატრასი, როგორც წესი, დამზადებულია მაღალი ხარისხის ღრუბლისგან, რომელიც იკუმშება ზეწოლისას,ამიტომ ის ბუნებრივად შეესაბამება და იმეორებს სხეულის ფორმას. ზეწოლის გარეშე ღრუბელი უბრუნდება დეკომპრესირებულ მდგომარეობას.

მიუხედავად იმისა, რომ ღრუბელი მუდმივად განიცდის განმეორებით შეკუმშვას, მას უფრო ხანგრძლივი ექსპლუატაციის ვადა აქვს, ვიდრე შიდა ზამბარებიან ორთოპედიულ მატრასს. მაღალი ხარისხის მემორი ღრუბელი  ჩვეულებრივ ძლებს 10-დან 15 წლამდე სათანადო მოვლის პირობებში.

ორთოპედიული მატრასები

ეს მატრასი დამზადებულია სინთეზური ან ბუნებრივი ღრუბლისგან, რომელიც საკმაოდ მკვრივია და ამიტომ მატრასი გამოირჩევა შედარებით ხისტი ზედაპირით. ვისაც უყვარს მყარ და თანაბარ ზედაპირზე ძილი,ორთოპედიული მატრასი საუკეთესო არჩევანია.საშუალოდ, ორთოპედიული მატრასი გაგიძლებთ დაახლოებით 10 წელს.

იმის გამო, რომ ორთოპედიული ღრუბელისგან დამზადებული მატრასი მკვრივია, ვიდრე მემორი ღრუბელის მატრასი, არ საჭიროებს ხშირ გადატრიალებას წერტილოვანი ზეწოლის თავიდან ასაცილებლად.

ბოლოს კი გთავაზობთ რამდენიმე მნიშვნელოვან ფაქტორს,რომელიც დაგარწმუნებთ რომ თქვენი მატრასის შეცვლის დროა :

ცუდად გძინავთ ან მუდმივად იღვიძებთ ტკივილის შეგრძნებით

სანამ გადაწყვეტთ მატრასის შეცვლას,ჯერ გაითვალისწინეთ რამდენად კარგად იძინებთ მასზე. თუ გრძნობთ, რომ ძილის დროს ხშირად იცვლით პოზიციას ამაში შეიძლება მატრასი იყოს დამნაშავე, თუ გრძნობ რომ მუდმივად გაწუხებთ წელის ან ზურგის არეში ტკივილები, დროა წახვიდეთ ახალი მატრასის შესაძენად.

ალერგიული ფონის გაუარესება

მტვრის ტკიპები, ბაქტერიები და ყველა სახის სხვა მიკროსკოპული პარაზიტები დროთა განმავლობაში გროვდება მატრასში, მიუხედავად იმისა, რამდენად კარგად ზრუნავთ მასზე. და ამ პაწაწინა არსებების ჭარბმა რაოდენობამ შეიძლება გააუარესოს თქვენი ალერგია ან გამოიწვიოს უცნაური სიმპტომების განვითარება, როგორიცაა კანის ან რესპირატორული გაღიზიანება, მაშინაც კი, თუ არ გაქვთ ალერგია.

მატრასს აქვს ცვეთის შესამჩნევი ნიშნები

როდესაც თქვენი მატრასი ვიზუალურად ისე აღარ გამოიყურება როგორც ადრე, ის დეფორმირებულია,ქსოვილი დაზიანებული და გაცვეთილია,დაწოლისას იგრძნობა შიდა ზამბარების არსებობა, მატრასი გახდა რელიეფური და არათანაბარი, ამ შემთხვევაში,გირჩევთ მატრასი ახლით ჩაანაცვლოთ.

როდესაც მატრასის კონსტრუქცია დაზიანებულია

როდესაც მატრასზე დაწოლისას ფაქტიურად ვარდებით მასში. გეჩვენებათ, რომ ჩარჩენილი ხართ დიდ ორმოში, საიდანაც ამოსვლა არ შეგიძლიათ. თუ ასეა, სავარაუდოდ მოგიწევთ მატრასი შეცვალოთ,რადგან მსგავს პოზიციაში დიდხანს ძილი შეგიქმნით ჯანმრთელობის პრობლემებს, განსაკუთრებით ხერხემლის,კუნთების და სახსრების ტკივილი შეგაწუხებთ.

თქვენს მატრასს უცნაური სუნი აქვს

თუ თქვენს მატრასს არასასიამოვნო სუნი გაუჩნდა და ვერანაირი მცდელობით სუნს ვერ აქრობთ, დროა იფიქროთ მატრასის ჩანაცვლებაზე. ზოგიერთ შემთხვევაში, მკვეთრი, ქიმიური სუნი შეიძლება წარმოიშვას, როდესაც მატრასის შიდა მასალები თანდათან იშლება. არასასიამოვნო  სუნი ასევე შეიძლება განვითარდეს, თუ მატრასში  ობი ან ნესტი გაჩნდა, რაც შეიძლება მოხდეს განსაკუთრებით ნოტიო გარემოში ან ხშირი ოფლიანობის შემთხვევაში.

თუ ფიქრობთ, რომ დროა შეცვალოთ თქვენი მატრასი, გვეწვიეთ  Ashley Sleep განყოფილებაში,რომელიც ჩვენს შოურუმებშია წარმოდგენილი. ჩვენთან შეარჩევთ უმაღლესი ხარისხის ამერიკული და ევროპული წარმოების მატრასებს.